سوشل میڈیا صارفین نے مریم نواز کے نواز شریف اور شاہد خاقان عباسی کے وزارت عظمیٰ کے بعد سرکاری گاڑیاں نہ لینے کے بیان کا پوسٹمارٹم کر دیا۔
نائب صدر ن لیگ مریم نواز شریف نے ٹویٹ کیا کہ نواز شریف اور شاہد خاقان عباسی نے وزارت عظمی کے بعد سرکاری گاڑیاں نہیں لیں۔
نواز شریف کے اقتدار میں جانے کے بعد جب ان سے سرکاری گاڑی لی جارہی تھی تو ڈاکٹرفردوس عاشق اعوان نے ٹویٹ کیا تھا کہ جاتی امراسے مال مسروقہ برآمد ہونا شروع ہوگیا، قوم غربت کی چکی میں پس رہے تھے اور نواز شریف قوم کے پیسے پر مہنگی گاڑیوں میں مزے لے رہے تھے۔
فردوس عاشق اعوان کے اس تنقید پر مریم اورنگزیب نے کہا تھا کہ باجی ساتھ لوگوں کو پورا سچ بتائیں کہ پاکستان کے قانون کے تحت ہر سابق وزیراعظم کو حفاظت کے پیش نظر اس کو ایک بلٹ پروف گاڑی دی جاتی ہے،جو آپ نے زبردستی واپس لے لی ہے،یہ آپ کے لئے فخر نہیں شرم کی کا مقام ہے۔
موجودہ وفاقی وزیر اطلاعات مریم اورنگزیب نے دعویٰ کیا تھا کہ سابق وزیر اعظم عمران خان توشہ خانے سے گھڑی کے علاوہ وزیر اعظم ہاؤس میں گاڑیوں کے پول سے 15 کروڑ روپے مالیت کی ایک بی ایم ڈبلیو گاڑی بھی لے گئے۔
انہوں نے بتایا تھا کہ عمران خان نے گاڑی لے جانے کے محض دو ماہ بعد درخواست دی کہ یہ گاڑی واپس لے لی جائے کیوں کہ خراب ہو گئی ہے اس کے بدلے میں انہیں دوسری گاڑی دے دی جائے۔
مریم اورنگزیب نے یہ الزام بھی عائد کیا تھا کہ عمران خان عوام کے پیسوں سے گاڑی مرمت کرواتے رہے،عمران خان کو دوست ملک سے جو پستول تحفے میں ملی اسے انہوں نے توشہ خانے میں ظاہر ہی نہیں کیا اور اپنے پاس رکھ لیا۔
