برطانوی نژاد امریکی صحافی، براڈکاسٹر مہدی رضا حسن کا شہباز شریف کے بطور پاکستان کے نئے وزیراعظم کے انتخاب پر دلچسپ ردعمل سامنے آگیا۔
تفصیلات کے مطابق مہدی رضا حسن نے اپنی ٹوئٹر پوسٹ میں کہا کہ تقریباً ایک سال قبل شریف منی لانڈرنگ کے الزام میں ضمانت پر رہا ہو ئے تھے۔ آج وہ ملک کے وزیراعظم ہیں۔ یہ پاکستانی سیاست ہے۔
واضح رہے کہ قومی اسمبلی نے مسلم لیگ ن کے صدر شہباز شریف کو نیا قائد ایوان منتخب کرلیا جس کے بعد شہباز شریف پاکستان کے 23 ویں وزیراعظم منتخب ہوگئے۔
خیال رہےکہ نئے قائد ایوان کے لیے متحدہ اپوزیشن کی جانب سے شہباز شریف اور تحریک انصاف کی جانب سے شاہ محمود قریشی وزیراعظم کے امیدوار تھے تاہم پی ٹی آئی کی جانب سے بائیکاٹ کے بعد شہباز شریف واحد امیدوار رہ گئے۔
شہباز شریف کو ایوان میں 174 ووٹ ملے جس کے بعد وہ پاکستان کے 23 ویں وزیراعظم منتخب ہوگئے ہیں، شہباز شریف نے وزیر اعظم پاکستان کا حلف بھی اٹھا لیا ہے۔
