فیڈرل بورڈ آف ریونیو (ایف بی آر) کی طرف سے ملک میں سمگل ہونے والی گاڑیوں کو ریگولرائز کرنے کے لیے ایمنسٹی سکیم لائے جانے کی خبروں کی تردید کر دی گئی ہے۔
ذرائع کے مطابق خصوصاً افغانستان کے سرحدی علاقوں سے چمن ودیگر راستوں سے بلوچستان سمگل کی جانے والی گاڑیاں جنہیں بعدازاں بھاری منافع کمانے کے لیے ملک کے مختلف شہروں میں پہنچایا جاتا ہے کی وجہ سے قومی خزانے کو اربوں روپے کا نقصان پہنچ رہا ہے۔
پچھلے چند دنوں سے سماجی رابطوں کی ویب سائٹس پر ایک خبر چل رہی تھی کہ فیڈرل بورڈ آف ریونیو کی طرف سے سمگل کی گئی گاڑیوں کو ریگولرائز کرنے کے لیے متوقع طور پر ایک ایمنسی سکیم متعارف کروائی جا رہی ہے۔
معاشی ماہرین کی طرف سے بھی تجویز دی جاتی رہی ہے کہ حکومت ایسی گاڑیوں جن کی کسٹم ڈیوٹی ادا نہ کی گئی ہو کو ریگولرائز کرنے کے پالیسی بنائے تاکہ قومی خزانے کو اربوں روپے کا فائدہ پہنچ سکے۔
فیڈرل بورڈ آف ریونیو (ایف بی آر) کی طرف سے اب ایسی تمام خبروں کی تردید کر دی گئی ہے اور آفیشل ایکس (ٹوئٹر) اکائونٹ سے شہریوں کو آگاہ کرتے ہوئے کہا ہے کہ: ملک بھر میں سمگل کی جانے والی گاڑیوں کو ریگولرائز کرنے لیے متوقع طور پر متعارف کروانے کی خبریں افواہ ہیں، سوشل میڈیا پر گردش کرنے والے تمام خبروں کی واضح طور پر تردید کرتے ہیں۔
ایف بی آر کے مطابق: ہم یہ واضح کرنا چاہتے ہیں کہ اس ایسی کوئی بھی ایمنسٹی سکیم کی کوئی تجویز وفاقی حکومت کے پاس نہیں ہے اور نہ ہی ایسا کوئی معاملہ زیرغور ہے۔ ہمارا عام شہریوں کو مشورہ ہے کہ سوشل میڈیا ویب سائٹس یا کسی بھی دوسرے غیرتصدیق شدہ ذرائع سے گردش کرنے والی ایسی کسی بھی غلط خبر پر یقین نہ کریں۔
ایک رپورٹ کے مطابق پاکستان کے مختلف علاقوں میں نان کسٹم پیڈ گاڑیوں کے حوالے سے مختلف قوانین بنائے گئے ہیں جبکہ کوئٹہ سمیت بلوچستان میں کابلی گاڑیوں کا استعمال بہت عام ہے جنہیں وقتاً فوقتاً ضبط بھی کر لیا جاتا ہے۔ ماہرین کا کہنا ہے کہ اگر ایسی گاڑیوں کے لیے کوئی سادہ طریقہ کار اختیار کر کے انہیں ریگولرائز کر دیا جائے تو جرائم میں کمی کے ساتھ ساتھ قومی خزانے کو اربوں کا فائدہ پہنچے گا۔
- Featured Thumbs
- https://www.siasat.pk/data/files/s3/fbdb111h.jpg
