حکمران جماعت پاکستان تحریک انصاف کےرکن قومی اسمبلی ریاض فتیانہ نے انکشاف کیا ہے کہ اقوام متحدہ کانفرنس کے دوران زرتاج گل اور ملک امین اسلم کے درمیان لڑائی ہوئی ہے۔
خبررساں ادارے کی رپورٹ کے مطابق چیئرمین رانا تنویر کی سربراہی میں پبلک اکاؤنٹس کمیٹی کا اجلاس ہوا جس میں ریاض فتیانہ نے انکشاف کیا کہ اقوام متحدہ کی ماحولیات کانفرنس میں وزیر مملکت زرتاج گل اور وزیراعظم عمران خان کے مشیر خصوصی برائے ماحولیاتی تبدیلی ملک امین اسلم پاکستان کی نمائندگی کررہے تھے۔
ریاض فتیانہ نے کہا کہ گلاسکو میں ہونے والی اس کانفرنس میں زرتاج گل کی ملک امین اسلم سے لڑائی ہوئی جس کے بعد وہ کانفرنس چھوڑ کر وطن واپس آگئیں۔
ریاض فتیانہ نے کمیٹی کو بریفنگ دیتے ہوئے بتایا کہ حکومتی اراکین کی غیر سنجیدگی اور افسران کی نااہلی کے باعث کانفرنس میں پاکستانی نمائندگی غیر معیاری رہی، یہاں تک کے نیپال سمیت دیگر ملکوں کے وفود کو پاکستانی کیمپ میں کسی افسر نے ریسیو تک نہیں کیا، افسران کی نااہلی کی وجہ سے قومی خزانے کے کروڑوں روپے ضائع ہوگئے۔
پبلک اکاؤنٹس کمیٹی کے چیئرمین رانا تنویر نے زرتاج گل اور ملک امین اسلم کے درمیان لڑائی کے واقعے کی تحقیقات کیلئے آڈٹ حکام کو ہدایات جاری کرتے ہوئے رپورٹ طلب کرلی ہے۔
- Featured Thumbs
- https://www.siasat.pk/data/files/s3/zartaj-gul-maik-a1123.jpg
