صدر مملکت آصف علی زرداری کے خلاف نازیبا الفاظ استعمال کرنے پر عدالتی حکم پر شہری کے خلاف مقدمہ درج کرلیا گیا ہے۔
تفصیلات کے مطابق حافظ آباد میں پاکستان پیپلزپارٹی کے سیکرٹری جنرل کی جانب سے دائر درخواست پر سماعت کرتے ہوئے عدالت نے صدر مملکت کے خلاف نازیبا الفاظ کا استعمال کرنے والے شہری کے خلاف مقدمہ درج کرنے کا حکم دیدیا ہے۔
عدالتی حکم کےبعد پیپلزپارٹی کے ضلعی سیکرٹری جنرل اور بار کے سابق صدر محمد ارشد ایڈووکیٹ کی مدعیت میں مقدمہ درج کرلیا گیا ہے۔
مقدمے میں کہا گیا ہے کہ آصف علی زرداری کی سالگرہ کے موقع پر راجہ چوک میں ایک بیٹھک میں ذولفقار علی بٹ دوکاندار نے صدر مملکت آصف علی زرداری کے خلاف نازیبا الفاظ کا استعمال کیا۔
اس بیٹھک میں موجود ماسٹر ثاقب نے جب ذولفقار کو ایسا کرنے سے منع کیا تو ملزم نے پستول کا بٹ مار کر ماسٹر ثاقب کو زخمی کردیا۔
