پاکستان مسلم لیگ ن کی نائب صدر مریم نواز شریف کی وفاقی وزیر خواجہ آصف کی عمران خان سے متعلق پوسٹ پر ہنسی چھوٹ گئی۔
وفاقی وزیر دفاع خواجہ آصف نے اپنے سوشل میڈیا اکاؤنٹ ٹوئٹر پر عمران خان سے متعلق ایک پوسٹ شیئر کی ہے ۔
اس پوسٹ میں عمران خان کو سر پر ہرا دوپٹہ لئے دیکھا جا سکتا ہے جبکہ کیپشن میں لکھا ہے کہ خواتین کی مخصوص نشستوں پر بھی آئندہ میں خود کھڑا ہوں گا۔
خواجہ آصف کی اس پوسٹ پر سوشل میڈیا صارفین کی بڑی تعداد نے ناپسندیدگی کا اظہار کیا اور انہوں نے خواجہ آصف کو بھانڈ، چچھورا قرار دیتے ہوئے کہا کہ یہ حالت ہے ہمارے لیڈران کی، جس کا کام دفاع کرنا ہے وہ چھچھوری حرکتیں کررہا ہے۔
سوشل میڈیا صارفین نے پوسٹ پر ہنسنے پر مریم نواز کو بھی تنقید کا نشانہ بنایا۔
سوشل میڈیا صارفین کا کہنا تھا کہ سوات میں حالات تشویشناک حد تک خراب ہیں، ملک میں امن وامان کی صورتحال بھی انتہائی مخدوش ہے اور وزیردفاع کی غیرسنجیدگی کا عالم یہ ہے کہ وہ اصل ایشوز کی بجائے ٹوئٹر پر مسخرہ پن اور جگت بازی کررہا ہے۔
ان کا مزید کہنا تھا کہ عمران خان نے پنجاب میں ان کا صفایا کرکے انکی حالت یہ کردی ہے کہ انہیں سمجھ نہیں آرہی کہ ہنسنا ہے یا رونا ہے۔
- Featured Thumbs
- https://www.siasat.pk/data/files/s3/khawaja111h1h1.jpg
