baat poori kar dijiey . konsa politician hai ( tha nahi , aap kahin quad-e-azam ka naam lay do ) jiski shakal par noor barasta hai ? you may include mullahs in there too . You cannot single out anyone in this crime. Choudhary tau phir bhi ye keh saktay hain ke unkay daur main halaat itnay kharaab nahi thay . Floods say pehlay bhi post musharraf era main 42% mehngai barhi thi...ab tau Allah hi hafiz hai . Ab aap farmaain ge , ke ye sab kuch hoa hi uski wajah say tha .... manta hoon .... usi kay daur main hoa. Dunya ka sab say bara ghunda khara ho kar kehta hai "either you are with us or without us " ...aap apnay emaan say batana agar us daur main zardari hota , ya shareef hota ya koi bhi churrent politician hota (Imran kay ilawa) tau wo kia karta ? Pakistan tau is government kay 2 saal baad ,brink of bankruptcy par hai na , agar ye us waqt hota tau Pakistan 5 saal pehlay bankrupt ho chuka hota .
Log kehtay hain USA bohat bara khatra hai , koi kehta hai India ziada bara problem hai , koi kehta hai Afghanistan , koi Pakistani Talibaan . Main kehta hoon ke ye current so called democratic culture main jo anti army propaganda in zaleel politicians nay shuru kia hai ...ye sab say ziada dangerous hai . Jis din is qom kay dil say army ki izzat nikal gayee us din army bhi wo jazba nahi rakh sakay gi jo soldiers main hota hai .Jab apna hi apna nahi rehta tau kisi cheez kay liey larnay ka koi javaaz nahi bachta . Army rule achi baat nahi hai , bilkul manta hoon nahi hai . Laken kia koi inhi halaat main mazeed 10 saal guzarnay ka soch sakta hai ? Agar halaat forun theek na hoay tau pooray Pakistan main roti , sabzi , atta , chaval , daal , gosht etc par dakay para karain ge , loug attay ki bori kay liey eik doosray ko goli marain ge . Khuda na khwasta ye situation hoi tau phir poora mulk army ki taraf dekhay ga . Allah na karay aisa waqt aye ke hamain phir say kisi marshal law ko dekhna paray laken apni hi army kay khilaaf baat karnay wala politician kia muhibbul watan ho ga ? Sirf is liey kay uski chodhrahat par oopar ay check rakha jata hai ?
Jo kuch bhi hoa wohi hona tha .... ye ittifaaq ki baat hai kay wo daur musharraf ka tha ... aur shukar hai ke musharraf ka tha .... kamazkam USA ko pata tha kitna mangna hai aur kitna milay ga. Aray ye tau wo bas-tards hain ke agar army beech main na parti tau ye kerry lugar funds kay chakkar main apnay nuclear plans america kay hath main pakra detay .
Sachi baat ye hai ke bohat saray loug aur bohat aray anchors is baat ko mantay hain ke halaat pichlay daur main bohat behtar thay , dabay lafzon main kehtay bhi hain , laken apnay oopar tanqeed kay dar say khul kar koi nahi kehta ke loug kia kahain ge ...military rule ki side lay raha hai , uskay removal kay liey qaradaad pesh ho jaye gi . Laken sach bolnay main koi burai nahi hai .... jo hai woh hai ...aur sach ye hai ke koi bhi head of state hota us waqt Pakistan ka , Us nay yehi ya is say bhi bura karna tha Pakistan kay sath . earthquake par jo bhi kaam hoa ...laken hoa . wohi funds agar is government kay paas atay tau sirf 10% kaam hona tha ...aap samajh tau rahay honge main kia keh raha hoon .
Unfortunately is waqt hamaray paas wohi choice hai jo last american elections main americans kay paas thay . Obama ki jagah kisi bakri ko bhi democrat bana kar khara kar detay tau wo jeet jaati . Is waqt bhi wohi halaat hain , Mr. 10% jo ab 90% ban chuka hai , YA anyone who is even relatively less corrupt .
Mqasad ye hai adnan ke phata hoa dhol bajanay ka koi faida nahi , zahir hai choudhary ab tau kabhi government main a nahi saktay ...unless kisi bail gari main shareefs and zardaris safar kar rahay hon aur wo bail gari kisi bohat hi ganday say ....lethal river main gir jaye aur sara Pakistan inkay chaval khaye ...uskay ilava chourdhrion ka koi chance nahi hai .