آپ کی باتیں کسی حد تک صحیح ہیں۔ برا ہو انسانیت کو بھول کر قومیت، مذہب رنگ و نسل جیسی چیزوں میں الجھ جانے کا۔
بہرحال کچھ عالمگیر حقائق کا مزید میں ذکر کروں گی جو کہ زمینی حقیقتیں ہیں اور ان سے منہ نہیں پھیرنا چاہیے، بلکہ ان سے سبق حاصل کرنا چاہیے۔
۔1۔ عالمگیر حقیقت یہ رہی ہے کہ اگر کسی بہت بڑی قوم میں تھوڑے بہت غیر ممالک کے لوگ آئیں تو اس قلیل اقلیت کو کثیر اکثریت میں ضم ہونے میں پرابلم نہیں ہوتی۔
یورپی ممالک میں جب تک غیر ملکی قلیل تعداد میں آتے رہے، اس وقت تک پرابلم نہیں ہوئی۔ مگر جب یہ تعداد ایک حد سے بڑھ گئی تو پھر بہت سی شکایات پیدا ہوئیں اور مسائل بھی سامنے آئے۔
پنجاب کی اپنی آبادی بہت زیادہ ہے اور یہاں اردو بولنے والوں کی تعداد شاید دو چار فیصد بھی نہیں ہے۔ اس وجہ سے یہاں زیادہ پرابلمز نہیں ہوئیں۔
مگر جب افغان مہاجرین کی ایک بہت بڑی تعداد پاکستان منتقل ہوئی تو پھر پرابلمز سامنے آئیں اور تلخیاں بہت بڑھیں۔
۔2۔ کیا آپ نے ایک بات نوٹ کی ہے کہ پاکستان کی ساری کی ساری قومیتوں کو ایک طرح یا دوسری طرح پنجاب سے شکایت ہے اور وہ پنجاب کو ایک طرح یا دوسری طرح قصوروار ٹہراتے ہیں؟
ایک تو اس کی عالمگیر وجہ ہے کہ جو بھی "بڑا بھائی" ہوتا ہے اس پر الزام آتا ہی چاہے وہ کچھ کرے یا نہ کرے۔
اس کی وجہ یہ بھی ہے کہ "مرکز" کی سطح پر اختیارات اکثریت ہونے کی وجہ سے پنجاب کے ہاتھ میں رہے۔ سندھی یا بلوچی پنجاب نہیں آئے، مگر پنجاب سے لوگ سندھ اور بلوچستان گئے۔
کراچی میں میں آپ کو یقین دلاتی ہوں کہ اسکی بہت سی وجوہات تھیں جس میں سب سے بڑی وجہ کراچی پولیس میں بہت بڑی تعداد میں اہل پنجاب کا موجود ہونا تھا۔ کسی بھی علاقے کے لوگ سب سے زیادہ نفرت اپنے علاقے کی پولیس سے کرتے ہیں۔ پولیس مین بھرتیاں وزیروں اور جنریلوں وغیرہ کی سفارش سے ہوتی ہے۔ چونکہ مرکز میں پنجاب کی اکثریت تھی، لہذا کراچی میں سفارش کی بنیاد پر پنجاب کے لوگوں کو بھرتیاں ملیں جو کہ آگے چل کر بہت غلط قدم ثابت ہوئی۔
صرف ایک پولیس ہی نہیں، بلکہ ہر مرکزی محکمے میں میرٹ کا قتل ہوتے ہوئے وزیروں اور جنریلوں کی سفارشیں چلتی رہیں اور اس بنیاد پر ہر مرکزی محکمے میں زیادہ تر پنجاب کے لوگ آپ کر جاب پر لگتے رہے۔ اسکا ردعمل بھی پنجاب سے شکایات کی صورت میں سامنے آیا۔
اگر ان نفرتوں کو ختم کرنا ہے تو ان چیزوں کی اصلاح کرنا پڑے گی۔ "سفارش" اور "کوٹہ" سسٹموں کا خاتمہ کر کے میرٹ کا سسٹم لاگو کرنا ہی ان سب شکایات کا ازالہ کرتے ہوئے نفرتوں کو ختم کر سکتا ہے۔