بیرون ملک مقیم پاکستانیوں کی جانب سے ایک ہی دن میں ریکارڈ 57 ملین ڈالر بھجوانے پر وزیراعظم نے اوورسیز پاکستانیوں کا شکریہ ادا کیا تاہم سوشل میڈیا پر انہیں تنقید کا سامنا کرنا پڑا صارفین نے یاد کرایا کہ انہوں نے اوورسیز سے ووٹ کا حق چھینا ہے۔
تفصیلات کے مطابق و زیراعظم نے کہا کہ ہماری حکومت روشن ڈیجیٹل اکاﺅنٹ اسکیم کی مکمل حمایت اور سرپرستی کر رہی ہے اور ایک دن میں ریکارڈ رقوم بھجوانے پر بیرون ملک پاکستانیوں کا شکریہ ادا کرتے ہیں، بیرون ملک پاکستانی ہمارا قیمتی اثاثہ ہیں جن کے دل پاکستان کی محبت میں دھڑکتے ہیں۔
انہیں اس ٹوئٹ کے بعد تنقید کا سامنا کرنا پڑا اور صارفین نے کہا کہ اس کام کا کریڈٹ عمران خان کو دیں کیونکہ یہ روشن ڈیجیٹل اکاؤنٹ کا سلسلہ انہوں نے شروع کیا تھا۔
اسی پر عدیل راجہ نے کہا کہ وہ بھی یہی چاہتے ہیں کہ اس بات کو یاد رکھا جائے۔
ایک صارف نے کہا کہ ایک طرف اوورسیز پاکستانیوں کو ووٹ کے حق سے محروم کرنا دوسری طرف ان سے روشن ڈیجیٹل اکاؤنٹ میں پیسے جمع کروانے کا کہنا یہ شوباز کی منافقت ہے۔
قدیر عباسی نے کہا عمران خان کا نام باقی رہےگا جب تک اسٹریٹجک پروجیکٹس ہیں انشااللہ باقی زیادہ تر حرام مال پر پلنے والی نسلیں ہیں جن کا پیٹ صرف دوزخ کی آگ بھر سکتی ہے پاکستانی خزانہ نہیں۔
اسد اکرم نے کہا کہ پیسے لے لینا اوورسیز کو ووٹ کا حق نہ دینا۔
مبشراللہ نے کہا کہ اوورسیز کا ڈالر پسند ہے ان کا ووٹ پسند نہیں۔
مشال خان نےکہا تمام بڑے کام اس ملک میں عمران خان کر کے گیا ہے۔ اور وہ بھی 3.5 سال کی قلیل مدت میں۔ جس میں دو سال کرونا کے تھے۔ ان تمام حالات کو دیکھتے ہوئے عمران خان کو پاکستان کی تاریخ کا بہترین حکمران کہا جاۓ تو غلط نہیں ہوگا۔