بظاہر ففٹی ففٹی امکان ہے کہ مارشل لا لگ جاے گا یا سسٹم چلتا رہے گا. معاشی دہشت گردوں کو ریلیف دینے کے ایک یا دو کیس وقوع پذیر ہو گئے تو سمجھیں مارشل لا لگنے کا امکان نوے فیصد سے اوپر ہو جاے گا. اگر ایسا ہوتا ہے تو منظر نامہ کیا ہوگا اس پر اپنی راے دیجیے.
پچھلے مارشل لا کا منظر نامہ بھی ذرا دہرا لیتے ہیں:
سال ١٩٩٨
میاں نواز شریف کی دو تہائی اکثریت کی حکومت
سب سے طاقتور حریف بینظیر بھٹو کو سیاسی مقدمات کا سامنا
آصف زرداری جیل میں
اپوزیشن تقریباً صفر
انٹرنیشنل لیول پہ ٹھنڈ. نہ تو القاعدہ نہ نائن الیون ابھی ہوا.
ڈھائی سالہ نواز حکومت کی عوام میں کسی حد تک عدم مقبولیت، باوجود ایٹمی دھماکوں کے
نواز حکومت کی فوج سے چپقلش (جہانگیر کرامت ایشو، کارگل)
اور مارشل لا لگ گیا
مارشل لا کے حالات اور اثرات
شروع میں عوام کی طرف سے چپ کا روزہ
القاعدہ کا عروج اور نائن الیون
افغانستان پر امریکی حملہ
طالبان حکومت کی حمایت میں پاک افغان دفاعی کونسل کا قیام جو آگے چل کر متحدہ مجلس عمل بنی
مشرف حکومت کی آزاد خیال پالیسیوں سے عوام کا مذہبی تنظیموں کی طرف جھکاؤ
متحدہ مجلس عمل کی الیکشنز میں کامیابی
مذہبی شدت پسندی میں اضافہ جبکہ پچھلے مارشل لا کے برعکس اس دفعہ حکومت روشن خیال اور عوام مذہبیت کی طرف مائل
امریکی حمایت میں فوج کا قبائلی علاقوں میں آپریشن
ڈرون حملوں کا آغاز اور عوام میں غم و غصہ
اور پھر افتخار چودھری اور لال مسجد اور بگٹی اور دہشت گردی اور القاعدہ اور سی آئ اے اور ٹی ٹی پی اور ملک کی تباہ حالی
اب ہے ٢٠١٥
ایک بار پھر میاں نواز شریف کی دو تہائی اکثریتی حکومت
اپوزیشن جماعت پیپلز پارٹی اور حکومت کا گٹھ جوڑ
تحریک انصاف کی صورت میں طاقتور حکومتی مخالفت
عوام کی نواز حکومت اور تحریک انصاف کی حمایت میں بٹی ہوئی خلیج
انٹرنیشنل سین پر القاعدہ ٹھنڈی جبکہ داعش کی صورت میں بڑھتا ہوا عفریت
مشرق وسطیٰ میں حالات دگر گوں
روس اور ترکی کا تنازعہ
اوباما انتظامیہ کا آخری سال
پاکستان کے اندر طالبان کے خلاف فوج کا کامیاب آپریشن
کرپٹ سیاستدانوں کو تحفظ دینے کے خدشے پر حکومت اور فوج کے درمیان بڑھتی ہوئی خلیج
معیشت کی مشکوک صورت حال
پاک چین اکنامک کاریڈور کی صورت میں کچھ اچھی امیدیں
اس پاس منظر میں جبکہ مارشل لا کا امکان ابھی پچاس فیصد اور ہر گزرتے دن کہ بعد بڑھنے کی طرف گامزن ہے، اس صورت حال میں اگر مارشل لا لگتا ہے تو:
سوال ١: سیاسی اور عوامی رد عمل کیا ہو گا ؟
سوال ٢: مارشل لا حکومت کی اسٹرٹیجی کیا ہو گی؟
سوال ٣: اس مارشل لا کے اثرات کیا ہوں گے ؟
سوال ٤: موجودہ سیاست دانوں اور سیاسی جماعتوں کا مستقبل کیا ہو گا؟