ارشد شریف کی پوسٹمارٹم رپورٹ میں تشدد کا ذکر نہیں،صحافی برائن ابویا
کینین صحافیوں نے صحافی ارشد شریف کے پوسٹ مارٹم رپورٹ پر اعتراض اٹھا دیئے، اے آر وائی نیوز کے پروگرام ’سوال یہ ہے‘ میں خصوصی گفتگو کرتے ہوئے کینیا کے تحقیقاتی صحافی برائن ابویا نے دعویٰ کیا کہ کینیا میں ہونے والے پوسٹ مارٹم میں صحافی ارشد شریف پر تشدد کا ذکر ہی نہیں کیا گیا۔
صحافی نے کہا ڈی این اے سیمپل کے لیے ارشد شریف کے ہاتھ کے ایک یا دو ناخن نکالے گئے، ناخن ڈی این اے ٹیسٹنگ کے لیے نکالے جاتے ہیں، ڈین این اے ٹیسٹنگ سے پتا چلتا ہے کس کس چیز کو ہاتھ لگایا ہوگا۔
صحافی نے مزید کہا کینیا میں جو پوسٹ مارٹم ہوا اس میں کیمیائی تجزیے کے لیے جگر کے ٹکڑے لیے،ان کے خون کے نمونے بھی لیے گئے، پوسٹ مارٹم رپورٹ میں پسلیوں یا ہاتھ کی انگلیوں کے ٹوٹنے کا ذکر نہیں۔
صحافی نے کہا پوسٹ مارٹم کرنے والا ڈاکٹر خود آکر تفصیل نہ بتائے قیاس آرائی درست نہیں، ہمیں اس معاملے میں جلد بازی نہیں کرنی چاہیے، حساس معاملہ ہے ہمیں صرف حقائق پر بات کرنی چاہیے۔‘
برائن ابویا نے کہا پروگرام میں گفتگو کرتے ہوئے کہا غلط معلومات سے معاملے پر مٹی ڈالنے میں آسانی ہوگی، غلط معلومات دی گئیں تو اصل مجرم کو بھاگنے میں آسانی ہوگی، میرا نہیں خیال کہ کسی ڈاکٹر کے لیے ممکن ہے کہ کتنی دیر تشددکیا گیا، 3 گھنٹے تک تشدد کی کوئی سائنٹفک توجیح سامنے نہیں آئی،خدشہ ہے کہ ٹارچر سے متعلق غلط معلومات پھیلائی جا رہی ہیں۔
دوسری جانب سینیئر صحافی ارشد شریف کے خاندان کا کہنا ہے کہ اُنھیں کینیا سے میت کے ساتھ جو پوسٹ مارٹم رپورٹ موصول ہوئی، اس میں کچھ صفحات موجود نہیں تھے،اس پوسٹ مارٹم رپورٹ اور ڈیتھ سرٹیفکیٹ کا مہربند لفافہ جب اُنھیں دیا گیا تو وہ پہلے ہی کھلا ہوا تھا۔
حکومت اور پمز ہسپتال کی انتظامیہ نے کینیا میں قتل کیے جانے والے پاکستانی صحافی ارشد شریف کے پوسٹ مارٹم رپورٹ میں ان کے جسم پر تشدد کے نشانات اور میڈیا پر سامنے آنے والی پمز کی رپورٹ کی تصاویر کی بھی تصدیق کی ہے۔
