ڈبلیو ایس ایس پی اہلکار کی طرف سے 2 ہزار کلوگرام مضرصحت گوشت برآمد کیا گیا تھا: ذرائع
انتظامیہ کی طرف سے مضرصحت گوشت کو نہر میں پھینکنے کے بعد قصائیوں کے دوبارہ نہر سے نکالنے کی ویڈیو سامنے آگئی۔ ذرائع کے مطابق خیبرپختونخوا کے دارالحکومت پشاور میں گزشتہ روز صوبہ پنجاب سے آنے والی بس میں سے 2 ہزار کلوگرام مضرصحت گوشت پکڑ لیا تھا۔
ضلعی انتظامیہ نے مضرصحت گوشت کو نہر میں تلف کر دیا تھا جسے قصابوں نے کچھ ہی فاصلے کے بعد جا کر اس مضرصحت گوشت کو دوبارہ سے پکڑ لیا جس کو ویڈیو بھی سامنے آگئی ہے۔
ضلعی انتظامیہ کا کہنا ہے کہ اس مضرصحت گوشت کے اجزاء کو مکتلف علاقوں میں برگر، شوارما اور سری پائے تیار کرنے والے لوگوں کو سپلائی کیا جاتا تھا۔ ڈبلیو ایس ایس پی اہلکار کی طرف سے 2 ہزار کلوگرام مضرصحت گوشت نہر میں پھینکنے کی ویڈیو بھی سامنے آئی جس میں دیکھا جا سکتا ہے کہ اس مضرصحت گوشت کو کچھ ہی فاصلے پر نہر میں موجود افراد نے پکڑ لیا۔
موقع پر موجود شہریوں نے تمام واقعے کی ویڈیو بنا لی جس میں دیکھا جا سکتا ہے کہ پہلے ضلعی انتظامیہ نے مضرصحت گوشت کے اجزاء ایک گاڑی پر لوڈ کر رکھے ہیں اور مرے ہوئے جانوروں کو نہر میں پھینکا جا رہا ہے۔ ایک اور ویڈیو بھی سامنے آئی جس میں دیکھا جا سکتا ہے کہ نہر میں موجود افراد نے مضرصحت گوشت کے ان تھیلوں کو دوبارہ سے نہر سے نکال لیا ہے اور اسے اٹھا کر لے جا رہے ہیں۔
