سابق وزیرداخلہ شیخ رشید کا کہنا ہے کہ نیب زدہ حکمران بن گئے، سالوں سے بیمار گھنٹوں میں صحت مند ہو گئے۔ پنجاب کے منحرف لوگوں کی ووٹنگ پر حکومت بنائی گئی، سٹاک ایکسچینج بیٹھ گئی اور مہنگائی آسمان پر پہنچ گئی۔
ان کا مزید کہنا تھا کہ ڈالر آسمان پر چلا گیا اور فارن ریزرو آدھے رہ گئے ہیں، شہباز شریف کی ایک ماہ کی کارکردگی یہ ہے۔ منی لانڈرنگ کی انویسٹی گیشن کرنے والے افسروں کے تبادلے کر دیئے گئے۔ اپنے سمیت کسی پر فرد جرم نہیں لگانے دی۔
شہبازشریف پر مزید تنقید کرتے ہوئے انہوں نے کہا کہ میر جعفر اور میر صادق کو سوالیہ نشان بنا دیا گیا ہے۔ گھر سے نکال کر جان سے مارنے کی دھمکیاں دی گئیں، نیب کو ختم کرنے اور بھارت سے نئے تعلقات بنانے کا فیصلہ کیا گیا۔
سابق وزیر داخلہ نے یہ بھی کہا کہ الکیشن کے مطالبے سے فرار کا راستہ اختیار کیا گیا، ایک ماہ میں جمہوریت کو سوا نیزے پہ لٹکا دیا گیا۔ شہبازشریف کی ایک مہینے کی کارکردگی یہی ہے۔