چئیرمین تحریک انصاف عمران خان نے سیلاب زدگان کی امداد کیلیے اہم فیصلہ کرلیا، عمران خان پیر کی رات انٹرنیشنل ٹیلی تھون کے ذریعے فنڈ اکٹھا کریں گے،عمران خان نے کہا کہ سیلاب زدگان کی امداد کیلئے پیر کی رات انٹرنیشنل ٹیلی تھون کروں گا، ٹیلی تھون کا مقصد سیلاب متاثرین کی امداد کیلئے فنڈز جمع کرنا ہیں۔
چیئرمین پی ٹی آئی نے مزید کہا کہ ٹیلی تھون کا فیصلہ سینئر قیادت سے مشاورت کے بعد کیا گیا، عمران ٹائیگرز کو امدادی کاموں کے لیے رضاکارانہ طور پر متحرک کیا جائے گا، ثانیہ نشتر کے ماتحت کمیٹی قائم کی جائے گی، کمیٹی ضرورتوں کی بنیاد پر فنڈز مختص کرے گی، فنڈز تمام صوبوں میں سیلاب متاثرین پر خرچ کیےجائیں گے۔
عمران خان کا کہنا تھا کہ حقیقی آزادی کے لیے جدوجہد امدادی سرگرمیوں کے ساتھ جاری رہے گی،پی ٹی آئی رہنما اسد عمر نے ٹویٹ کیا کہ عمران خان کل سیلاب متاثرین کیلئےفنڈزاکٹھےکرنےکیلئےٹیلی تھون کریں گے ، ٹیلی تھون سےمتعلق تفصیلات کا اعلان آج کیا جائے گا۔
چیئرمین پی ٹی آئی کی جانب سے ٹیلی تھون کے ذریعے فنڈ اکٹھا کرنے کیلیے اکاؤنٹ نمبر بھی دے دیا گیا، مخیر حضرات بینک آف پنجاب ، بینک آف خیبرپختونخوا میں اپنے رقم منتقل کرسکیں گے۔
وزیراعلیٰ پنجاب کے ریلیف فنڈ کیلیے اکاؤنٹ نمبر 6010159451200028جاری کردیا گیا ہے، جبکہ وزیراعلیٰ خیبرپختونخوا کے ریلیف فنڈ کیلیے 20008365353اکاؤنٹ نمبر ہے،
- Featured Thumbs
- https://www.siasat.pk/data/files/s3/cal-imran-khan-floods-s.jpg
