- میرے ذاتی خیال میں جمشید دستی کو سزا نہایت خوش آئند علامت ہے، جس جس شخص نے قانون کا مذاق اڑایا، جعلی حلف نامہ جمع کرا کر دھوکا دیا، آئین اور قانون کا تماشا بنایا، انہیں سزا ملنی چاہیے۔ میری تو یہ خواہش اور مطالبہ ہے کہ یہ سلسلہ دراز ہو اور ایسے ہر شخص کو سزا ملنی چاہیے۔ میں*نے اپنے آج کے کالم میں بھی لکھا ہے کہ جن خواتین ارکان اسمبلی نے مختلف بہانوں سے استعفے دیے اور جعلی ڈگری کی سزا سے بچنے کی کو...شش کی، انہیں* بھی سزا ملنی چاہیے۔ مجھے یاد ہے کہ ریاض شیخ صاحب کی اہلیہ محترمہ شبینہ ریاض شیخ نے بھی یہ بہانہ بنایا کہ گھریلو مصروفیت کی بناپر وہ ملک سے با ہر جا رہی ہیں،اس لئے استعفا دے دیا، حالانکہ ان کی بھی ڈگری جعلی تھی ،اسی طرح فلمسٹار رنگیلا کی بیٹی فرح دیبا سمیت اور بہت سے ارکان اسمبلی تھے، ان سب کو سزا ملنی چاہیے۔
جہاں*تک اس بات کا تعلق ہے کہ جمشید دستی نے فیوڈلز کو چیلنج کیا، یہ بات تو درست ہے ،مگر خیر سے سیاست کی برکت سے جمشید دستی صاحب خود بھی لاکھوں* کروڑوں میں کھیل رہے ہیں۔ ان پر کرپشن کے بے شمار الزامات لگائے جاتے ہیں، جن میں مظفر گڑھ کے پاور پلانٹ کے لئے فیول کی چوری سے لے کر بہت سے دوسرے معاملات شامل ہیں۔ کرپشن سے ان کا دامن صاف نہیں۔ ویسے بھی ان کے خاندان نے جو طوفان بدتمیزی مچا رکھا تھا، مظفر گڑھ میں ، وہ بھی نظرانداز کرنے والا نہیں۔ میرے خیال میں مفت بسیں چلا کر ڈرامہ بازی کرنا کون سی سیاست ہے۔ انہوں نے مظفر گڑھ میں آج کل چھ بسیں چلا رکھی ہیں، شہر کے مختلف روٹ پر چلتی ہیں۔ مگر کیا اسمبلی میں انہوں نے قانون سازی کرنی تھی یا ڈرائیوری کے جوہر دکھانے تھے۔ جمشید دستی ہمارے اس سطحی سیاسی کلچر کی نمائندگی کرتے ہیں، جس میں گلی نالی ،سڑک کی سیاست پر اسمبلیوں کے فیصلے ہوتے ہیں۔ یہ جنرل ضیا کے غیر جماعتی بلدیاتی انتخابات کی نحوست ہے جو ابھی تک چلی آ رہی ہے۔ میں*ذاتی طور پر اسمبلی میں بی اے کی شرط کا حامی ہوں۔ اسمبلیاں قانون سازی کرنے کے لئے ہوتی ہیں، جاہل آدمی کا وہاں*کیا کام۔ ہاں عام اآدمی بلدیاتی انتخابات میں حصہ لے ،وہاں*ان پڑھ کو بھی حصہ لینے کی اجازت ہونی چاہیے، اسمبلیاں*خاص کر قومی اسمبلی اور سینیٹ ملک کے لئے پالیسیاں بنانے کا فورم ہے، قومی اور بین الاقوامی سطح کی پالیسیاں بنانا ان کا کام ہے، وہاں کے لئے خاص صلاحیت ہونی چاہیے، ہم لوگوں نے غیر ضروری طور پر جنرل مشرف کی بی اے کی شرط کو نشانہ بنایا۔
[h=5]M Aamir Hashim Khakwani[/h]