وفاقی دارالحکومت اسلام آباد میں ایک لیڈی ڈاکٹر پر نوجوان لڑکے کو لے کر فرار ہونے کا مقدمہ درج کرلیا گیا ہے۔
تفصیلات کے مطابق وفاقی دارالحکومت اسلام آباد کے پمز ہسپتال کی لیڈی ڈاکٹر پر میڈیسن لینے کیلئے آنے والے نوجوان لڑکے بلال کو اغواکرنے کا مقدمہ درج کرلیا گیا ہے۔
اسلام آباد کے تھانہ کراچی کمپنی میں درج مقدمے کے مطابق آزاد کشمیر کا رہائشی بلال دوائی لینے کیلئے اپنے کزن کے ساتھ پمز اسپتال آیا جہاں ایک لیڈی ڈاکٹر علیحدگی میں بات کرنے کے بہانے بلال کو اسپتال کے گیٹ تک لے گئی، اسپتال کے گیٹ پر آدھا گھنٹا گفتگو کے بعد ایک کار سوار اسپتال کے گیٹ پر پہنچا جس کی مدد سے لیڈی ڈاکٹر بلال کو اغوا کرکے فرار ہوگئی۔
دوران تفتیش معلوم ہوا کہ بلال کی عمر بائیس سال ہے اور وہ ایک غیر ملکی کمپنی میں بطور ڈرل آپریٹر نوکری کرتا ہے، پولیس نے لیڈی ڈاکٹر کے خلاف مقدمہ درج کرکے تفتیش شروع کردی ہے اورنوجوان کی تلاش بھی شروع کردی ہے۔