DHARNA | دھرنا
_____________________________________________________________________
سازش یہ نا تھی کہ ؟ اسٹیبلیشمنٹ نے مل کر ایک منصوبہ ترتیب دیا ، اور حملہ کر دیا
بلکہ ؟ حقیقت یہ تھی ؟ سیاستدان حسب روایت کسی معاملہ پر متفق نا ہوے ، اور فوج نے صورتحال سے فائدہ اٹھایا
اس وقت کے سیاسی حالات کو استعمال کرنے کے لیے حساس ادارے میں چہل پہل کافی تھی ، سیاستدان ایک دوسرے سے الجھنے کو تیار تھے ، صف بندیاں جاری تھیں ، اسلام آباد پر یلغار کا بندوبست بھی پورا تھا ، شیخ رشید نے متوقع واقعات کو بڑھا چڑھا کر پیش کرنا شروع کردیا تھا ، شیخ صاحب کی تقریروں نے ہیجان کو اور زیادہ بڑھاوا دیا ، لیکن ؟ قائدین میں سب با خبر نا تھے ، میڈیا کا ایک بڑا حصہ بہت سے ابہام تھامے بیٹھا تھا ، آخر کیوں ؟ انجام کیا ؟ اختتامیہ کیا ہو گا ؟ اے آر وائی نے تو لنکا ڈھانے کا کام کیا ، ہر لمحہ ہر وقت ، کسی بڑی خبر کے منتظر ناظرین کو اٹھنے ہی نا دیا ، سنسنی و زرد صحافت کے تمام ریکارڈ ٹوٹے ، لیکن سب کے لیے انجام نامعلوم ہی تھا ، کل ہو یا نا ہو ، جیسی صورتحال تھی
جنرل ظہیر کو مہم جوئی کے لیے بہت سی مدد حاصل تھی ، لیکن یہ بات احمقانہ ہے کہ ؟ فوج نے ہی یہ تمام میلہ سجایا تھا ، نہیں ، مگر ہاں ؟ فوج نے اس وقت کے سیاسی حالات کو اپنے حق میں استعمال کیا ، تحریک انصاف میں بعض لوگوں کو اس بات کا پورا یقین تھا کہ ؟ فوج نواز شریف کو مستعفی ہونے پر مجبور کر دے گی ، لیکن ایسا نا ہوا ، دھرنے کے ابتدائی ایام ، اسی لیے بھرپور تھے ، بار بار چند گھنٹوں کی دھمکی اسی لیے نشر کی جاتی تھی ، اور شائد ؟ ایمپائر کی انگلی ؟ ہاں کسی بڑبولے (شیخ رشید) نے خان صاحب کے کان میں سرگوشی کر دی تھی ، صبح گیا یا شام گیا ، لیکن ؟ کوئی نا گیا ، شیخ رشید کی یہ خیانت بہت بڑا داغ ہے ، جس نے خان صاحب کے ٹھوس موقف کو مزاحیہ رخ دے دیا ، خیر اچھا ہوا ، شیخ صاھب کا یہ بھرم بھی آخر ٹوٹ گیا کہ ؟ جناب شیخ کی "زیرو پوائنٹ" اور " مال روڈ صدر" تک رسائی ہے ، اور ان کے خاص آدمی ہیں ، سرگوشی یہ تھی ، جلوس کے گجرانوالہ پوھنچنے تک "کام" ہو جاے گا ، اور ؟ چراغوں میں تیل باقی نا رہے گا ، میاں صاحب سے استعفی لے لیا جاے گا ، چار حلقوں کی غیر جانبدار تفتیش اور پھر ؟ نیے انتخابات کا اعلان ہو گا ، لیکن کچھ بھی نا ہوا ؟ میاں صاحب بار بار فوج کو طلب کرتے ، مدد کا کہتے ، فوج یقین دھانی کروا چکی تھی کہ حساس ادارے اور جمہوریت کے مقدس مقامات محفوظ رہیں گے ، آپ جلد از جلد اس ہنگامہ کا سیاسی حل نکالیں ، ہم زور زبردستی نہیں کر سکتے ، اسلام آباد پولیس نڈھال ، اور نا قابل اعتبار ہو چکی تھی ، ڈوبتے کے لیے فوج ہی سہارا ، سیلاب ہو یا یلغار ہو ، خیر فوج نے معاملات کو ایک مقام پر "لاک" کر دیا ، میاں صاحب کو دھرنے سے زیادہ فوج کی انسانی فصیل پر شک تھا ، اگر کمان دار کو "اوپر" سے حکم آیا ، دھرنے کو بڑھنے دو ، فوج نے سب کو آگے جانے دیا ، تو ؟ پھر ؟ استعفی دینا پڑے گا ، اسی لیے صاحب اپنے مشیروں کو ایک نصیحت کرتے تھے ، دھرنا کا رحجان کیا ہے ؟ کوئی فرق نہیں پڑتا ، فوج کے تیور کیا ہیں ؟ اس کی ذرا خبر دو ، ہو گا وہی جو فوج چاہے گی ، میاں صاحب تحریک انصاف کو گھاس ڈالنے کی بجاۓ ، فوج کو اقتدار میں شریک کرنے کو تیار ہو چکے تھے ، پھر کیا ہوا ؟ بس رہنے دیں ، گڑے مردے اکھیڑنے کا کیا فائدہ
خان صاھب کا موقف بلکل درست تھا ، چار حلقے کھول دیتے تو میں دھرنا نا دیتا ، پاس کر یا برادشت کر کا اصول یہاں بلکل درست تھا ، ضعیف عدالتیں جیسے بھی فیصلے کرتیں ، خان صاحب روتے روتے آخر چپ کر جاتے ، جوڈیشل کمیشن پہلے بن جاتا تو ملکی سیاست میں دھرنا کا ذکر ہی نا ہوتا ، لیکن ؟ پہلے دھرنا ہوا پھر جوڈیشل کمیشن بنا ، ثابت یہی ہوا ؟ دھرنا نا ہو تو نا تفتیش اور نا ہی کسی قسم کی تحقیق پر حکمران راضی نہیں ہوتے ، اب کیا ہے ؟ پناما پیپرز کا ہنگامہ کھڑا ہے ، عید کے بعد دھرنا اور تحریک کی دھمکیاں ، خبریں ہیں ، مشیر ، وزیر اور کچن کیبنٹ کے خاص رفقاء ابھی سے اپوزیشن کے تیور کی بجاۓ ؟ فوج سے معاملات طے کرنے کا مشورہ دے رہے ہیں ، جب کہ ؟ جمہوریت اور اس کی پیٹھ پر بیٹھے حکمران یہ بات سمجھنے سے ہی سے قاصر ہیں ، کہ ؟ اگر آپ خائن نہیں تو ؟ ڈر کس بات کا ، کمیشن کی بھی کیا ضرورت ؟ اپنا حساب کتاب (ٹیکس ریٹرنز / بلینس شیٹس) ، برطانوی وزیر اعظم کی طرح قوم کے سامنے پیش کردیں ، پارلیمنٹ بالا دست ہے تو ، وہیں پر سب تفصیلات لے جائیں ، دستاویزات دکھا دیں ، اور بتا دیں ، میں ایسا ویسا آدمی نہیں ، لیکن ؟ سیاست ؟ سیاست ہمیشہ کی طرح احمق اور انا پرست ، پھر سے اڑی ہے ، دیکھا جاے گا ، دیکھ لیں گے ، نبٹ لیں گے ، سنبھال لیں گے ، زیادہ آپے سے باہر ہوے تو ؟ فوج ہے ناں ، لیکن ایک بات ذهن نشین رہے ، حکومت کے پاس اس بار فوج کو دینے کے لیے کچھ نہیں ، نا ہی فوج مزید کسی چیز میں دلچسپی رکھتی ہے ، یا ؟ اس بار ؟ میاں صاحب کو قوم کے وسیع تر مفاد میں جنرل راحیل شریف کے لیے "ایکسٹینشن" کا اعلان کرنا پڑ جاۓ ، لیکن مداوا پھر بھی نا ہو سکے گا ، کسی کی ایکسٹینشن اور کسی کا استعفی ، خبر یہ بھی تو ہو سکتی ہے
:)مضمون کی تمام تر باتوں سے اتفاق کرنا ضروری نہیں