سینئر صحافی و تجزیہ کار عارف حمید بھٹی نے انکشاف کیا ہے کہ ن لیگی رہنما ایاز صادق چھپ کر وزیراعظم کے عہدے کیلئے انٹرویو دے رہے ہیں۔
جی این این کے پروگرام" خبر ہے" میں خصوصی گفتگو کرتے ہوئے عارف حمید بھٹی نے انکشاف کیا کہ سابق اسپیکر قومی اسمبلی ایاز صادق شہباز شریف سے چھپ کر انٹرویو دیتے پھررہے ہیں کہ انہیں وزیراعظم بنایا جائے۔
انہوں نے مزید کہا کہ یہ بھی بتادوں کہ ان کی یہ درخواست ریجکٹ ہے ریجکٹ ہے ریجکٹ ہے، میری خبر پکی ہے انہوں نے ملاقات کی ہے وہ آن ایئر آکر میری خبر کی تردید کردیں اور کہہ دیں کہ نہیں ملاقات کی انہوں نے، پھر میں وقت ، جگہ اور تاریخ بتادوں گا۔
عارف حمید بھٹی نے کہا کہ جب ن لیگ کے سینئر ترین رہنما سے ایسے ہی ایک انٹرویو میں سوال ہوا کہ اگر شریف خاندان کو مسلم لیگ ن میں سے مائنس کیا جائے تو آپ کے ساتھ کتنے لوگ کھڑے ہوں گے تو ن لیگی رہنما نے جواب دیا کہ اس بارے میں میں کچھ نہیں کہہ سکتا۔
سینئر تجزیہ کار نے کہا کہ جو چار ن لیگی رہنماؤں کی ملاقات کی خبر آئی تھی وہ سب الگ الگ ملے تھے، یہ سب بہت ہوشیار ہیں ایک دوسرے کو بھی نہیں بتاتے کیونکہ پھر نواز شریف کو شکایت لگ جاتی ہے، جب سب سے شریف فیملی کو مائنس کرنے کے بعد لوگوں کی تعداد پوچھی گئی تو ایک ہی جواب ملا ، تو ملاقات کرنےوالوں نے بھی پھر جواب دیدیا کہ پھر آپ کا ہم نے اچار ڈالنا ہے۔