سینئر صحافی صدیق جان نے سینئر صحافی و تجزیہ کار طلعت حسین کی ایک ویڈیو کے تھمبنیل پر تنقید کی ، طلعت حسین کو یہ تنقید پسند نا آئی اور انہوں نےجوابی وار کیا جس کے بعد صدیق جان و صحافی برادری نے طلعت حسین کوآڑے ہاتھوں لے لیا۔
تفصیلات کے مطابق طلعت حسین نے اپنے تازہ ترین یوٹیوب ویڈیو پر لگائے تھمب نیل پر لکھا "آرمی چیف نے محاذ سنبھال لیا، ملک پر کھربوں ڈالرز کی برسات، خدا حافظ معاشی بحران"۔
صدیق جان نے اس تھمب نیل پر ردعمل دیتے ہوئے کہا کہ طلعت حسین کے مطابق ملک پر کھربوں ڈالرز کی برسات ہونےجارہی ہے، سب کو مبارک ہو ، معاشی بحران کو خداحافظ کہہ دیا گیا ہے۔
طلعت حسین نے اس ٹویٹ پر ردعمل دیتے ہوئے کہا کہ افسوس کی بات تو یہ ہے کہ لوگ بغیر سوچے سمجھے، پڑھے اور دیکھے بغیر بولتے اور ٹویٹ کرنے لگتے ہیں، میرا پورا پروگرام ایک مختلف معاملہ تھا۔
صدیق جان نے اس وضاحت پرطلعت حسین کو آڑے ہاتھوں لیتے ہوئے کہا کہ اگر پروگرام مختلف تھا تو تھمب نیل پر جھوٹ کیوں بولا؟ سب کو اخلاقیات کا بھاشن دینے والے خود یوٹیوب ویوز کیلئےجھوٹ کیوں لکھ رہے ہیں؟
انہوں نے ایک واقعہ کا ذکر کرتے ہوئے کہا کہ ایک بار مریم اورنگزیب نے ایک مہمان کو پروگرام میں بلانے کا حکم دیا، مجھ سمیت گیسٹ کے حوالے سے مشورہ دینے والی کمیٹی نے اس مہمان کو بلانے کی مخالفت کی، رات چینل چینج کرتے ہوئے دیکھا وہ مہمان آپ کے پہلو میں بیٹھا تھا اور آپ اس سے ایسے لیکچر لے رہے تھے جیسے وہ کوئی بہت ہی اعلیٰ پائے کی شخصیت ہے۔
طلعت حسین کے پروگرام تھمب نیل اور وضاحت پر صحافی برادری نے بھی صدیق جان کی موقف کی تائید کی، طارق متین نے طنزیہ انداز اپناتے ہوئے کہا کہ میرا پروگرام تو بالکل الٹ تھا، تھمب نیل تو میں نے ایک سیاسی جماعت اور ان کے نمونوں کو صفدر سمجھتے ہوئے بنایا ہے۔
صحافی عبید بھٹی نے طلعت حسین کی ایک دوسری ویڈیو کا تھمبنیل شیئر کیا جس میں غیر اخلاقی اشارے تھے،عبید بھٹی نے کہا کہ مایہ ناز صحافی ڈالر کمانے کیلئے جب غیر اخلاقی تھمب نیل لگاسکتے ہیں تو کھربوں ڈالر والا تو معمولی بات ہے۔
سینئر پروڈیوسر راؤ فیصل نے کہا کہ طلعت حسین صحافتی بددیانتی کا استعارہ بن چکے ہیں انتہائی ہوشیاری اور عیاری سے خود کو انقلابی اور نظریاتی ثابت کرتے ہوئے اپنی نوکری بھی پکی کرتے ہیں۔
نجی ٹی وی چینل سے منسلک صحافی ذیشان ملک نے کہا کہ صدیق جان نے حامد میر کو ایکسپوز کرنے کے بعد اب طلعت حسین نامی بہروپیےکو بے نقاب کرنا شروع کردیا ہے، اب طلعت حسین کی اپنی بڑوں سے شکایت کے بعد صدیق جان کو اغوا کرلیا جائے گا۔
correct, I am following him since Klasra/Mateen program/show.
