عدالت نے اشتعال انگیز تقاریر کیس میں لیگی رہنما کیپٹن ریٹائرڈ صفدر اعوان کے قابل ضمانت وارنٹ گرفتاری جاری کر دیے۔
لاہور کی مقامی عدالت میں کیس کی سماعت ہوئی تو مریم نواز کے شوہر کیپٹن (ر) صفدر عدالت میں پیش نا ہوئے۔ وکلا نے ایک روزہ حاضری معافی کی درخواست کی جو عدالت نے مسترد کر دی۔
وکلا کا کہنا تھا کہ کیپٹن (ر) صفدر اسلام آباد ہائیکورٹ میں مصروفیات کے باعث پیش نہیں ہوسکتے لہٰذا عدالت ایک روزہ حاضری معافی کی درخواست منظور کرے۔
عدالت نے کیپٹن ریٹائرڈ صفدر کے قابل ضمانت وارنٹ گرفتاری جاری کر دیے۔
واضح رہے کہ لاہور کے تھانہ اسلام پورہ نے صفدر اعوان کے خلاف مقدمہ درج کر رکھا ہے جس میں عدالت نے کیپٹن (ر) صفدر کو عدالت میں طلب کر رکھا تھا۔
