نجی خبر رساں چینل دنیا ٹی وی کے مطابق رواں سیزن میں اب تک کپاس کی پیداوار گذشتہ سیزن کے مقابلے 81 فیصد دیکھی گئی ہے۔
پاکستان کاٹن جنرز ایسوسی ایشن کے مطابق کپاس کی پیداوار گذشتہ سیزن سے تجاوز کر گئی اور کل کے دن یعنی 3 نومبر تک 62 لاکھ 57 ہزار کاٹن بیلز تیارہوگئیں۔
دوسری جانب سندھ میں 33 لاکھ بیلز اور پنجاب میں 29 لاکھ کاٹن بیلز تیار کی گئیں ہیں۔ ٹیکسٹائل ملز نے 55 لاکھ بیلز اور برآمد کنندگان نے 16 ہزار 200 بیلز خریدی ہیں۔
کاٹن جنرز فورم کے چیئرمین احسان الحق کے مطابق بہتر موسم اور زیادہ قیمت کے باعث رواں سیزن میں کپاس کی پیداوار 95 لاکھ بیلز سے زائد رہنے کا امکان ہے۔
یاد رہے کہ اس سے قبل یہ بھی خبر آئی تھی کہ روئی کی عالمی قیمتیں بڑھنے کا اثر مقامی قیمتوں پر بھی ہورہا ہے۔ روئی کی فی من قیمت 300 روپے اضافے کے بعد 16000 روپے ہو گئی ہے جو ملکی تاریخ کی بلند ترین قیمت ہے۔
چیئرمین جنرز فورم کے مطابق پاکستانی کمپنیوں کو امریکا اور یورپی ممالک سے کرسمس اور نئے سال کے اچھے آرڈرز ملنے کی اطلاعات ہیں۔
- Featured Thumbs
- https://www.siasat.pk/data/files/s3/cotton-crop11.jpg
