یہی تو سوال ہے کہ کیوں مکہ میں مسلمانوں پر مظالم ہوتے رہے مگر مکہ پر حملہ کا حکم نہیں آتا؟
اور ہجرت کا یہ حکم آزاد مردوں اور عورتوں کے لیے تھا۔ مگر اُن نو مسلمین کا کیا جو کہ غلام تھے اور اپنے آقا کی اجازت کے بغیر ہجرت نہیں کر سکتے تھے؟
اور صحابی رسول حضرت خبیب (اللہ ان پر سلامتی بھیجے) کا کیا کہ جو مدینے کے رہنے والے تھے مگر قید کر کے مکہ لائے گئے اور پھر اندوہناک طریقے سے شہید کر دیے گئے؟
کہاں گئے وہ لوگ جو حجاج بن یوسف کی تعریفیں کرتے ہیں کہ ایک مسلمان عورت کی آواز پر اس نے مسلمان فوجیں روانہ کر دیں۔ مگر یہاں نو مسلمانوں کو مکہ میں تشدد اور قتل پر قتل کیا جا رہا ہے، مگر مکہ پر چڑھائی کا حکم نہیں اترتا؟
اور کیا قصور تھا اسلام کے پہلے شہید حضرت عمار کے والد یاسر کا کہ انہیں بے گناہ مکہ میں شہید کر دیا گیا؟ اس وقت تک تو ہجرت کا حکم تک نہیں آیا تھا۔ اور حضرت عمار کی والدہ سمعیہ کا جو اسلام کی پہلی شہیدہ تھیں؟ کیوں اس وقت انکی مدد نہیں کی گئی؟
اگر اب بھی آپ لوگ ڈبل سٹینڈرڈز کھیلتے ہوئے اس "مجبوری" کی حقیقت کا انکار کرتے ہیں، اور فقط اور فقط ہمارے کیس میں ہماری مجبوری کو ہمارا سب سے بڑا گناہ بنا کر پیش کرتے ہیں، تو یہ سوائے منافقت کے اور کچھ نہیں۔
کون سا ذاتی مفاد؟
یہ ذاتی مفاد کہ جماعت اسلامی ساڑھے تین فیصد ووٹ لے کر کراچی کی حکومت پر چار سال تک براجمان رہی؟
یہ ذاتی مفاد کہ کراچی نے متحدہ کے چار سالہ شہری حکومت میں وہ ریکارڈ ترقی کی کہ جس کی مثال پاکستان کی پوری پچاس سالہ تاریخ میں دور دور تک کہیں نہیں ملتی؟
یہ ذاتی مفاد کہ کراچی میں ایک گولی چلائے بغیر مشرف صاحب نے امن قائم کر دیا؟
اس جھوٹی الزام بازی کے لبادے سے باہر آئیے۔ کراچی میں متحدہ کی اکثریت ہے اور انہوں نے اگر کراچی مین شہری حکومت بنائی تو کسی کا حق نہیں مارا۔
اگر کراچی کی یہ ترقی ملک کی بہتری نہیں تو میں کہتی ہوں کہ آپ کے پاس دیدہ بینا ہی نہیں۔
گورنری تو ایک علامتی عہدہ ہے،۔
جبکہ وزرا کی دو سیٹوں کا حال یہ ہے کہ سپنگ کی واحد انڈسٹری ہے جس نے مثبت ترقی کی اور اسکے انچارج تھے متحدہ کے بابر غوری صاحب۔ دوسری اوور سیز کی وزارت تھی جس کی کوئی ویلیو ہی نہیں۔
کیا ان دو وزارتوں کی بنیاد پر آپ متحدہ پر "وزارتوں کے مزے لوٹنے" کا الزام لگاتے ہیں۔
متحدہ تو بہت بعد میں وجود میں آئی، مگر آپ کی اس سے قبل آپ کی اکثریت نے کیا کیا گل نہ کھلائے؟
کیا سہراب گوٹھ جیسے ام الفتن کی پیدائش اور کئی دھائیوں تک اسکی پروان آپ کی اس اکثریت نے نہیں کی؟
کیا قصبہ کالونی اور علیگڑھ کالونی کا سانحہ آپ جیسی اکثریت کا گناہ نہ تھا؟
کیا آپ کی اس اکثریت کے ہوتے ہوئے ہی پکا قلعہ آپریشن نہیں ہو رہا تھا؟
کیا آپ کی اس اکثریت کے ہوتے ہوئے ہی بھٹو نے کوٹہ سسٹم نافذ نہیں کیا تھا؟
بات اقلیت کی نہیں، بلکہ "ناانصافی" کی ہے۔
کوٹہ سسٹم ناانصافی پر مبنی ہے۔
اور متحدہ تو اقلیت میں ہے، مگر آپ کی اس چہیتی اکثریت نے اس کوٹہ سسٹم کے خلاف کیا کر لیا؟ آپ کے چہیتے افتخار چوہدری چیف جسٹس نے اس کوٹہ سسٹم کے خلاف کیا کر لیا؟
ان سب کے کیس میں "مجبوری" آپ کو سمجھ آتی ہے، مگر فقط ہمارے کیس میں مجبوری بھی ہمارا سب سے بڑا گناہ بن جاتا ہے۔
