کمالیہ کی خاتون اسسٹنٹ کمشنر کی ننجا بلی گم ہو گئی جس کے بعد سرکاری اہلکاروں میں کھلبلی مچ گئی۔
رپورٹ کے مطابق خاتون اسسٹنٹ کمشنر کی بلی ڈھونڈ کر لانے والے کے لئے نقد انعام کا اعلان بھی کیا گیا ہے۔ کمالیہ کی خاتون اسسٹنٹ کمشنر انعم فاطمہ کی پالتو بلی 2 روز قبل گم ہوئی جس کے بعد اسسٹنٹ کمشنر سرکاری اہلکاروں کیساتھ بلی ڈھونڈتی رہیں۔
دوسری جانب شہریوں نے تصاویر اور ویڈیو شیئر ہونے پر شدید غصہ کا اظہار کیا ہے ۔ شہریوں کا کہنا ہے کہ سستے آٹے کیلئے لوگوں کی لمبی لائنیں لگی ہیں اور انتظام ناقص ہیں جبکہ اسسٹنٹ کمشنر سرکاری اہلکاروں کیساتھ بلی ڈھونڈ رہی ہے۔
یاد رہے کہ میڈیا رپورٹ میں دعویٰ کیا گیا ہے کہ جب سے اے سی انعم فاطمہ کی بلی گم ہوئی ہے اس نے کام کرنا ہی چھوڑ دیا ہے اور اس کا سارا دھیان بلی کی تلاش پر مرکوز ہے۔ بلی کی تلاش میں شہر میں اشتہارات لگا دیئے گئے ہیں جن پر جلی حروف میں نمبر درج ہے اور ساتھ میں ننجا بلی کی تصاویر بھی موجود ہیں۔
دوسری جانب میڈیا میں خبر آنے پر اے سی صاحبہ نے ناراضگی کا اظہار بھی کر دیا۔
