امریکا میں پاکستانی سفیر کے مراسلے کی تحقیقات کے معاملے پر چیئرمین پاکستان تحریک انصاف عمران خان نے صدر مملکت عارف علوی اور چیف جسٹس آف پاکستان کو خط لکھ دیا۔
خط میں صدر سے بطور سربراہ ریاست اور کمانڈران چیف افواجِ پاکستان فوری کارروائی کی سفارش کی گئی اور پاکستان کی خودمختاری و جمہوریت کو لاحق مبینہ خطرے کی عوامی تحقیقات کی استدعا کی گئی۔
متن میں کہا گیا کہ امریکی اسسٹنٹ سیکریٹری آف اسٹیٹ نے دیگر حکام کے ہمراہ ہمارے سفیر سے باضابطہ ملاقات کی اور اس ملاقات پر بھجوائی تمام تفصیلات خفیہ مراسلے کی شکل میں آپ کے پاس ہیں،خفیہ مراسلے کی رپورٹ میں امریکی انڈر سیکریٹری آف اسٹیٹ کی گفتگو واضح بیان کی گئی۔
خط میں کہا گیا کہ سپریم کورٹ سازش کے کرداروں کے تعین کیلئے کمیشن بنائے جو کھلے عام معاملے کی تحقیقات کرے،عمران خان نے کہا کہ عوام سچ اور تبدیلی اقتدار کی بیرونی سازش میں ملوث کرداروں سے متعلق جاننا چاہتےہیں،ایوان صدر اور شپریم کورٹ کی معاملے پر خاموشی سے عوام میں شدید مایوسی پھیل رہی ہے۔
انہوں نے کہا کہ جمہوری حق پر بیرونی سازش کی شکل میں پڑنے والے ڈاکے پر عوام سراپا احتجاج ہیں،صدر مملکت اور چیف جسٹس سے گزارش ہے عوام کی امیدوں پر پورا اتریں،سابق وزیراعظم عمران خان نے اپنے خطاب میں ایک خط لہرایا تھا جس میں بیرونی سازش بے نقاب کی تھی۔
