
دن رات بشریٰ بی بی اور فرح خان پر الزامات لگانے پر حامد میر کا صبر جواب دے گیا اور مریم اورنگزیب کو کھری کھری سنادیں
حامد میر نے مریم اورنگزیب کی پریس کانفرنس کا ایک سکرین شاٹ شئیر کیا جس میں لکھا تھا کہ عوام کے صبر کا فیوز اڑگیا ۔ اگر چہ مریم اورنگزیب ملک ریاض اور انکی بیٹی کی مبینہ کال پر پریس کانفرنس کررہی تھیں جو بشریٰ بی بی سے متعلق تھی لیکن عوام کے صبر کا فیوز اڑگیا کا لفظ لوڈشیڈنگ سے متعلق تھا۔
حامد میر نے تبصرہ کرتے ہوئے کہا کہ گوگی گوگی گوگی بشریٰ بشریٰ بشریٰ دن رات بس یہی سن رہے ہیں اگر آپکو کسی انگوٹھی کا سراغ مل گیا ہے تو مقدمہ بنا کر گرفتاری کریں صرف کہانیاں نہ سنائیں ،
انہوں نے مزید کہا کہ عوام کے صبر کا فیوز اڑ چکا ہے عوام پوچھ رہے ہیں کہ بجلی کدھر گئی مہنگائی کب قابو کرو گے لیکن کوئی جواب نہیں گوگی گوگی بشریٰ بشریٰ
واضح رہے کہ مریم اورنگزیب نے پریس کانفرنس کرتے ہوئے کہا تھا کہ بشریٰ بی بی ،فرح خانا ور عمران خان کا گٹھ جوڑ بے نقاب ہوگیا۔ ملکی مفادات کی قیمت 5 قیراط لگائی گئی، انکی سوچ توشہ خانہ سے شروع ہوکر انگوٹھی پر ختم ہوتی ہے۔
دوسری جانب ملک ریاض نے مبینہ آڈیو کی تردید کردی اور کہا کہ یہ آڈیو جعلی ہے،میرے بعد میرے خاندان کو بھی اس سیاست کے کھیل میں گھسیٹا جارہا ہے۔
انہوں نے مزید کہا کہ جن لوگوں نے یہ آڈیو پھیلائی ہے انکے خلاف قانونی کاروائی کروں گا۔