بیرسٹر گوہر علی خان کو عمران خان کے ٹوئٹر اکاؤنٹ سے 1971 سے متعلق شئیر کی گئی ویڈیو پر وضاحت کرنا مہنگا پڑگیا، عمران خان بیرسٹر گوہر علی خان پر برہم، صحافی زبیر علی خان کا دعویٰ۔
صحافی زبیر علی خان کے مطابق جیل میں ملاقات کے دوران عمران خان بیرسٹر گوہر پر برہم نظر آئے
عمران خان نے بیرسٹر گوہر علی خان کو مخاطب کرتے ہوئے کہا کہ یہ تیسری مرتبہ موقف سے پیچھے ہٹ رہے ہو، وضاحتیں دینے کی ضرورت نہیں۔
زبیرعلی خان کے مطابق عمران خان نے مزید کہا کہ 9 مئی کے مظلوم ہم ہیں، عوام ہمارے ساتھ کھڑی ہے اپنے موقف پر ڈٹ کر کھڑے رہا کرو، میں دیکھ رہا ہوں پہلے بھی دو بار ایسا ہوا ہے۔
اس پر زبیر علی خان پی ٹی آئی سپورٹرز کی جانب سے تنقید کی زد میں نظر آئے اور سوال کرتے رہے کہ آپکو یہ خبر کیسے ملے جس پر زبیرعلی خان نے کہا کہ کچھ دوست پوچھ رہے ہیں کہ عمران خان کا جیل سے پیغام میں تو کوئی ایسا ذکر نہیں جس سے یہ تاثر ملے کہ بیرسٹر گوہر کی بات سے وہ ناخوش تھے
انکے مطابق اول تو عمران خان کے پیغام کا آخری پیرا پڑھیں اور دوسرا بیرسٹر گوہر نے کل جو بات کہی کہ عمران خان کو یہ نہیں پتہ ہوتا کہ ان کے اکاونٹ سے جانے والامواد کیا ہوتا ہے ۔
انکے مطابق اس بیان نے شدید نقصان پہنچایا ہے، وضاحت اعظم سواتی نے بھی کی اور روف حسن نے بھی لیکن بیرسٹر گوہر کی وضاحت نے عمران خان کے اکاؤنٹس سے شئیر ہونے والے تمام مواد پر شکوک و شبہات اور سوالات کھڑے کر دیے جس پر عمران خان ناخوش تھے
- Featured Thumbs
- https://www.siasat.pk/data/files/s3/zuabai1h1h11.jpg
