لاہور ہائی کورٹ کے سابق جج کو دھمکی آمیز فون کالز موصول ہونے کا مقدمہ درج کرلیا گیا ہے۔
تفصیلات کے مطابق روالپنڈی کے کے تھانہ نیو ٹاؤن میں کانسٹیبل خالد محمود کی مدعیت میں لاہور ہائی کورٹ کے سابق جج جسٹس (ر) طارق عباسی کو دھمکی آمیز فون کالز موصول ہونے کا مقدمہ درج کرلیا گیا ہے۔
مقدمہ میں ٹیلی گراف ایکٹ و دیگر دفعات شامل کی گئی ہے، ایف آئی آر کے متن میں کہا گیا ہے کہ اعجاز عرف کھوڑو نام کے ملزم نے ریٹائرڈ جج کو سنگین نتائج کی دھمکیاں دی ہیں اور ان سےبدتمیزی بھی کی ہے
مقدمہ کے مطابق ملزم کے بیرون ملک مقیم دو بھائی بھی ملزم کی معاونت کررہے ہیں۔
ایف آئی آر کے متن میں کہا گیا ہے کہ ملزمان ہائی کورٹ کے سابق جج اور ان کی فیملی کو نقصان پہنچانے کا ارادہ رکھتے ہیں، ملزمان نے اپنے مقاصد پورے کرنے کیلئےکرائے کے لوگ بھی ہائر کررکھے ہیں۔
