Bhaee ye Manjann Aap 127 saaloun se bech rahay hein per bikta nai hai. Aap ki poori koshish hai k jo haal 29 Dajjali Kazzab Nabioun ka hua k aaj dunya mein Koi aik b nai jo unka naam Lewa ho jo unko maanta ho, Musallema Kazaab se le ker k Alexander Dowee takk tou woi haal Mirza Ghulam Ahmad AS aor uskay maan e waaloun ka bhee ho.
Aap ki Khoahish aor Chaahat ka Ehtaraam kerta hun aap ki iss muraad ka. Per unn 29 Dajjali Nabioun ka haal jo hua wo aap ne ya uss waqt k logoun ne nai balkay Allah ne kiya. Unkay maan ne waalay Safaa e Hasti se kiss ne mittaey ? Nishaan e Ibrat kiss ne bnaey ? Allah Rabbul Izzat Azza Wa Jall ne. So Khuda se koi nai lerh sakta.
127 saal se aap Laantein bhej rahay hein, Gaaleeaan dey rahay hein, Shaheed ker rahay hein, Murtadd keh k Jahanumm Raseed ker rahay hein (Zameen k Khuda Bunn K) , Hakumattein kherhi hui hein hamaray khilaaf , Khuda Bunn k Islam se Khaarij ker rahay hein Qanoon bana k. Pakistan, Bangladesh, Indonesia mein Shadeed persecution hai. Hazur Pbuh k dourr e Awal k baad aik misaal dein 1400 saal ki jub dunya mein kisi b firqay ya mazhab ko apne religion ki practice se mulk ka Qanoon rokay. Sirf Jamaat e Ahmadiyya k saath Pakistan mein ye horaha. Phir b humein apni Matti apne mulk se pyaar hai kyun k qasoor Matti ka nai. Per ye sub ker k aap humein Surah e Juma k tehat Awwaleen se khud mila rahay hein. Jo Awwaleen se hua. Wo bhee kehtay thay hum musalmaan tou wo kehtay thay nai tum Saabi ho.
Kya Ahmadiat mitt gaee ? Kya Ahmadiat ki taraqqi rukk gaee ? Sirf 5 laakh 67 hazaar loug 2015 mein Ahmadi huay hein. Alhamdoulillah Allah k fazal se.
Aap, Aap ki agli nasal, unki agli nasal bhee yunhee aeyrheeaan ragarhtay dunya se chali jaey gee per nakaam of namuraad hogee. Q k Mamoor Minallah ko Allah kherha kerta hai. Jisko Allah kherha kerta hai uska Mohaafiz bhee Allah hota hai. Jub k Allah taala Surah e Al Haaqa mein bayaan ker chukay hein k jo Jhoota Nabi hota hai jub wo Jhoota daawaa kerta hai Khuda se Mukhaatba Mukaasfa ka tou Allah kehtay hein k mein uski Sheh Rugg kaat deta hun aor ussay uskay Silsillay ko Nishaan e Ibrat bana deta hun.
Jub kuch nai bann perhta tou aap Yahoodi Eesaee Saazish Poda keh detay hein. Per aap Surah e Younis ki aayat 17 aor 18 perh lein. Allah kehtay hein k jo mujh se jhoot mansoob keray ga (jhoota dawee) wo Sub se zayada beyinsaaf hai aor Allah k shawahidd ko jhutlaata hai. Aor aesay logoun ko Allah kbi taraqqi kamyaabi nai deta.
Allah taala Yahoodioun Eesaeeoun se berh k nai hai. Aor Allah ne ye nai kaha k agar Yahoodi Eesaee uska saath dein ge tou mein ussay kamyaabi dun ga werna Nakaami.
Nafrat aor Bughhz choarh dein. Dekhein k Khuda ki Taqdeer kiss k saath hai.
Allah taala aapka Haamee o Naasir ho aor Aap pe Aap k pyaaroun pe Barkattein naazil kerein. Allah Huma Aameen.
FeeimaanAllah.