کبھی رہبر دو عالم حضرت محمد ﷺ کی امت ایسی ہوا کرتی تھی۔

Amal

Chief Minister (5k+ posts)

ثمرقند سے طویل سفر طے کر کے آنے والا قاصد ، سلطنت اسلامیہ کےحکمران سے ملنا چاہتا تھا۔
اس کے پاس ایک خط تھا جس میں غیر مسلم پادری نے مسلمان سپہ سالار قتیبہ بن مسلم کی شکایت کی تھی۔
پادری نے لکھا !
"ہم نے سنا تھا کہ مسلمان جنگ اور حملے سے پہلے قبول اسلام کی دعوت دیتے ہیں۔ اگر دعوت قبول نہ کی جائے تو جزیہ دینے کا مطالبہ کرتے ہیں اور اگر کوئی ان دونوں شرائط کو قبول کرنے سے انکار کرے تو جنگ کے لئے تیار ہو جاتے ہیں۔
مگر ہمارے ساتھ ایسا نہیں کیا گیا اور اچانک حملہ کر کے ہمیں مفتوح کر لیا گیا ہے۔
یہ خط ثمر قند کے سب سے بڑے پادری نے اسلامی سلطنت کے فرماں روا عمر بن عبد العزیز کے نام لکھا تھا۔
دمشق کے لوگوں سے شہنشاہ وقت کی قیام گاہ کا معلوم کرتے کرتے وہ قاصد ایک ایسے گھر جا پہنچا کہ جو انتہائی معمولی اور خستہ حالت میں تھا۔ایک شخص دیوار سے لگی سیڑھی پر چڑھ کر چھت کی لپائی کر رہا تھا اور نیچے کھڑی ایک عورت گارا اُٹھا کر اُسے دے رہی تھی۔
جس راستے سے آیا تھا واپس اُسی راستے سے اُن لوگوں کے پاس جا پہنچا جنہوں نے اُسے راستہ بتایا تھا۔
اُس نے لوگوں سے کہا میں نے تم سے اسلامی سلطنت کے بادشاہ کا پتہ پوچھا تھا نہ کہ اِس مفلوک الحال شخص کا جس کے گھر کی چھت بھی ٹوٹی ہوئی ہے۔
لوگوں نے کہا ہم نے تجھے پتہ ٹھیک ہی بتایا تھا، وہی حاکم وقت عمر بن عبد العزیز کا گھر ہے ۔
قاصد پر مایوسی چھا گئی اور بے دلی سے دوبارہ اُسی گھرپر جا کر دستک دی،جو شخص کچھ دیر پہلے تک لپائی کر رہا تھا وہی اند ر سے نمودار ہوا۔
قاصدنے اپنا تعارف کرایا اور خط عمر بن عبدالعزیز کو دے دیا۔
عمر بن عبدالعزیز نے خط پڑھ کر اُسی خط کی پشت پر لکھا :
عمر بن عبدالعزیز کی طرف سے سمرقند میں تعینات اپنے عامل کے نام؛ ایک قاضی کا تقرر کرو جو پادری کی شکایت سنے۔ مہر لگا کر خط واپس قاصدکو دیدیا۔
سمرقند لوٹ کر قاصدنے خط کا جواب اور ملاقات کا احوال جب پادری کو سنایا ، توپادری پر بھی مایوسی چھا گئی۔
اس نے سوچا کیا یہ وہ خط ہے جو مسلمانوں کے اُس عظیم لشکر کو ہمارے شہر سے نکالے گا ؟ اُنہیں یقین تھا کاغذ کا یہ ٹکڑا اُنہیں کوئی فائدہ نہیں پہنچا سکے گا۔
مگر کوئی اور راستہ بھی نہ تھا چنانچہ خط لیکر ڈرتے ڈرتے امیر لشکر اور حاکم ثمرقند قتیبہ بن مسلم کے پاس پہنچے ۔
قتیبہ نے خط پڑھتے ہی فورا ایک قاضی کا تعین کردیا جو اس کے اپنے خلاف سمرقندیوں کی شکایت سن سکے۔
قاضی نے پادری سے پوچھا، کیا دعویٰ ہے تمہارا ؟
پادری نے کہا : قتیبہ نے بغیر کسی پیشگی اطلاع کے ہم پر حملہ کیا، نہ تو اِس نے ہمیں اسلام قبول کرنے کی دعوت دی تھی اور نہ ہی ہمیں کسی سوچ و بچار کا موقع دیا تھا۔
قاضی نے قتیبہ کو دیکھ کر پوچھا، کیا کہتے ہو تم اس دعویٰ کے جواب میں ؟
قتیبہ نے کہا : قاضی صاحب، جنگ تو ہوتی ہی فریب اور دھوکہ ہے۔
سمرقند ایک عظیم ملک تھا، اس کے قرب و جوار کے کمتر ملکوں نے نہ تو ہماری کسی دعوت کو مان کر اسلام قبول کیا تھا اور نہ ہی جزیہ دینے پر تیار ہوئے تھے، بلکہ ہمارے مقابلے میں جنگ کو ترجیح دی تھی۔
سمرقند کی زمینیں تو اور بھی سر سبز و شاداب اور زور آور تھیں، ہمیں پورا یقین تھا کہ یہ لوگ بھی لڑنے کو ہی ترجیح دیں گے، ہم نے موقع سے فائدہ اُٹھایا اور سمرقند پر قبضہ کر لیا۔
قاضی نے قتیبہ کی بات کو نظر انداز کرتے ہوئے دوبارہ پوچھا : قتیبہ میری بات کا جواب دو، تم نے ان لوگوں کو اسلام قبول کرنے کی دعوت، جزیہ یا پھر جنگ کی خبر دی تھی ؟
قتیبہ نے کہا : نہیں قاضی صاحب، میں نے جس طرح پہلے ہی عرض کر دیا ہے کہ ہم نے موقع سے فائدہ اُٹھایا تھا۔
قاضی نے کہا : میں دیکھ رہا ہوں کہ تم اپنی غلطی کا اقرار کر رہے ہو، اس کے بعد تو عدالت کا کوئی اور کام رہ ہی نہیں جاتا۔
اللہ نے اس دین کو فتح اور عظمت تو دی ہی عدل و انصاف کی وجہ سے ہے نہ کہ دھوکہ دہی اور موقع پرستی سے۔
میری عدالت یہ فیصلہ سناتی ہے کہ تمام مسلمان فوجی اور انکے عہدہ داران بمع اپنے بیوی بچوں کے، اپنی ہر قسم کی املاک اور مال غنیمت چھوڑ کر سمرقند کی حدوں سے باہر نکل جائیں اور سمر قند میں کوئی مسلمان باقی نہ رہنے پائے۔
اگر ادھر دوبارہ آنا بھی ہو تو بغیر کسی پیشگی اطلاع و دعوت کے اور تین دن کی سوچ و بچار کی مہلت دیئے بغیر نہ آیا جائے۔
پادری جو کچھ دیکھ اور سن رہا تھا وہ ناقابل یقین تھا۔چند گھنٹوں کے اندر ہی مسلمانوں کا عظیم لشکر قافلہ در قافلہ شہر کو چھوڑ کے جا چکا تھا۔
ثمر قندیوں نے اپنی تاریخ میں ایسا کبھی نہیں دیکھا تھا کہ جب طاقتور فاتح قوم کمزور مفتوح قوم کو یوں دوبارہ آزادی بخش دے۔
ڈھلتے سورج کی روشنی میں لوگ ایک دوسرے سے سرگوشیاں کرنے لگے کہ یہ کیسا مذہب اور کیسے پیروکار ہیں ۔ عدل کا یہ معیار کہ اپنوں کے خلاف ہی فیصلہ دے دیں۔ اور طاقتور سپہ سالار اس فیصلہ پہ سر جھکا کر عمل بھی کر دے۔
تاریخ گواہ ہے کہ تھوڑی ہی دیر میں پادری کی قیادت میں تمام شہر کے لوگ گھروں سے نکل کر لشکر کے پیچھے سرحدوں کی طرف دوڑے اور لا الٰہ الاّ اللہ محمّد الرّسول اللہ کا اقرار کرتے ہوئے اُن کو واپس لے آئے کہ یہ آپ کی سلطنت ہے اور ہم آپ کی رعایا بن کر رہنا اپنے لئے ٖفخر سمجھیں گے۔
دینِ رحمت نے وہاں ایسے نقوش چھوڑے کہ سمرقند ایک عرصہ تک مسلمانوں کا دارالخلافہ بنا رہا۔
کبھی رہبر دو عالم حضرت محمد ﷺ کی امت ایسی ہوا کرتی تھی۔ آج غیر مسلم تو دور کی بات ،مسلمان سے مسلمان کو کوئی امان نہیں۔

وہ کیا گردوں تھا کہ تو جس کا ہے اک ٹوٹا ہوا تارا
 
Advertisement

Baadshaah

Councller (250+ posts)

او بھائی۔۔ جھوٹی کہانیاں مت پھیلاؤ۔۔ ایسا کبھی نہیں ہوا۔۔۔ حملہ آوروں کی بس ایک ہی زبان ہوتی ہے، اور وہ ہے طاقت۔۔ جس پر حملہ کیا، اس کا سب کچھ لوٹ لیا، مالِ غنیمت لوٹ لیا، عورتوں کو لونڈیاں بنالیا اور ان کے علاقوں پر قابض ہوبیٹھے۔۔ اسلام میں یہ جو مالِ غنیمت اور لونڈیوں کی تقسیم کے اصول بتائے گئے ہیں، یہ کس لئے بتائے گئے ہیں۔۔۔
 

atensari

President (40k+ posts)

او بھائی۔۔ جھوٹی کہانیاں مت پھیلاؤ۔۔ ایسا کبھی نہیں ہوا۔۔۔ حملہ آوروں کی بس ایک ہی زبان ہوتی ہے، اور وہ ہے طاقت۔۔ جس پر حملہ کیا، اس کا سب کچھ لوٹ لیا، مالِ غنیمت لوٹ لیا، عورتوں کو لونڈیاں بنالیا اور ان کے علاقوں پر قابض ہوبیٹھے۔۔ اسلام میں یہ جو مالِ غنیمت اور لونڈیوں کی تقسیم کے اصول بتائے گئے ہیں، یہ کس لئے بتائے گئے ہیں۔۔۔
سچی کہانی سن لو. غیر اسلام نے حملہ آوروں کی آسانی کے لئے لوٹ مار، قبضہ کرنے کے اصول ہی نہیں بنائے

 

Baadshaah

Councller (250+ posts)
سچی کہانی سن لو. غیر اسلام نے حملہ آوروں کی آسانی کے لئے لوٹ مار، قبضہ کرنے کے اصول ہی نہیں بنائے


مولوی صاحب۔۔۔ جدید دور کے حملہ آوروں میں عورت کو لونڈی بنانے کا کوئی رواج نہیں۔ سوچیے کس قدر پست کردار کے لوگ تھے وہ جو دوسروں کی عورتوں کو اپنی لونڈیاں بنالیا کرتے تھے۔۔۔
 

atensari

President (40k+ posts)
مولوی صاحب۔۔۔ جدید دور کے حملہ آوروں میں عورت کو لونڈی بنانے کا کوئی رواج نہیں۔ سوچیے کس قدر پست کردار کے لوگ تھے وہ جو دوسروں کی عورتوں کو اپنی لونڈیاں بنالیا کرتے تھے۔۔۔
مسٹر براؤن جی، جدید دور کے حملہ اور لونڈیاں نہیں بناتے لائیںسن بنا دیتے ہیں. چودہ سو سال پہلے کون کس کی لونڈی ہے معلوم ہوتا تھا. جدید دور میں بچے کو پوچھنا پڑتا ہے میرا باپ کون ہے. سیکس ورکر کو کیا پتا کون آیا کون گیا
 

Sher-Kok

MPA (400+ posts)

او بھائی۔۔ جھوٹی کہانیاں مت پھیلاؤ۔۔ ایسا کبھی نہیں ہوا۔۔۔ حملہ آوروں کی بس ایک ہی زبان ہوتی ہے، اور وہ ہے طاقت۔۔ جس پر حملہ کیا، اس کا سب کچھ لوٹ لیا، مالِ غنیمت لوٹ لیا، عورتوں کو لونڈیاں بنالیا اور ان کے علاقوں پر قابض ہوبیٹھے۔۔ اسلام میں یہ جو مالِ غنیمت اور لونڈیوں کی تقسیم کے اصول بتائے گئے ہیں، یہ کس لئے بتائے گئے ہیں۔۔۔
اسلام میں کہاں لونڈیوں کی تقسیم کے اصول بتائے گئے ہیں؟
 

karachiwala

Chief Minister (5k+ posts)

او بھائی۔۔ جھوٹی کہانیاں مت پھیلاؤ۔۔ ایسا کبھی نہیں ہوا۔۔۔ حملہ آوروں کی بس ایک ہی زبان ہوتی ہے، اور وہ ہے طاقت۔۔ جس پر حملہ کیا، اس کا سب کچھ لوٹ لیا، مالِ غنیمت لوٹ لیا، عورتوں کو لونڈیاں بنالیا اور ان کے علاقوں پر قابض ہوبیٹھے۔۔ اسلام میں یہ جو مالِ غنیمت اور لونڈیوں کی تقسیم کے اصول بتائے گئے ہیں، یہ کس لئے بتائے گئے ہیں۔۔۔
مجوسیوں کو ایسی باتیں نا سمجھ میں آتی ہیں نا وہ ان کو سننے کی تاب رکھتے ہیں۔ لکم دینکم والی بات سمجھ کر یزدگرد کا نام ورد کرتے ہوئے سو جاؤ
 

karachiwala

Chief Minister (5k+ posts)
مولوی صاحب۔۔۔ جدید دور کے حملہ آوروں میں عورت کو لونڈی بنانے کا کوئی رواج نہیں۔ سوچیے کس قدر پست کردار کے لوگ تھے وہ جو دوسروں کی عورتوں کو اپنی لونڈیاں بنالیا کرتے تھے۔۔۔
مولوی صاحب۔۔۔ جدید دور کے حملہ آوروں میں عورت کو لونڈی بنانے کا کوئی رواج نہیں۔ سوچیے کس قدر پست کردار کے لوگ تھے وہ جو دوسروں کی عورتوں کو اپنی لونڈیاں بنالیا کرتے تھے۔۔۔
مسئلہ یہ ہے کہ لوگ یہ نہیں جانتے کہ تو ہے کون۔ اپنے اصلی نام یعنی ہلدی رام کے نام سے پوسٹ بنا۔ وہ ببر کتے والی آئی ڈی تیری حماقت سے ختم ہوئی اور اب تو نے پھر ایک اور کمائی والی آئی ڈی اڑا دی۔ اب پھر جا کر منت کر مریم باجی کی ترلے کر تجھے ایک موقع اور دے
 
Sponsored Link

Featured Discussion Latest Blogs خبریں