بھارت اور جنوبی افریقا کے درمیان کیپ ٹاؤن میں جاری تیسرے ٹیسٹ میں اس وقت دلچسپ صورتحال پیدا ہوگئی جب ڈین ایلگر ڈی آر ایس پر ایل بی ڈبلیو قرار پانے سے بچ گئے۔
بھارتی ٹیم کی مرضی کے خلاف آنے والے اس فیصلے پر بھارتی کو مروڑ اٹھنے لگے اور اس کے مختلف پلیئرز اسٹمپ مائیک پر جا کر براڈ کاسٹرز پر تنقید کرتے رہے۔
تفصیلات کے مطابق بھارت اور جنوبی افریقا کے درمیان کیپ ٹاؤن میں جاری تیسرے ٹیسٹ میں ڈین ایلگر ڈی آر ایس پر ایل بی ڈبلیو قرار پانے سے بچ گئے مگر بھارتی ٹیم اس فیصلے کے خلاف اسٹمپ مائیک پر براڈ کاسٹرز پر تنقید کرتے رہے۔
بھارتی کرکٹ ٹیم کے کے ایل راہول، روی چندرن ایشون اور ویرات کوہلی اسٹمپ مائیک پر آکر اپنی بھڑاس نکالتے اور براڈ کاسٹرز پر تنقید کی۔
کوہلی نے اسٹمپس مائیک کے پاس آکر کہا کہ اپنی ٹیم پر بھی ذرا دھیان دو صرف مخالف ٹیم کو ہی دبانے میں نہ لگے رہو، کے ایل راہول نے کہا کہ 11 کھلاڑیوں کے خلاف پورا ملک کھڑا ہے ایشون نے کہا کہ اس گیم کو جیتنے کیلئے آپ کو کوئی اور طریقہ تلاش کرنا چاہیے۔
اس پورے واقعے پر سوشل میڈیا پر بھی بحث چھڑ گئی کرکٹ شائقین نے کہا کہ بھارتی ٹیم کو آج جس ڈی آر ایس کا دکھ ہے ، وہ 2011 ورلڈ کپ میں اسی ڈی آر ایس سے مستفید ہوئے تھے جب سعید اجمل کی گیند پر ٹنڈولکر کا ایل بی ڈبلیو اوور ٹرن ہوگیا تھا۔
انوشہ نے کہا کہ جس ڈی آر ایس کو آج گالیاں دے رہے ہیں کبھی اسی نے ان کی عزت بچائی تھی۔
آتھما نے کہا کہ بھارتی ٹیم کی بری بات یہ ہے کہ جب وہ ہارتے ہیں یا فیصلہ ان کی مرضی کے خلاف ہوتا ہے تو رونے لگتے ہیں۔
- Featured Thumbs
- https://www.siasat.pk/data/files/s3/drs-kohli.jpg
