لندن میں رہائش پذیر شریف فیملی کئے گھر ایون فیلڈ اپارٹمنٹس کے باہر احتجاج کے باعث شہرت حاصل کرنے والے 17 سالہ نوجوان شایان علی نے سماجی رابطوں کی ویب سائٹ ٹوئٹر پر ایک پیغام میں لکھا کہ: میں نے اپنے وکیل کو ہدایت کی ہے کہ نواز شریف کے پاکستان آنے پر ان کے استقبال کے لیے میرے دورہ پاکستان کی تیاری کریں، جلد ملیں گے!
جس کے بعد پاکستانی اداکارہ اور صحافیوں کی طرف سے دھمکیاں دی گئیں اور جنسی تبصرے کیے گئے جس پر سوشل میڈیا پر ایک نئی بحث شروع ہو گئی ہے۔
شایان علی کے پاکستان جانے کے پیغام پر ردعمل دیتے ہوئے سینئر صحافی وتجزیہ نگار اجمل جامی نے لکھا کہ: بسم اللہ، کبھی آئو نا خوشبو لگا کے۔۔!!
پاکستانی ڈراموں کی معروف اداکارہ عفت عمر نے ردعمل میں لکھا کہ: پتر تو آ ذرا!
سینئر صحافی وتجزیہ کار رضوان رضی نے اپنے ردعمل میں لکھا کہ:سب اس سے دور رہیں، یہ میرا ہے!
شایان علی پر صحافیوں کے جنسی تبصروں کے بعد ایک سوشل میڈیا صارف نے لکھا کہ: ان نام نہاد صحافیوں اور اداکاروں کی حالت دیکھنے کے قابل ہے جو کھلے عام شایان علی جو پاکستان کے ایک سزا یافتہ، مفرور اور بدعنوان سیاستدان کے خلاف کھڑا ہے اور ان کا مقابلہ کر رہا ہے کیخلاف جنسی تبصرے کر رہے ہیں! یہ انتہائی شرم کی بات ہے!
ایک سوشل میڈیا صارف نے لکھا کہ: ان نام نہاد صحافیوں نے اپنے ماضی کے تجربات کا اظہار کیا ہے ورنہ کوئی بھی غیرجانبدار شخص شایان علی کے استقامت کی تعریف کرے گا، میرے خیال میں شایان علی کو پاکستان نہیں آنا چاہیے کیونکہ یہ اس کیلئے محفوظ نہیں!
ایک صارف نے لکھا کہ: شایان علی کا اس وقت پاکستان جانے کا فیصلہ عجیب ہے، خاص طور پر موجودہ حالات میں جہاں پاکستان میں احساس سے عاری امپورٹڈ حکومت قائم ہے !
ایک صارف نے لکھا کہ: ہاہاہا بولنے دو انکو، شایان علی نے نوازشریف کی ناک میں اچھا خاصا دم کیا ہوا ہے۔ لفافہ صحافی ایسے تبصرے کر کے بتا رہے ہیں کہ پاکستان جنگل میں تبدیل ہو چکا ہے!
