وزیراعظم عمران خان کہتے ہیں کہ خیبرپختونخوا کے عوام نے بیرونی آقاؤں کے حضوربکنے والے غداروں کوشدت سے مسترد کردیا ہے،انہوں نے ٹویٹ میں لکھا کہ پختونخوا بلدیاتی انتخابات میں کے پی کے عوام نے بیرونی آقاؤں کے حضوربکنے والے غداروں کو پوری شدت سے مسترد کردیا۔
وزیراعظم نے مزید لکھا کہ یہ تمام غداروں کے لئے پیشگی تنبیہ ہے کہ ان کے حلقوں میں ان کے ساتھ کیا ہونے والا ہے۔ پختونخوا بلدیاتی انتخابات کے دوسرے مرحلے میں فقید المثال کامیابی پروزیراعلی محمود خان اوراپنی پی ٹی آئی کی ٹیم کو مبارکباد پیش کرتا ہوں۔
خیبر پختونخوا میں بلدیاتی انتخابات کے دوسرے مرحلے میں نتائج کے مطابق پی ٹی آئی کے امیدوار آگے ہیں،ہزارہ ڈویژن میں مسلم لیگ ن کے امیدواروں کی جانب سے بھی بھرپور مقابلہ جاری ہے، سوات اور ایبٹ آباد کے سٹی میئر سمیت کئی اضلاع اور تحصیلوں میں ووٹ ڈالے گئے۔
خیبر پختونخوا بلدیاتی انتخابات، اب تک کی پارٹی پوزیشن کے غیر حتمی و غیر سرکاری نتائج کے مطابق 64 تحصیل کونسل میں 35 کے نتائج مکمل ہوگئے ہیں،غیر حتمی غیر سرکاری نتائج کے مطابق 18 اضلاع کی 65 تحصیلوں میں سے پی ٹی آئی کی 29 تحصیلوں پر واضح برتری .جمیعت علما اسلام 7 تحصیل نشستوں کے ساتھ دوسرے نمبر پر ہے۔
آزاد امیدوار 7 تحصیل کونسل میں کامیاب ہوئے جبکہ ایک تحصیل کونسل میں آزاد امیدوار آگے ہے،مسلم لیگ ن ایک تحصیل کونسل میں کامیاب، 5 تحصیل کونسل میں آگے ہے، جماعت اسلامی 3 تحصیل کونسل میں کامیاب اور 2 تحصیل کونسل میں آگے ہے،پیپلز پارٹی 1 تحصیل کونسل میں کامیاب، 1 تحصیل کونسل میں آگے ہے جبکہ عوامی نیشنل پارٹی 2 تحصیل کونسل میں کامیاب ہوئی ہے۔
Last edited by a moderator:
