پاکستانی شوبز انڈسٹری کی معروف ماڈل اور اداکارہ ژالے سرحدی مہنگائی سمیت مختلف معاملات پر تنقید کرتے ہوئے ٹک ٹاک پر ایک ویڈیو اپ لوڈ کی ہے جو کہ دیکھتے ہی دیکھتے وائرل ہو گئی ہے۔
تفصیلات کے مطابق اداکارہ ژالے سرحدی نے ٹک ٹاک پر شیئر کی گئی ویڈیو میں لپ سنکنگ کرتے ہوئے مہنگائی پر تنقید کی ہے تاہم ان کی ویڈیو کو مداحوں کی جانب سے خوب سراہا جا رہا ہے۔
وائرل ویڈیو میں ژالے سرحدی لپ سنکنگ کرتے ہوئے کہہ رہی ہیں کہ "عوام سو رہی مہنگائی ہو رہی ہے، مُنا رو رہا ہے اور دودھ مہنگا ہو رہا ہے، منے کا ابا نفسیاتی ہورہا ہے اور منے کی اماں میکے چلی گئیں وہ نفسیاتی ہوگئیں، یہ سب کچھ تبدیلی میں ہو رہا ہے" اس کے بعد وہ دلچسپ آواز نکالتی ہیں اور پھر کہتی ہیں کہ یہ وطن ہمارا ہے سمجھ نہیں آرہا ہے۔"
یاد رہے کہ ژالے سرحدی اسی طرح کی دلچسپ ویڈیو اکثر شیئر کرتی رہتی ہیں جسے ان کے مداحوں کی جانب سے بھی خوب سراہا جاتا ہے۔ اداکارہ نے 2008 میں اداکاری کا آغاز کیا تھا، اب تک وہ نصف درجن کے قریب فلموں اور متعدد ڈراموں میں اداکاری کر چکی ہیں۔
- Featured Thumbs
- https://www.siasat.pk/data/files/s3/zhalay11i1i2.jpg
