جمعیت علمائے اسلام اورعوامی نیشنل پارٹی کے درمیان گورنر خیبرپختونخوا کے معاملے پر اختلافات کم ہونے کا نام نہیں لے رہے، اے این پی کے صوبائی صدر ایمل ولی خان نے جے یو آئی سربراہ مولانا فضل الرحمان کی صحافیوں سے گفتگو پر ردعمل دے دیا۔
انہوں ںے کہا حکومتوں کے بھوکے نہیں ، میں نے کسی بزرگ کی بڑی کرپشن کی بات نہیں کی۔ صرف گورنر کی بات کی وہ مولانا اور جے یو آئی کیلئے شرمندگی کا باعث بن رہے ہیں۔
ایمل ولی خان نے کہا گورنرغلام علی کی حمایت کرکے میں نے بڑی غلطی کی ہے ، مجھے نہیں معلوم تھا کہ وہ کیسا بندہ ہے، آپ کے گھر کا بندہ ہے ، آپ انہیں خوب جانتے تھے،خیبر پختونخوا میں مذہب کے نام پر جو من و سلویٰ جاری ہے اس کا ابھی ذکر بھی نہیں کیا۔
عوامی نیشنل پارٹی خیبر پختونخوا کے صدر ایمل ولی خان کے بیان پر جے یو آئی کے صوبائی ترجمان عبدالجلیل جان نے ردعمل دیتے ہوئے کہا ہے کہ بلدیاتی انتخابات میں شکست کے بعد اے این پی کے صوبائی صدر ایمل ولی خان کے سر پر اب آئندہ عام انتخابات کی شکست کا خوف سوار ہے۔
عبدالجلیل جان کے مطابق جے یو آئی قائدین کے خلاف بیانات دیکر ایمل ولی خان اپنا قد بڑھانے کی کوشش کر رہے ہیں، ایمل ولی خان کے مولانا فضل الرحمان سے متعلق ریمارکس کسی تربیت یافتہ سیاستدان کے نہیں بلکہ غیر سنجیدہ شخص کی بھڑک ہے۔
ترجمان جے یو آئی کا کہنا ہے کہ اے این پی چارسدہ اور مردان تک محدود ہو چکی لیکن لگتا ہے کہ اب ان اضلاع سے بھی فارغ ہو چکی ہے،ضمنی انتخابات کی مہم کے موقع پر صوبے کے گورنر کے لیےحاجی غلام علی کا نام ایمل ولی خان نے پیش کیا تھا، اب ان کے مخالف بیانات دیکر اپنی غلطی کا ڈھنڈورا بھی پیٹ رہے ہیں۔
عبدالجلیل جان نے کہا ایمل ولی خان ہمت کرکے پارٹی کی صوبائی صدارت سے استعفیٰ دیں اور کسی سنجیدہ شخص کو یہ منصب حوالے کر دیں، ایمل ولی خان کے غیر سنجیدہ بیانات پوری اے این پی کے لیے سوالیہ نشان ہے،قوم جاننا چاہتی ہے کہ خیبر پختونخوا میں خوشگوار سیاسی ماحول کو کس کے اشارے پر پراگندہ کیا جارہاہے۔
- Featured Thumbs
- https://www.siasat.pk/data/files/s3/kpk-amil-wlai-khan-fazal.jpg
Last edited by a moderator:
