وزیراعظم شہباز شریف نے اخباری صنعت کو مشکلات سے نکالنے کیلئے ریلیف پیکج کا اعلان کردیا ہے۔
تفصیلات کے مطابق وزیراعظم نے یہ اعلان آل پاکستان نیوز پیپرز سوسائٹی(اے پی این ایس) کے وفد سے ملاقات کے دوران کیا اور پی ٹی آئی دور میں اخبارات اور تشہیری کمپنیوں کے واجبات کی ادائیگی کی ہدایات کردی ہیں۔
اس موقع پر وزیراعظم کا کہنا تھا کہ سیاسی انتقام سے ملک کابہت نقصان ہوتا ہے ہم سیاسی انتقام پر یقین نہیں رکھتے۔
اجلاس میں شریک وفد کووزیراعظم شہباز شریف نے یہ یقین دہانی کروائی کہ مہنگائی کے تناسب سے ہی تشہیری کمپنیوں کے نرخوں میں اضافہ کیا جائے گا۔
وزیراعظم نے کہا کہ آئندہ مالی سال کے بجٹ میں اخباری صنعت پر کوئی نیا ٹیکس یا ڈیوٹی عائد نہیں ہوگا بلکہ اس صنعت کو بحران سے نکالنے کیلئے اضافی ریلیف کا بھی اعلان کریں گے۔
صحافی عماد یوسف نے صحافیوں کی وزیراعظم سے ملاقات پر تبصرہ کرتے ہوئے کہا کہ وزیر اعظم شہباز شریف کی اے پی این ایس کے وفد سے ملاقات ،حکومت کی جانب سے اخبارات کو دیئے گئے اشتہارات کے ریٹ میں اضافے سمیت کئی یقین دہانیاں، وزیراعظم سے ملاقات کے فوری بعد اے پی این ایس کی جانب سے پی ٹی آئی اور ان کے سینیئر رہنماوں کے خلاف بیان جاری کر دیا گیا۔