Kashif Rafiq
Prime Minister (20k+ posts)
واشنگٹن: کمزور یادداشت اور احسان نہ ماننا کیا ہوتا ہے یہ کوئی امریکی صدر ڈونلڈ ٹرمپ سے سیکھے، جنھوں نے ایک بار پھر پاکستان پر دہشت گردوں کے خلا ف کچھ نہ کرنے کا الزام عاید کردیا، انھوں نے امداد روکنے کو بھی درست اقدام قرار دے ڈالا۔
دہشت گردی کے خلاف جنگ میں پاکستان کی قربانیوں کی دنیا متعرف ہے، لیکن دنیا ایک طرف اور امریکی صدر ڈونلڈ ٹرمپ دوسری طرف ٹرمپ نے امریکی ٹیلی وژن کو انٹرویو میں پھر پاکستان کے خلاف بات کی۔
دہشتگردی کےخلاف جنگ میں پاکستان نے ہزاروں جانیں گنوائی۔ اربوں کھربوں کا نقصان اٹھایا تاہم ٹرمپ کو اپنے چند کروڑ ڈالر یاد رہے۔
امریکی صدر کا مزید کہنا تھا کہ اب پاکستان کو امداد نہیں دیں گے۔ انھوں نے پاکستان پر اسامہ بن لادن کے ٹھکانے کی معلومات رکھنے کا بھی الزام عاید کیا۔
دوسری جانب وزیراعظم کے معاون خصوصی نعیم الحق نے امریکی صدر کے الزامات کو مسترد کرتے ہوئے سوال کیا کہ امریکا پہلے یہ بتائے کہ اس نے پاکستان کیلئے کیا کِیا ہے؟ امریکا نے ایران سے تجارت کے معاملے پر ترکی اور بھارت کی طرح ہمیں کون سی رعایت دی؟
امریکا افغانستان میں پھنس چکا ہے ٹرمپ کے بیانات سے امن کے قیام میں کوئی مدد نہیں مل سکتی۔
http://urdu.aaj.tv/latest/192487/