تحریک انصاف کے رہنما ڈاکٹر شہباز گل پر دوران حراست تشدد کا معاملہ اب عالمی مسئلہ بن چکا ہے کیونکہ اس کیس پر مشہور امریکی ماہر فلسفہ، سماجی وسیاسی کارکن پروفیسر نوم چومسکی نے چیف جسٹس پاکستان عمر عطا بندیال کے نام اوپن خط لکھ دیا ہے۔
نوم چومسکی کی جانب سے چیف جسٹس کو لکھے گئے خط سے متعلق ایک سوشل میڈیا پلیٹ فارم کی جانب سے دعویٰ کیا گیا ہے جسے سابق وفاقی وزیر اطلاعات فواد چودھری نے بھی ری ٹویٹ کیا ہے۔
اوورسیز پاکستانی ووٹرز نامی اس پلیٹ فارم کی جانب سے دعویٰ کیا گیا ہے کہ پروفیسر نوم چومسکی نے چیف جسٹس عمر عطا بندیال کے نام لکھے گئے خط میں شہباز گل پر ہونے والے تشدد پر اظہار تشویش کرتے ہوئے اسے انسانی حقوق کی خلاف ورزی قرار دیا ہے۔
پروفیسر نوم چومسکی سمیت 60 سے زائد قومی اور بین الاقوامی سول سوسائٹی کے رہنماؤں، فنکاروں، صحافیوں اور ماہرین تعلیم نے بھی شہباز گِل پر ہونے والے تشدد پر تشویش کا اظہار کیا ہے۔
یاد رہے کہ پاک آرمی کے خلاف بغاوت پر اکسانے کے الزام میں گرفتار پی ٹی آئی رہنما شہباز گِل کو پولیس حراست میں تشدد کا نشانہ بنانے کی خبریں زیر گردش ہیں۔ اس حوالے سے اور دیگر میڈیکل رپورٹس کے ساتھ عدالت کو بھی باخبر کر دیا گیا ہے۔
اس سے پچھلی سماعت پر شہبازگل جب عدالت پیش ہوئے تو ان کی صحت ٹھیک نہیں تھی ان کی سانس اکھڑی ہوئی تھی جبکہ آج انہیں دوبارہ عدالت پیش کیا گیا ہے آج کی پیشی سے متعلق شہباز گل کی ویڈیوز وائرل ہو رہی ہیں جن میں وہ اپنے وکلا سے بات چیت کرتے دیکھے گئے ہیں۔
Last edited:
