battery low
Chief Minister (5k+ posts)
وزیر دفاع خواجہ آصف نے کہا ہے کہ پاکستان ایک ذمہ دار ملک ہے جو دنیا بھر میں قیام امن کے لیے اپنا منفرد کردار ادا کر رہا ہے۔
اے آر وائی نیوز کی رپورٹ کے مطابق وزیر دفاع خواجہ آصف نے کراچی ایکسپو سینٹر میں آئیڈیاز 2024 کی نمائش کا افتتاح کیا۔ اس موقع پر خطاب کرتے ہوئے وزیر دفاع نے کہا کہ پاکستان ایک ذمہ دار ملک ہے جو دنیا بھر میں قیام امن کے لیے اپنا منفرد کردار ادا کر رہا ہے۔ انہوں نے مزید کہا کہ پاکستان کی معیشت مثبت سمت میں گامزن ہے اور دفاعی صنعت بھی ترقی کر رہی ہے۔
خواجہ آصف نے کہا کہ علاقائی امن اور سماجی و اقتصادی ترقی کے لیے رابطے ضروری ہیں، اور پاکستان اپنے مسائل کے حل کے لیے مذاکرات کے ذریعے اپنا کردار ادا کر رہا ہے۔
ان کا یہ بھی کہنا تھا کہ پبلک پرائیوٹ سیکٹر دفاعی صنعت میں اہم کردار ادا کر سکتا ہے۔ دفاعی ضروریات کی برآمدات سے پاکستان کی معیشت مضبوط ہوگی، اور یہ نمائش پاکستان کی دفاعی پیداوار کو فروغ دینے میں معاون ثابت ہوگی۔
وزیر دفاع نے اس بات پر زور دیا کہ پاکستان میں سرمایہ کاری اور مشترکہ منصوبوں کے لیے بے شمار مواقع موجود ہیں۔ آئیڈیاز 2024 ایک علاقائی گیٹ وے ثابت ہو گی، اور دفاعی نمائش کا سلوگن "آرمز فار پیس" ہے۔
واضح رہے کہ کراچی ایکسپو سینٹر میں آئیڈیاز 2024 کی نمائش کا آغاز ہو چکا ہے جو 22 نومبر تک جاری رہے گی۔ اس عالمی دفاعی نمائش میں 350 غیر ملکی وفود شرکت کر رہے ہیں، اور نمائش میں جدید اور روایتی دفاعی سازوسامان کا بھرپور مظاہرہ کیا جائے گا۔
آئیڈیاز 2024 نمائش کے لیے ایکسپو سینٹر میں 9 ہالز بنائے گئے ہیں اور 530 اسٹالز سجائے گئے ہیں۔ اس نمائش میں بزنس ٹو بزنس اور بزنس ٹو گورنمنٹ میٹنگز بھی ہوں گی۔
Last edited by a moderator:
