ٹیسٹ میچ کے تیسرے روز اتنی بڑی تعداد میں شائقین کرکٹ کا یہاں موجود ہونا ایک شاندار تجربہ ہے!
تفصیلات کے مطابق انگلش کرکٹ ٹیم کے سابق کپتان و کمنٹیٹر ناصر حسین نے پاکستان اور انگلینڈ کے درمیان راولپنڈی میں کھیلے جانے والے ٹیسٹ میچ کے دوران سٹیڈیم میں موجود قومی کرکٹ ٹیم کے کپتان بابر اعظم کی سنچری کے وقت کرکٹ شائقین کے جوش وخروش سے بھرپور ویڈیو شیئر کر دی ہے۔
ناصر حسین کا ویڈیو نے ویڈیو بنانے کے دوران کہا کہ ٹیسٹ کرکٹ میں ایسے لمحات بہت کم دیکھنے کو ملتے ہیں، یہ سب لوگ صرف ایک وجہ سے یہاں موجود ہیں اور وہ یہ کہ بابراعظم کو سنچری کرتے دیکھیں، اور انہوں نے یہ کر دکھایا! ٹیسٹ میچ کے تیسرے روز اتنی بڑی تعداد میں شائقین کرکٹ کا یہاں موجود ہونا ایک شاندار تجربہ ہے!
انگلش کمنٹیٹر ناصر حسین کی ویڈیو سکائی سپورٹس کرکٹ کے آفیشل ٹویٹر اکائونٹ سے شیئر کی گئی تھی۔ سابق انگلش ٹیسٹ کرکٹر ناصر حسین نے چند دن پہلے ہی قومی کرکٹ ٹیم کے کپتان بابر اعظم کا انٹرویو کیا تھا، وہ ان کی بلے بازی کے معترف ہیں۔
راولپنڈی میں کھیلے جانے والے ٹیسٹ میچ کے تیسرے دن کپتان قومی کرکٹ ٹیم بابر اعظم نے 126 گیندیں کھیل کر 13 چوکوں اور 1 چھکے کی مدد سے اپنے ٹیسٹ کیریئر کی 8 ویں سنچری مکمل کر لی ہے۔
اس سے پہلے سابق انگلش کپتان ناصر حسین نے راولپنڈی ٹیسٹ میچ کیلئے تیار کی گئی پچ کو سڑک قرار دیا تھا جبکہ سوشل میڈیا پر شائقین کرکٹ چیئرمین پاکستان کرکٹ بورڈ (رمیز راجہ) کو ٹیسٹ کرکٹ کی تباہی کا ذمہ دار ٹھہرا رہے تھے، اس سے پہلے آسٹریلیا کے خلاف سیریز کےد وران آسٹریلوی میڈیا کی طرف سے بھی راولپنڈی سٹیڈیم کی پچ کو سڑک قرار دیتے ہوئے روڈ سائنز والی تصویر شیئر کر دی تھی۔
