سابق آرمی چیف جنرل قمر جاوید باجوہ ان دنوں فیملی کیساتھ بیرون ملک ہیں،جہاں ان کے ساتھ بدتمیزی کا واقعہ پیش آیا ہے، سوشل میڈیا صارفین کے مطابق بدتمیزی کرنے والا میں افغان شہری تھا۔
سوشل میڈیا پر وائرل ہونیوالی ویڈیو میں دیکھا جا سکتا ہے کہ سابق آرمی چیف اپنی اہلیہ کیساتھ بیرون ملک ایک چرچ کے باہر بیٹھے ہیں ۔اسی دوران ایک شخص ویڈیو بناتا ہوا ان کے قریب آ جاتا ہے، جنرل (ر)قمرجاوید باجوہ کہتے ہیں کہ میں آرمی چیف نہیں ،سابق آرمی چیف اس شخص کو ویڈیو بنانے سے روکتے ہوئے کہتے ہیں کہ آپ ویڈیو نہ بنائیں، میں ابھی پولیس کو بلاتا ہوں۔
افغان شخص کہتا ہے کہ پولیس کو پلاؤ اور پھرگالم گلوچ شروع کردیتاہے،اس پر سابق آرمی چیف اس شخص کو نظرانداز کر دیتے ہیں اور اپنی اہلیہ کیساتھ بات چیت میں مصروف رہتے ہیں تاہم وہ شخص پشتو زبان میں کہتا ہے کہ یہ دیکھو پاکستان فوج کا سربراہ ، یہ جو اس کے ساتھ بیٹھی ہیں یہ ان کی اہلیہ ہیں ،یہ کلیسا کے سامنے بیٹھے ہیں۔
اس شخص کا مزید کہناتھاکہ اب دیکھو بولتا بھی نہیں ، اس کو بیوی نے کہاکہ بولوہی نہیں، چپ بیٹھا ہے۔
سابق آرمی چیف کیساتھ ہونیوالے سلوک پر سوشل میڈیا صارفین نے ملے جلے تبصرے کئے کسی نے اس واقعہ کو قابل مذمت قرار دیا تو کسی نے حمایت کی۔سابق آرمی چیف کے ناقدین نے بھی انکے ساتھ اس سلوک کو قابل مذمت قرار دیا
فیاض شاہ نے لکھا کہ باجوہ کے ساتھ بدتمیزی کرنے والا کوئی افغانی ہے۔ وڈیو میں وہ بار بار افغانستان کا ذکر بھی کر رہا ہے۔ ہمارے پٹھانوں کی یہ روایات نہیں کہ کسی عورت کے سامنے دشمن کے لیے بھی ایسی زبان استعمال کریں۔ باجوہ صاحب 6 فٹ قد ہے آپ کا، اس کا منہ کیوں نہیں توڑا؟ کیوں سنتے رہے یہ سب کچھ؟
ملیحہ ہاشمی نے تبصرہ کیا کہ جنرل باجوہ نواز شریف کو بچاتے بچاتے خود بھی انہی کی صف میں جا کھڑے ہوئے۔ جنرل باجوہ کے ساتھ فرانس میں ہوئی بدتمیزی غلط اور قابل مذمت ہے تو پاکستان میں چادر چار دیواری کا تقدس پامال کیا جانا اس سے زیادہ غلط اور قابل مذمت ہے۔ عثمان ڈار کی والدہ اور کئی خواتین کے ساتھ پولیس کی…
انورلودھی نے تبصرہ کیا کہ باجوہ صاحب کے ساتھ بدتمیزی کا واقعہ افسوسناک ہے لیکن ہمارے سپہ سالار تقریروں میں وطن پر مر مٹنے کا عہد کرتے ہیں لیکن ریٹائرمنٹ کے بعد باہر کے ملکوں میں کیوں جا بستے ہیں؟؟
فریدقریشی کا کہنا تھا کہ افغان شہری کی فرانس میں سابق آرمی چیف جنرل ریٹائرڈ قمر جاوید باجوہ کے ساتھ بدتمیزی، پشتو زبان میں نازیبا الفاظ کا استعمال۔ ایسے واقعات چاہے لندن میں ہوں یا کہیں اور، اپنا کرے یا پرایا، سیاستدان کے ساتھ ہوں یا کسی اور کے ساتھ، انتہائی افسوسناک اور قابل مذمت ہیں۔
صحافی طارق متین نے اس سلوک کو قابل مذمت قرار دیتے ہوئے کہا کہ اس طرح سے کسی بھی شخص کی فیملی کے ساتھ یا فیملی کے بغیر بھی ذاتی زندگی میں دخل نہیں دیا جا سکتا ۔ تنقید کسی پر کی جا سکتی ہے مگر تضحیک اور دخل اندازی غلط ہے
- Featured Thumbs
- https://www.siasat.pk/data/files/s3/bajwaiahaai.jpg
