1) Because, NRO was there as an ordinance, that's why. Not only MQM's case, but also other cases as well.
Originally Posted by Young_Blood
Karachi main rehna hai to Altaf Bhai kehna hai,, agar aap ko kabhi kisi MQM k worker ne ye kehtey howay ya dekhtey howay sun lia k aap Altaf Hussain ya MQM ke buari ker rahay ho to,, aap ke zindagi mushkil ho jaey ge,, agar yaqeen nahi aata kisi ko, to practically ker k dekh lay,, ussey lag pata jaaey ga,, kiun k MQM tanqeed sunnay ke aur such sunnay ke himmat nahi rekhti aur such bolnay walay ka jeena haram ker deti hai,,
koi bhe TV ancher MQM k khilaaf openly baat nahi kerta,,
Ather Abaas ne kaha k main MQM k khilaaf baat nahi ker sakta, kiun k main darta hoo,,
Gutter press, like Daily Ummat, Jasarat, etc. have been publishing in Karachi for long long time.
Originally Posted by Young_BloodAther Abaas ne kaha k main MQM k khilaaf baat nahi ker sakta, kiun k main darta hoo,,
What Athar Abbas Said, is also against MQM.
پی ٹی آئی لوور بھائی،
کیا آپ ہمیں گارنٹی دے سکتے ہیں کہ آپ کے "انصاف" کا پیمانہ سب کے لیے ایک ہے؟
اگر واقعی ایک ہے تو سوال آپ کی اس منافقت کا ہے کہ ایم کیو ایم کے سیاسی جھوٹے کیسز کے خلاف تو آپ کے عمران خان صاحب نے چیخ چیخ کے زمین آسمان پر اٹھا لی اور بھاگے بھاگے انگلینڈ تک پہنچ گئے، مگر کیا وجہ ہے کہ انکے منہ سے کبھی اُس وقت نواز لیگ کے ان کیسز کے خلاف کوئی ایک لفظ تک نہیں نکلا؟
ایم کیو ایم کے کیسز این آر او کے تحت نہ ختم کریں، مگر عمران خان کی اس منافقت کا آپ کیا جواب دیں گے؟
افسوس کہ عمران خان تحریک انصاف نام رکھ کر ایسی تحریک منافقت چلا رہے ہیں جہاں "انصاف" صرف ایسا حربہ ہے جو وہ اپنے سیاسی حریفوں پر چلاتے ہیں۔
عمران خان کی یہ منافقت ایک یہاں پر ہی ختم نہیں ہوئی۔ آپ لوگ انصاف کرنے کا دعوی کرتے ہیں۔ ذرا یہ بتلائیے کہ واقعی آپ کا انصاف "سب کے لیے برابر ہے"؟
اگر سب کے لیے برابر ہے تو کیا وجہ ہے کہ متحدہ کے خلاف تو عمران خان کی زبان مغلظات اگلتے نہیں رکتی اور انصاف کے نام پر بھاگم بھاگ عمران خان برطانیہ تک پہنچ جاتے ہیں، مگر یہی وہ عمران خان ہیں جو سب انصاف وغیرہ کو بھول بھال کر "حقیقی" کے قاتل دہشتگردوں کو اسلام آباد میں گود میں بٹھائے بیٹھے ہیں اور انکی بلائیں لے رہے ہیں۔
حقیقی کے یہ قاتل غنڈے وہ خطرناک لوگ ہیں جنہوں نے مشرف صاحب کے جاتے ہیں کراچی کا امن و امان تباہ کرتے ہوئے نہ صرف متحدہ بلکہ سندھی لیڈران کی سب سے پہلے ٹارگٹ کلنگ شروع کی تھی۔ (لنک یہ ہے)۔
آج تک حقیقی کے قاتل دہشتگردوں کی اس ٹارگٹ کلنگ کے خلاف ہم نے عمران خان کی ایک آواز نہیں سنی ہے۔ کیا یہ ہے آپکا انصاف؟
طالبان اور عمران خان
ایک بار پھر جو کچھ آپ نے لکھا ہے، اسے یہاں دہرا رہی ہوں۔
کیا آپ اپنی اس بات پر قائم ہیں؟
جب دو بڑے گروہوں میں لڑائی ہو جائے تو معاملات کو عدالت میں نہیں، بلکہ معاہدوں کے تحت حل کیا جاتا ہے
عالمگیر اصول ہے کہ ایسے حالات میں کہ جبکہ پوری پوری قومیں ایک دوسرے سے لڑ پڑی ہوں تو پھر معاملات عدالتوں میں نہیں نپٹائے جاتے، بلکہ معاہدوں کے تحت مسائل کو حل کیا جاتا ہے۔ انسانیت کی پوری تاریخ اس کی مثالوں سے بھری پڑی ہے۔ آج بھی جمہوریت کی چیمپیئن برطانیہ نے آٗئر لینڈ کا مسئلہ عدالت میں حل نہیں کیا، بلکہ معاہدوں کے تحت حل کیا ہے۔
ایک اور واضح مثال ہے کہ جب عمران خان کہتا ہے کہ طالبان "ہمارے بھائی" ہیں اور انکے ماضی کے تمام تر قتل عام و فساد کو بھول کر ان سے معاہدہ کر کے دوستی کر لی جائے اور معاملات کو نپٹا دیا جائے۔
ایسا ہی ایک معاہدہ پوری قوم بمع عمران خان نے سوات میں نفاذ شریعت کے نام پر کیا (سوائے متحدہ کے)۔ اس معاہدے میں عمران خان طالبان کے سارے کے سارے خون خرابے اور قتل و غارت کو نظر انداز کر گیا اور ان سے معاہدہ کیا۔
مگر اب آپ عمران خان کی ناانصافی و منافقت ملاحظہ فرمائیے کہ جب متحدہ و مہاجروں کی بات آتی ہے اور نوے کی دھائی پر ان کا جناح پور کے جھوٹے الزام کے نام پر ماورائے عدالت قتل کیا جاتا ہے، تو اسکے جوابی ردعمل کو عمران خان نظر انداز کرنے کے لیے تیار نہیں اور ہر ہر صورت صرف اور صرف ایک فریق کو عدالت میں گھسیٹنا چاہتا ہے، (یعنی انصاف سب کے لیے نہیں) اور صرف اور صرف ایک فریق کے ردعمل پر اسے قاتل کہنا چاہتا ہے جبکہ دوسرے فریق کو قاتل تک نہیں کہتا۔
اب بتلائیے اس منافقت پر جب ہم احتجاج کریں تو کیا ہم غلط کر رہے ہیں؟
متحدہ نے پاکستان کی تعمیر و ترقی کی خاطر اپنے ہزاروں معصوموں کے خون کا انتقام طلب کرنے کی بجائے صبر کا دامن تھاما ہے۔ ہم پاکستان میں امن امان سے رہنا چاہتے ہیں۔ مگر یہ عمران خان جیسے لوگوں کی منافقتیں ہیں جو کراچی میں کبھی امن امان پیدا نہیں ہونے دیں گی اور یہ مسلسل کراچی میں نفرتوں کی آگ گرم رکھ کر سستی سیاسی شہرت حاصل کرنا چاہتے ہیں۔
عمران خان نفرت کا یہ کھیل تو کھیل رہا ہے، مگر اسے کبھی نہ کبھی اس نفرت کے کھیل کی قیمت ضرور سے چکانا ہو گی اور اہلیان کراچی نے جس طرح پرویز مشرف کو قبول کیا، اسکے بالکل برعکس آج اہلیان کراچی عمران خان سے اس منافقانہ رویے کی وجہ سے نفرت کر رہے ہیں۔
اس نفرت کا کھیل شروع کرنے سے قبل عمران خان کراچی میں آج کی نسبت کہیں زیادہ مقبول تھا۔ شاید عمران خان کو یہ بات آج سمجھ نہ آئے، مگر ایک نہ ایک دن اسے ضرور اس کا احساس ہو گا جب وہ کراچی میں الیکشنز جیتنے کی بجائے شاید اپنے امیدواروں کی ضمانتیں تک ضبط ہوتی ہوئی دیکھ رہا ہو۔
ایک بات اور یاد رکھیں، پرویز مشرف صاحب نے متحدہ سے پرانی جمہوری حکومتوں جیسی روایتی دشمنی رکھنے کی بجائے اسکی مثبت تعمیری صلاحیتوں کا فائدہ اٹھاتے ہوئے کراچی کو چار چاند لگا دیے۔ مگر پرویز مشرف کے بالکل برعکس، اگر عمران خان حکومت میں آیا تو یہ دوسروں کی مثبت تعمیری صلاحیتوں کا فائدہ اٹھانے کی بجائے انہیں تہس نہس کرنے میں لگ جائے گا، اور اسکی وجہ یہ ہے کہ عمران خان اپنی ذات میں ڈکٹیٹر ہے اور اپنے سوا کسی اور کے جمہوری وجود کو قبول نہیں کر سکتا۔ اسکے اندر وہ جراثیم ہی نہیں کہ جو اسے اس کی اپنی ذات سے نکل کر دوسروں کے ساتھ مل کر ساتھ چلنے کی صلاحیت عطا کریں۔
طالبان اور جماعت اسلامی (پورے رائیٹ ونگ) کی منافقت
آپ کو یاد ہو گا جب سوات کے پورے علاقے کو "نفاذ شریعت معاہدے" کے تحت طالبان کے حوالے کیا جا رہا تھا تو متحدہ وہ واحد جماعت تھی جو اس پر حتی الممکن احتجاج کر رہی تھی، حکمرانوں اور مذہب کے ٹھیکیداروں کو یاد دلا رہی تھی کہ طالبان نے سوات میں کیسا قتل عام اور دہشتگردی مچا رکھی ہے۔
مگر اُس وقت یہی مذہب کی ٹھیکیدار جماعت اسلامی اور پورا رائیٹ ونگ تھا جو اخبارات، میڈیا ہر جگہ یہ قرآنی آیت پیش کر رہا تھا:
وَإِن طَائِفَتَانِ مِنَ الْمُؤْمِنِينَ اقْتَتَلُوا فَأَصْلِحُوا بَيْنَهُمَا
ترجمہ:۔ اور اگر مسلمانوں کے دو گروہ آپس میں قتال کرنے لگیں تو اُن کے درمیان صلح کرا دیا کرو
اس آیت کا سہارا لیکر مذہب کے ٹھیکیداروں نے طالبان کا ہر قتل و غارتگری اور دہشتگردی کو نظر انداز کر دیا اور سوات کا پورا علاقہ ان خونخوار بھیڑیوں کے حوالے کر دیا۔
مگر یہی جماعت اسلامی اور رائیٹ ونگ سیاسی میڈیا و جماعتیں ہیں کہ جب کراچی میں 1990 کی دھائی میں ہونے والے فسادات کی باری آتی ہے تو یہ لوگ اس قرآنی آیت کو ہی بھلا بیٹھتے ہیں، اور ہر صورت فقط اور فقط ایک فریق کو نشانہ بنا کر اپنی دشمنیاں نکال رہے ہوتے ہیں۔
مگر انکی ان منافقتوں کا نتیجہ نکلتا ہے کہ اہلیان کراچی میں انکے خلاف نفرت میں اضافہ ہو رہا ہے اور وہ ہر الیکشن میں پہلے سے بڑھ کر ان مذہب کے ٹھیکیداروں کے منہ پر جوتا مارتے ہوئے متحدہ کو منتخب کرتے ہیں۔
"جارح" اور "جوابی ردعمل" کا فرق
کراچی میں منافقتوں کی لمبی تاریخ ہے۔
1951 میں ہندوستانی مسلمانوں کی پاکستان ہجرت پر پابندی لگا دی گئی حالانکہ یہ دو قومی نظریے کی موت تھی۔ نتیجتاً ہزاروں مہاجر خاندان کٹ کر رہ گئے۔ اگر ماں باپ انڈیا میں ہیں تو بیٹی داماد پاکستان میں۔ بہنیں بھائیوں سے جدا ہو گئیں اور خاندان بٹ گئے۔
آج کراچی کو "سب پاکستانیوں" کا قرار دینے والے وہی لوگ ہیں (مثلا اے این پی) جنہوں نے 1971 میں پاکستان کو "سب پاکستانیوں" کا ماننے سے انکار کر دیا تھا اور پاکستان کے انتہائی محب اور انتہا سے زیادہ جانوں کا نذرانہ پیش کرنے والے بیہاری مسلمانوں کو یہ کہہ کر پاکستان نہیں آنے دیا کہ پاکستان انکا بوجھ برداشت نہیں کر سکتا۔ یہ دو قومی نظریہ کی پھر سے موت تھی اور بیہاری مہاجر خاندان پھر تقسیم ہوئے کہ آدے کراچی میں موجود تھے اور آدھے بنگلہ دیش کے کیمپوں میں پڑے پاکستان سے محبت کے جرم میں مکتی باہنی کے ہاتھوں ستائے اور قتل کیے جاتے رہے۔
ان منافقتوں پر کیا مہاجر قوم کبھی احتجاج نہ کرتی؟
سہراب گوٹھ کئی دھائیوں سے نو گو ایریا، غیر قانونی مہلک آٹومیٹک اسلحہ کا گڑھ، ڈرگز اور دیگر مافیاؤں اور جرائم کا گڑھ بنا رہا۔ اسی سہراب گڑھ سے مہاجروں کے قافلوں پر فائرنگ ہوئی۔۔۔ ان سب کے باوجود قانون کبھی سہراب گڑھ کے خلاف حرکت میں نہیں آیا۔
پھر قصبہ کالونی، علی گڑھ کالونی، اور پھر ان سب سے بڑھ کر پکا قلعہ میں سینکڑوں معصوم مہاجر موت کے گھاٹ اتار دیے گئے، مگر کوئی قانون حرکت میں نہیں آیا۔
مرکزی اور سندھ کی صوبائی حکومتیں میرٹ کے بغیر ہر مرکزی اور صوبائی محکمے میں انگوٹھا چھاپ لوگوں کو سفارش و علاقے کی بنیاد پر بھرتی کرتے رہے۔ اسکی سب سے واضح مثال کراچی پولیس کے محکمے کی ہے جہاں 80 فیصد سے زائد لوگ غیر مقامی اور انکی اکثریت پنجاب کی تھی۔ اور پولیس وہ ادارہ ہے کہ اسکی قانونی کرپشن کی وجہ سے لوگ چور اور ڈاکوؤں سے بھی زیادہ نفرت ان پولیس والوں سے کرتے ہیں۔ اور پھر اگر یہ غیر مقامی پولیس پندرہ ہزار سے زائد معصوموں کے ماورائے عدالت قتل میں ملوث ہو تو آپ خود اندازہ لگا سکتے ہیں کہ ان پولیس والوں سے اہلیان کراچی میں کتنی نفرت پائی جاتی ہو گی۔
خدا کے لیے ہوش کے ناخن لیجئے۔ کب تک اس ظلم و ستم جاری رکھا جا سکتا ہے کہ اس کا جوابی ردعمل سامنے نہ آئے؟
اے قوم والو!
کراچی میں 90 کی دھائی میں جو فسادات ہوئے، خدا کے لیے اس میں "جارح" اور "جوابی ردعمل" کی عالمگیر اصول کو سامنے رکھو۔ عمران خان، جماعت اسلامی اور دیگر سیاسی جماعتیں تو منافق ہیں جو انہیں اس "جارح" اور "جوابی ردعمل" کا مسئلہ نظر آنا تو ایک طرف رہا، الٹا انکے الزامات کا سارا کا سارا رخ فقط اور فقط ایک فریق (یعنی ایم کیو ایم) کے خلاف ہے، جبکہ دوسرے فریقوں کو نہ قاتل کہتے ہیں، نہ دہشتگرد کہتے ہیں، اور نہ انہیں عدالتوں میں گھسیٹتے ہیں۔
کاش کہ ان فتنوں کا پہلا سے ہی احتساب کر لیا جاتا تو کبھی اہل کراچی کو اپنے حقوق کے لیے احتجاج ہی نہ کرنا پڑتا اور نہ کبھی یہ صورتحال پیش آتی۔ اور جب انہوں نے اپنے حقوق مانگنے شروع کیے تو انکے اوپر ظلم و ستم کے پہاڑ ٹوٹ پڑے۔ اور پھر جوابی ردعمل ہوا، اور اسکے بعد یہ Cycle شروع ہو گیا۔
سب سے زیادہ افسوس ہے مگر ان لوگوں کی منافقتوں پر جو "جارح" اور "ردعمل" کا یہ فرق نہیں کرتے بلکہ اپنی نفرت کی آگے میں اندھا ہو کر فقط اور فقط ایک فریق (متحدہ) کے جانی دشمن بنے ہوئے ہیں۔
عمران خان کی ایک اور منافقت ملاحظہ فرمائیں کہ ان صاحب کو "جارحیت" اور "ردعمل" کا یہ سلسلہ اہلیان کراچی کے معاملے میں تو نظر نہیں آیا، مگر طالبان کے معاملے میں انہیں فورا نظر آ جاتا ہے۔ جب بھی طالبان پاکستان میں معصوم شہریوں پر خود کش حملہ کرتے ہیں تو عمران خان اس جنگ کو ہماری اپنی دہشتگردی کے خلاف جنگ ماننے سے انکار کر دیتا ہے، اور عمران خان کا بہانہ ہوتا ہے کہ طالبان تو "ہمارے بھائی" ہیں اور یہ خود کش حملے تو امریکی جارحیت کے جوابی ردعمل میں ہو رہے ہیں۔
عمران خان صاحب،
آپ اپنی اس منافقت سے باہر آئیے، اور نوٹ کیجئے کہ:
- کاش کہ آپ کو کراچی میں بھی یہ کئی صدیوں سے جاری جارحیت اور پھر اسکا جوابی ردعمل کا سلسلہ نظر آ سکے اور آپکی نفرت و دشمنی اس بات پر آپ کو مجبور نہ کرے کہ یہاں آپ سستی سیاسی شہرت حاصل کرنے کے لیے اندھے بن جائیں۔
- اور طالبان کے معاملے میں آپ کا یہ "جوابی ردعمل" کا عُذر بالکل لغو ہے اور کسی صورت طالبان کے معصوم بے گناہ شہریوں پر خود کش حملوں کا جواز نہیں۔ نہیں، بلکہ طالبان بذات خود جارحیتی فتنہ ہیں۔
کاش کہ عمران خان میں اتنی عقل اور شعور ہوتا تو وہ سوات کے نفاذ شریعت معاہدے، اور اس سے بھی قبل طالبان سے کیے گئے کئی معاہدوں سے سمجھ سکتا کہ طالبان اپنے فتنے و فساد سے باز آنے والے نہیں۔
کیا عمران خان بتانا پسند کریں گے کہ سوات میں حکومت مل جانے کے بعد پھر طالبانی دہشتگردوں کا بونیر اور دیگر متصل علاقوں پر جنگ چھیڑ دینا کس چیز کا "جوابی ردعمل" تھا؟اور بونیر میں جو معصوم پاکستان اس طالبانی پیشقدمی کے نتیجے میں شہید ہو گئے، انکے معصوم قتل کا ذمہ دار کیا آپ جیسے لوگ نہیں جنہوں نے سوات کا علاقہ طالبانی فتنے کو "ہمارے بھائی" کہتے ہوئے پیش کر دیا تھا؟
طالبان سے صلح کیوں نہیں
عمران خان کے برعکس متحدہ کا مؤقف ہے کہ طالبان کے جرائم کو بھول کر ان سے صلح کی جا سکتی ہے، مگر اسکی سب سے بنیادی شرط یہ ہے کہ وہ اپنے قتل و غارت و دہشتگردی سے مکمل توبہ کرتے ہوئے پاکستانی آئین کی وفاداری کا حلف اٹھائیں۔ اور عمران خان اور جماعت اسلامی کی منافقتوں کے برعکس کہ جہاں ایک طرف وہ پاکستانی آئین کی بات کرتے ہیں، اور دوسری طرف طالبان کو اس پاکستانی آئین سے ماوراء قرار دے دیتے ہیں، متحدہ کا بالکل واضح مؤقف ہے کہ ہاکستان میں دو آئین نہیں ہو سکتے اور نہ ہی طالبان پاکستانی آئین سے ماوراء ہو سکتی ہے۔
