ذمہ دار ظالم کو بھی ٹھہرایا جائے گا اور اس ظلم سے فائدہ اٹھانے والے کو بھی
ایک مثال پیش کرتا ہوں
اگر اب سمجھ نہ آئی تو پھر میرے بس سے باہر ہے
معاشرے میں پولیس کا کام یہ ہوتا ہے کہ اگر کمزور کے خلاف طاقتور ظلم کرے تو پولیس کمزور کی جگہ طاقتور سے حق وصول کرے گی
اب اگر پولیس اپنا کام نہ کرے تو کیا ہم یہ کہ کر آنکھیں بند کر سکتے ہیں کہ کوئی فرق نہیں پڑتا کیوں کہ پولیس کی نااہلی سب ہی کے لئے ہے؟
نہیں !کیوں کہ پولیس کی نا اہلی سے طاقتور کو اتنا فرق نہیں پڑتا جتنا کمزور کو
اب قصور میں جن غریبوں کے ساتھ ظلم ہوا ہے اسکی وجہ یہ ہے کہ پولیس اپنا کام نہیں کر سکی
تو کیا قصور کے طاقتور لوگوں پہ اس نا اہلی کا کوئی اثر ہوا؟
بلکل نہیں!!! بلکہ الٹا فائدہ ہوا
لہٰذا یہ بنیادی اصول ہے کہ نظام جب بھی اپنا کام نہیں کرے گا پسنا غریب ہی نے ہے
اب ذمہ دار کی طرف آ جاتے ہیں
قصور میں جب پولیس اپنا کام کرنے میں ناکام رہی تو کیا صرف پولیس ظالم ہے؟
یا پھر پولیس کی اس نا اہلی سے فائدہ اٹھا کر بچوں سے زیادتی کرنے والے بھی ظالم ہیں؟
آسان جواب ہے
نا اہلی کمی کوتاہی کرنے والا بھی ذمہ دار ہے اور اس کا فائدہ اٹھانے والا بھی
لہٰذا دونوں کو سزا ملے گی
الیکشن میں سزا نہیں دی جا رہی مگر اس نا اہلی کے نتیجے میں جو رزلٹ تسلیم کیا گیا ہے اسے واپس لے لیا گیا ہے
حضرت ابو بکر کا پہلا خطبہ آپ نے پڑھا ہوگا اس میں الفاظ ہیں
تمہارا کمزور شخص میرے نزدیک قوی ہے جب تک میں اسکا حق نہ دلا دوں اور تمہارا طاقتور شخص مرے نزدیک کمزور ہے جب تک اس کے ذمے جو حق ہے وہ اس سے نہ لے لوں
تو بھائی حکومت ،عدالت ،پولیس، الیکشن کمیشن ،یہ سب امپائر ہیں اور ان کا مقصد ہی یہ ہوتا ہے طاقتور کمزور پہ ظلم نہ کر سکے اور اگر کرے تو اسکا حق واپس دلایا جا سکے
اگر ہر انسان اپنا حق خود لے سکتا تو کسی نظام کی ضرورت نہ پڑتی
اس لئے اگر الیکشن کمیشن نے اپنا کام نہیں کیا تو یہ ثابت کرنے کی ضرورت نہیں ہے کہ طاقتور کو فائدہ ہوا یا نہیں
فائدہ ہوتا ہی ہوتا ہے! نظام جب بھی کام نہیں کرے گا فائدہ صرف طاقتور کو ہوگا
لہٰذا ہم نظام کی معطلی کو اس بنیاد پہ نظر انداز نہیں کر سکتے کہ یار اس سے ہوا تو کچھ نہیں
یعنی جب جب کسی طاقتور کو فائدہ نہیں ہوا تو نظام کا معطل ہونا ٹھیک ہے
بلکل نہیں !!!بلکہ نظام کا معطل ہونا کسی طور بھی ٹھیک نہیں تاکہ یہ بحث ہی نہ رہے کہ کہیں طاقتور نے اسکا فائدہ تو نہیں اٹھا لیا
