لاہور ہائی کورٹ نے توشہ خانہ کیس میں عمران خان کی نااہلی اور بلے کا نشان واپس لیے جانے کے فیصلوں کے خلاف اپیل پر سماعت کیلئے لارجر بینچ تشکیل دیدیا ہے۔
تفصیلات کے مطابق لاہور ہائی کورٹ نے بانی پاکستان تحریک انصاف عمران خان کی جانب سے دائر اپیل کو سماعت کیلئے مقرر کردیا ہے، عمران خان نے پی ٹی آئی سے بلے کا نشان واپس لیے جانے اور توشہ خانہ نااہلی کے خلاف اپیل دائر کی ہے۔
اپیل پر چیف جسٹس لاہورہائی کورٹ کیجانب سے جسٹس شمس محمود مرزا کی سربراہی میں پانچ رکنی لارجر بینچ تشکیل دیا گیا ہے، بینچ میں جسٹس جواد حسن، جسٹس شاہد کریم، جسٹس رسال حسین اور جسٹس شہرام سرور چوہدری شامل ہوں گے۔
توشہ خانہ کیس میں عمران خان کی نااہلی کے خلاف اپیل پر پانچ رکنی لارجر بینچ 20 جون کو سماعت کرے گا،۔
خیال رہے کہ اس کیس کی سماعت کرنے والا لارجر بینچ جسٹس شاہد بلال حسن کی سپریم کورٹ میں نامزدگی کے بعد تحلیل ہوگیا تھا۔
- Featured Thumbs
- https://www.siasat.pk/data/files/s3/im1h1i11h3.jpg
