پاکستان نے بھارت کی جانب سے پاکستان آنے والے جہاز کو روکے جانے پر ردعمل دیتے ہوئے اس اقدام کی شدید الفاظ میں مذمت کی ہے۔
تفصیلات کے مطابق پاکستان کے دفتر خارجہ نے بھارت کسٹمز حکام کی جانب سے پاکستان آنے والے جہاز کو روکے جانے پرردعمل دیتے ہوئے اس اقدام کی شدید الفاظ میں مذمت کی ہے۔
تفصیلات کے مطابق آج بھارتی میڈیا نے یہ دعویٰ کیا تھا کہ بھارتی کسٹم حکام نے چین سے کراچی آنے والے ایک بحری جہاز کو ممبئی کی بندرگاہ پر روک لیا ہے، بھارتی حکام کو اس جہاز میں جوہری اور بیلسٹ میزائل پروگرام میں استعمال ہونے والا سامان موجود ہونے کا شبہ ہے۔
پاکستان کے دفتر خارجہ نے اس واقعہ پرردعمل دیتے ہوئے ایک بیان جاری کیا ہے جس میں جہاز کو روکنے اور اس میں موجود سامان کو اپنے قبضے میں لینے کے بھارتی اقدام کی شدید مذمت کرتے ہوئے اسے بین الاقوامی اصولوں کے منافی قرار دیا گیا ہے، بیان میں کہا گیا ہے کہ یہ ایک تجارتی ادارے کی جانب سے درآمد کی گئی کمرشل لیتھ مشین کا سادہ سا معاملہ ہے، یہ کمپنی پاکستان میں آٹو موبائل انڈسٹری کو پرزے فراہم کرتی ہے۔
ترجمان دفتر خارجہ کا مزید کہنا تھا کہ بھارتی اقدام مشکوک اسناد کے ساتھ آزادنہ تجارت میں رکاوٹ ریاستوں کی طرف سے پولیسنگ کے کردار کی من مانی کی نشاندہی کرتی ہے، متعلقہ نجی ادارے اس بلا جواز قبضے کے خلاف قانونی چارہ جوئی کا ارادہ رکھتے ہیں، اس امپورٹ کا لین دین شفاف بینکنگ چینلز کے ذریعے کیا گیا، آلات کی تفصیلات اس کے خالصتا تجارتی استعمال کی تصدیق کرتی ہیں۔