وفاقی وزیراطلاعات فواد چوہدری نے ٹویٹ میں کہا کہ سوشل میڈیا پرلوگوں کی عزتوں سے کھلواڑ کیا جارہا ہے۔ پیکا قانون کی مکمل حمایت کرتا ہوں۔ ان کا کہنا تھا کہ قانون کوبہترکرلیں لیکن یہ کہنا کہ کوئی قانون نہ ہو یا ایسا قانون ہو جو نافذ نہ ہوسکے بے تکی بات ہے۔
وفاقی وزیر نے سماجی رابطے کی ویب سائٹ ٹوئٹر پر جاری اپنے پیغام میں کہا کہ یہ سیاسی نہیں سماجی معاملہ ہے۔ سیاسی جماعتوں کومیڈیا اصلاحات کے لئے اکٹھا ہونا چاہئیے۔
یاد رہے کہ حکومت کی جانب سے پریونشن آف الیکٹرانک کرائمز ایکٹ میں ترمیم کا صدارتی آرڈیننس لایا گیا ہے جس پر اپوزیشن جماعتوں نے ردعمل دیتے ہوئے اسے مسترد کر دیا ہے۔ اس قانون کے تحت جھوٹی یا جعلی خبر پر5 سال تک کی قید کی سزا ہو گی۔
اپوزیشن کا مؤقف ہے کہ آرڈیننس کے اجرا کا مقصد عمران خان کا اپنی حکومت کی نااہلی اور جرائم کو چھپانا ہے، شہریوں کو حکومت کی کارکردگی پر اپنی رائے دینے کا حق ہے، یہ آرڈیننس شہریوں کو ان کے بنیادی حقوق سے محروم کرنے کے مترادف ہے۔
- Featured Thumbs
- https://www.siasat.pk/data/files/s3/2fawadpecahimayat.jpg
