پنجاب حکومت نے اسپیکر کے اختیارات محدود کردئیے اور صوبائی اسمبلی کو محکمہ قانون کے ماتحت کردیا۔
صوبائی وزیر عطاء اللہ تارڑ نے اپنے ٹوئٹر پیغام میں کہا کہ اسپیکر پنجاب اسمبلی کے اختیارات محدود کردیئے گئے ہیں، پنجاب اسمبلی کے انتظامی امور محکمہ قانون کے ماتحت آگئے ہیں۔
انہوں نے مزید کہا کہ اب اجلاس کو ڈی نوٹیفائی اور نوٹیفائی کرنا سیکرٹری اسمبلی کے اختیار میں نہیں، اب اجلاس بلانے کا نوٹیفکیشن سیکرٹری قانون جاری کریں گے۔
انہوں نے مزید کہا کہ پرویز الہٰی ایوان اقبال میں آئیں اور اجلاس کی صدارت کریں،پنجاب اسمبلی استحقاق ایکٹ کو ختم کر دیا گیا۔سرکاری افسران کو سزائیں دینے کا حق اسپیکر کے پاس نہیں رہا
حنا پرویز بٹ کا کہنا تھا کہ اب سپیکر اور سیکرٹری پنجاب اسمبلی کی بدمعاشی نہیں چلے گی کیونکہ پنجاب اسمبلی کو وزارت قانون کے ماتحت کر دیا گیا ہے۔۔انہوں نے جو ڈرامہ کرنا تھا کر لیا اب صرف بیٹھ کر ہاتھ ملیں۔۔۔چلے تھے بڑے معافی منگوانے۔۔۔
انہوں نے مزید کہا کہ کیسا لگا ہمارا سرپرائز؟