![dryasm1i1h1.jpg](https://www.siasat.pk/data/files/s3/dryasm1i1h1.jpg)
ڈاکٹر یاسمین راشد کی صحت کے بارے میں جیل کی میڈیکل رپورٹ منظر عام پر آگئی
جیل سے جاری میڈیکل رپورٹ میں یاسمین راشد کی حالت کو تشویشناک قرار دیا گیا ہے اور کہا گیا ہے کہ قےکی وجہ سے ان کے جسم میں پانی کی کمی ہوچکی ہے۔
ڈاکٹر یاسمین راشد کا بلڈ پریشر 160/110 ہے ،یاسمین راشد گزشتہ روز سے کچھ کھا پی نہ سکیں۔سخت گرمی کی وجہ سے انکی طبعیت بگڑی۔
رپورٹ کے مطابق قے کی وجہ سے یاسمین راشد کے جسم میں پانی کی کمی ہوچکی ہے۔
سروسزاسپتال میں رہنما پی ٹی آئی کا علاج جاری ہے، اسپتال ذرائع کا کہنا ہے ان کو ڈائریا ہوگیا ہے، سخت گرمی کی وجہ سے آئی جی جیل پنجاب نے جیل میں ائرکولر لگانے کا حکم دیا تھا، جو اب تک نہیں لگایا جاسکا۔
گذشتہ روز ڈاکٹر یاسمین راشد کوٹ لکھپت جیل میں بے ہوش ہوگئی تھیں ، جس کے بعد انھیں سروسز اسپتال منتقل کیا گیا تھا۔
واضح رہے تحریک انصاف کی رہنما 9 مئی کے پُرتشدد واقعات میں ملوث ہونے کے باعث قید ہیں۔ فروری میں گاڑیاں اور تھانہ شادمان جلانے کے مقدمات میں ان سمیت محمود الرشید اور اعجاز چوہدری پر فردِ جرم عائد کی گئی تھی۔