معروف صحافی و اینکر پرسن حامد میر نے عمران خان کو مینشن کرتے ہوئے ایک ٹوئٹ کیا کہ انہیں ٹی وی کے صحافیوں پر اپنا وقت ضائع نہیں کرنا چاہیے اور اپنے فوکس یوٹیوبرز پر ہی رکھنا چاہیے۔ جس پر فواد چودھری نے ان کا شکریہ ادا کرتے ہوئے کہا کہ وہ یہی کر رہے ہیں۔
تفصیلات کے مطابق فرہاد جرال نامی ایک صارف نے کہا کہ انہوں نے سوشل میڈیا کی وجہ سے ٹی وی دیکھنا اور اخبار پڑھنا چھوڑ دیا ہے کیونکہ یہاں ملنے والی چیزیں کمال کی ہیں جیسا کے عمران خان یہاں بول رہے ہیں۔
اس ٹوئٹ پر اینکر حامد میر نے کہا کہ میرا خیال ہے عمران خان کو ٹی وی کے صحافیوں پر اپنا وقت برباد نہیں کرنا چاہیے، انہیں چاہیے کہ یوٹیوبرز اور اپنے کی بورڈ واریئرز پر ہی انحصار کریں۔
حامد میر کے ٹوئٹ پر سابق وفاق وزیر فواد چودھری نے کہا کہ آپ کا شکریہ جہاں تک جیو کا تعلق ہے تو ہماری پالیسی پہلے ہی آپ کے مشورے کے مطابق ہے۔
