ممنوعہ فنڈنگ کیس میں عمران خان اور ان کے دیگر ساتھیوں کے خلاف اتحادی حکومت نے کارروائی کرنے کا فیصلہ کرلیا ہے۔ وزیر اعظم ہاؤس میں وزیراعظم شہباز شریف کی زیرصدارت پی ڈی ایم اور اتحادی جماعتوں کا سربراہی اجلاس ہوا ۔
تفصیلات کے مطابق ممنوعہ فارن فنڈنگ کیس میں ملوث عمران خان اور ان کے دیگر ساتھیوں کے خلاف اتحادی حکومت نے کارروائی کرنے کا فیصلہ کرلیا ہے۔ وزیر اعظم ہاؤس میں وزیراعظم شہباز شریف کی زیرصدارت پی ڈی ایم اور اتحادی جماعتوں کا سربراہی اجلاس ہوا ۔
رپورٹس کے مطابق جلد ہی پاکستان تحریک انصاف کے عہدیداروں کے خلاف آپریشن کلین اپ شروع ہونے کا امکان ہے۔ ایف آئی اے اور دیگر اداروں کی مختلف ٹیمیں پاکستان بھر میں کارروائیاں کریں گی۔ الیکشن کمیشن کی 12 نکاتی چارج شیٹ کے تحت عمران خان کے خلاف کارروائی ہو گی۔
ذرائع کے مطابق اتحادی جماعتوں کے سربراہی اجلاس میں طے پایا کہ وفاقی کابینہ عمران خان اور پی ٹی آئی قیادت کے نام ای سی ایل میں ڈالنے کی منظوری کل دے گی اور فیصلہ کیا گیا کہ ریڈ زون میں تحریک انصاف سمیت کسی بھی جماعت کو احتجاج نہیں کرنے دیا جائے گا۔
عمران خان کے ساتھیوں قاسم سوری، اسد قیصر، عمران اسماعیل، محمود الرشید، شاہ فرمان، ثمر علی خان، سیما ضاء ودیگر کو گرفتار کرنے اور قانونی کارروائی کیے جانے کا امکان ہے۔اجلاس میں عمران خان کی نااہلی کے لئے قانونی کارروائی کرنے کا بھی اصولی فیصلہ کیا گیا۔
اس کے علاوہ پی ٹی آئی سینٹرل سیکریٹریٹ کے چار ملازمین طاہراقبال، محمد نعمان افضل، محمد ارشد اور محمد رفیق کو شامل تفتیش کرنے کا فیصلہ کیا گیا۔ پی ٹی آئی کے مرکزی فنانس بورڈ کے 6 ارکان کے خلاف بھی قانونی کارروائی کا فیصلہ کیا گیا ہے جن میں عامر کیانی، سیف اللہ نیازی، ڈاکٹر ہمایوں مہمند، کرنل (ر) یونس علی رضا، طارق شیخ، سردار اظہر طارق خان شامل ہیں۔
- Featured Thumbs
- https://www.siasat.pk/data/files/s3/12ptiarrest.jpg
