کون بنےگا کروڑ پتی

hmkhan

Senator (1k+ posts)

KBC.jpg

کون بنےگا کروڑ پتی

'(تالیوں کی گڑگڑاہٹ)'

تھینک یو،تھینک یو،تھینک یو ویری مچ
آدر،آداب،ابھینندن،آبھار
میں امیتابھ بچن آپ سبھی کا سواگت کرتے ہوئے شروع کرتا ہوں سبت کوٹی مہان،سمان
کون بنے گا کروڑ پتی
دیوی یواورسجنو آج ہم اپنے آپ کو بھاگیہ شالی سمجھتے ہیں کہ آج ہمارے بیچ ہا ٹ سیٹ پر براجمان ہیں لاہور پاکستان سے آئے 1992کےوش کپ وجیتا بھوت پوربھ کرکٹ کھلاڑی اورپاکستان کی ایک راج نیتی پارٹی کے نیتا شری عمران خان جی ان کا اس منچ پر ہم ہارتک سواگت کرتے ہیں یہ سویئم جتنے خوبصورت ہیں اتنے سوئیم خوبصورت ہردے کے مالک بھی ہیں دیوی یو اور سجنو ان کے لئے تالیاں بجتی رہنی چاہئیں
'( تالیوں کی ایک بار پھر گڑگڑاہٹ)'
خانصاب آپ کا ایک بار پھر سے سواگت ہے اس سے پہلے کہ کاری کرم شروع کیا جائے یہ فرمائیے آج کون ،کون سے مہان سجن پاکستان سے آپ کے ساتھ یہاں پدھارے ہیں اور ساتھ ہی ہمارے درشکوں سے ان کا پریچے بھی کروا دیجئے
شکریہ امیتابھ بچن جی
آج میرے ہمراہ میرے عقب میں کالے سوٹ ،لال ٹائی میں ملبوس ہاتھ میں کیوبن سگار تھامے راولپنڈی کی لال حویلی کے جناب شیخ رشید صاحب ہیں جو سیاست دان اور سیاسی پیشینگوئیوں کے ماہرتصور کےجاتے ہیں اور ان برابرایک سنیئر صحافی اور کالم نویس چا چا ہارون رشید تشریف فرما ہیں
آپ دونوں مہا پرشوں کا بہت ،بہت سواگت ،عمران خان صاحب سب سے پہلے میں جلدی سے آپ کواس پروگرام کے قائدے اور قانون سے آگاہ کر دیتا ہوں آپ کے سامنے چودہ پرشن آئیں گے پانچ ہزار سے شروعات ہوگی اور یہ ایک کروڑ تک جائے گی اور بیچ میں دو پڑاؤ آئیں گے ایک دس ہزار پر اور دوسرا تین لاکھ بیس ہزار پر پہلے پڑاؤ تک پہنچنے کے تیس سیکنڈ، دوسرے پڑاؤ تک ساٹھ سیکنڈ کا سمے اور پھر اس کے بعد آپ کے پاس سمے ہی سمے ہوگا
اس کے علاوہ آپ کے پاس چار لائف لائینز ہوں گی
جنتا کی رائے( اوڈینز پول)
فون اے فرینڈ
ففٹی،ففٹی
ایکسپرٹس کی رائے
تودیوی یو اور سجنو شبھ آرمبھ کرتے ہیں ادھ بدھ کھیل کون بنے گا کروڑ پتی
پہلا پرشن آرہا ہے پانچ ہزار روپے کا آپ کے سامنے عمران خان جی
پہلا پرشن سکرین پر یہ رہا
کسی بھی ورودہی دل(حزب اختلاف) پارٹی کا سرکار کے ورودھ (خلاف)دھرنہ دینے سے کیانتیجہ نکل سکتا ہے؟

-A - سرکارگر جائے گی؟
-B- سرکارطاقت کا پریوگ کرتے ہوئے دھرنے کو کھدیڑ دی گی؟
-C- کیا ایمپائر اپنی انگلی کھڑی کردے گا؟
-D- یا پھر کچھ بھی نہیں ہوگا؟

عمران خان صاحب آپ کے پاس اتر دینے کے کیول تیس سیکنڈ ہیں اورآپ کا سمے شروع ہوتا ہے اب
امیتابھ جی بہت مشکل سوال کر ڈالا آپ نے میں خود آج تک اپنے ناکام دھرنے کےبعد اس سوال کے صحیح جواب کی تلاش میں ہوں
دیکھئیے خانصاحب سمے بہت تیزی سے بیت رہا ہے کیول دس سیکنڈ باقی ہیں آپ چاہیں تو لائف لائن کا استعمال کر سکتے ہیں
جی میں لائف لائن کا استعمال کروں گا
شانت ہو جائیے ٹک،ٹک جی
جی آپ کونسی لائف لائن کا پرییوگ کریں گے؟
جنتا کی رائے یعنی اوڈینز پول
اوڈینز اب آپ کی باری ہے ووٹنگ میٹر رکھئیے اپنے ہاتھ میں اور دیجیئے اس پرشن کا صحیح اترآپ کا سمے شروع ہوتا ہے اب
لیجئیے جنتا کا جواب آ گیا ہے جنتا نے25پریشد(فیصد) "اے "کو 25 پریشد" بی "کو 25 پریشد ہی "سی" کو اور25 پریشد ہی "ڈی" کو دئیے ہیں اب آپ کا کیا اتر ہے خانصاحب ؟
یہ تو جنتا نے مجھے اور ہی مصیبت میں ڈال دیا
جلدی جواب دیجیئے عمران خان صاحب سمے لگ بھگ سماپت ہونے کو ہے
میں ایک اور لائف لائن کا استعمال کروں گا
شانت ہو جائیے ٹک،ٹک جی
کونسی لائف لائن؟
فون اے فرینڈ
کمپیوٹر جی عمران خان صاحب فون اے فرینڈ لائف استعمال کر یں گے وہ نام بتائے جائیں جن سے وہ بات کر سکتےہیں چھبیہ (تصویر) کے ساتھ
اوریہ ہیں
شری شاہ محمود قریشی ملتان سے
شری جہانگیر ترین لودھراں سے
شریمتی شیرین مزاری اسلام آباد سے
عمران صاحب آپ کا کیا خیال ہے کس کے پاس اس پرشن کا صحیح اتر ہوگا
جی امیتابھ جی میرا خیال ہے جناب جہانگیر ترین صاحب کے پاس اس سوال کا صحیح جواب ہو گا
کمپیوٹر جی شری جہانگیر ترین کو فون لگایا جائے
اس سے پہلے کمپیوٹر جی فون لگا ئیں آپ جہانگیر ترین صاحب کا پریچے کروائیے یہ مہاشے کون ہیں اور کیا کرتے ہیں
جی یہ میری پارٹی تحریک انصاف کے جنرل سیکریڑری ہیں ملک کے نامورجا گیردار
زمیندار،سرمایہ دار اور کئی فیکڑریوں کے مالک ہیں ان کے اپنے ذاتی ہوائی جہاز بھی ہیں جن میں مجھے اکثر سفر کرنے کی سعادت نصیب ہوتی ہے
کمپیوٹر جی شری جہانگیر ترین کو فون لگا جائے
ٹرن،،،،،ٹرن،،،،ٹرن،،،،،ٹرن،،،،ٹرن
ھیلو!،
جی ھیلو!،
جہا نگیر ترین صاحب؟
جی ہاں
میں امیتابھ بچن بول رہا ہوں کون بنے گا کروڑ پتی سے
واؤ! آداب ! امیتابھ جی یقین نہیں آ رہا کہ آپ مجھ سے مخاطب ہیں آج تو آپ نے میرا برسوں پرانا سپنا پورا کردیا یقین مانئیے میں آپ کا بچپن سے ہی بہت بڑا فین ہوں
شکریہ! دھنباد ! شری جہانگیر ترین جی آج میرے سامنے ہاٹ سیٹ پر آپ کے مترّ اور آپ ہی کی پارٹی کے سدس شری عمران خان براجمان ہیں وہ اس وقت ایک سنکھشٹ میں ہیں اور ان کا کہنا ہے کہ کیول آپ ہی انہیں اس سنکھشٹ سے نکال سکتے ہیں وہ اس سمے ایک پرشن کا اتر نہیں دے پا رہے ہیں کرپا کر کے ان کی سہایتا کیجئیے اب اگلی آواز ہو گی عمران خان کی اور آپ کو اتر دینے کے لئے سمے ملے گا تیس سیکنڈ کا
عمران خان جی آپ کا سمے شروع ہوتا ہے اب
ھیلو!،
ھیلو!،
جی اسلام علیکم عمران کیسے ہیں آپ سب خیریت
ہاں وعلیکم سلام خریت ہے وقت تھوڑا ہے جلدی سے اس سوال کا جواب دو اگر حکومت کے خلاف دھرنہ دیا جائے تو
ہاں خانصاحب دھرنے سے یاد آیا آپ فورا" پاکستان تشریف لے آئیے یہ وقت دھرنے کے لئے نہایت موزوں ہے
جہانگیر پہلے میرا سوال تو سن لے یار
خانصاحب جب سے پانامہ لیکس کا غلغلہ ہے اٹھا میاں برادران کی تو سمجھئیے بولتی ہی بند ہو گئی ہے بڑے میاں صاحب تو کہتے ہیں کہ اس پرایک جوڈیشل بنایا جائے گا عوام تو عوام کوئی جج بھی اسے سننے کو تیار نہیں ہا،ہا،ہا،ہا،ہا عمران میری مانو تو جلدی واپس آ کر اس دھرنے کی قیادت سنبھالو اور ہاں اس دفعہ یہ دھرنے کا رخ ڈی چوک اسلام آباد کے بجائے رائیونڈ کی جانب ہو توکیسا رہے گا؟
بھرررررررررن ن ن(بزر کی آواز)،
شما چاہتا ہوں خانصاحب سمے سماپت ہوگیا مجھے افسوس ہے کہ آپ کے مترّ اس کا اتر نہیں دے پائے
امیتابھ جی جواب تو تب دیتے اگر میں اپنا سوال مکمل کر لیتا (بڑبڑاتے ہوئے) نہ جانے کہاں کہاں سے ایسے نمونے میری پارٹی میں آ کرشامل ہو گئے ہیں
اب آپ کیا کرنا چاھیں گے ابھی بھی آپ کے پاس دو لائف لائنز موجود ہیں
جی میں ایک لائف لائن کا استعمال کروں گا
کونسی؟
ایکسپرٹ کی رائے
عمران خان صاحب آپ خوش قسمت ہیں کہ ایکسپرٹ کے روپ میں آج ہمارے ساتھ موجود ہیں
بھارت کے دھرنا ایکسپرٹ شری با با رام دیوآ ئیے ان کی رائے لیتے ہیں
نمسکار بابا رام دیو جی
نسکار امیتابھ جی اور آداب عمران خانصاحب
شما چاہتا ہوں میں اس پرشن کا اتر نہیں دے پاؤں گا مّدا اگر بھارت میں دھرنے کا ہوتا تو میں یدّی ترنت جواب دے دیتا اب بات ہے پاکستانی دھرنے کی تو میری اس مدّے میں کوئی زیادہ جانکاری نہیں ہے کیونکہ پرنتو پاکسانی کرکٹ ٹیم اور راج نیتی کے بارے میں وشیش ٹپنی کرنی اسمبھو ہے دونوں کب کیا کر بیٹھیں یہ تو کوئی راج جوتشی بھی نہی بتاسکتا
جی خانصاحب با با جی نے تو اپنے ہاتھ کھڑے کردئیے اب آپ کے پاس کیول ایک ہی لائف لائن بچی ہے ففٹی،ففٹی کیا کریں گے آپ؟
ظاہر ہے اب اسی کا استعمال کروں گا
اس سے پہلےکہ میں کمپیوٹر جی سے کہوں میں آپ کو بتا دینا چاہتا ہوں کہ اس لائف لائن کے استعمال کے بعد سکرین سے دواتر ہٹا دئیے جائین گے اور دو باقی رہ جائیں گے ان میں سے ایک اتر درست ہوگا تو کمپیوٹر جی سکرین سے دو جواب ہٹا دئیے جائیں
تو لیجئیے دو جواب سکرین سے ہٹا دئیے گئے ہیں اور اب رہ گئے ہیں دو "سی" کیا ایمپائر اپنی انگلی کھڑی کردے گا اور "ڈی" یا پھر کچھ بھی نہیں ہوگا جلدی سے اپنا اتر بتائیے عمران خان صاحب
ارے اب تو جواب چنداں مشکل نہیں امیتابھ جی میرا پہلے بھی نہ صرف یقین بلکہ ایمان تھا اور اب بھی یہی یقین وایمان ہے کہ انشا اللہ اس مرتبہ ایمپائر اپنی انگلی ضرور کھڑی کرے گا
تو میرا جواب ہے"سی" ایمپائر اپنی انگلی کھڑی کرے گا
یہ آپ کا فائینل جواب ہے
جی
تالا لگادیا جائے
جی لگا دیاجائے
کمپیوٹر جی "سی" کیا ایمپائر انگلی کھڑی کر دے گا پر تالا لگا دیا جائے
شما چاہتا ہوں خانصاحب آپ کا اتر غلط ہے صحیح جواب ہے"ڈی" کچھ بھی نہیں ہوگا
خیر مجھے افسوس ہے کہ آج آپ یہاں سے کچھ بھی جیت کر نہیں جا سکے پھر بھی میں آپ کا ابھاری ہوں کہ آپ یہاں پدھارے اب میں آپ سے وداع چاہوں گا شبھ راتری،شب بخیر

 
Last edited by a moderator:

Raaz

(50k+ posts) بابائے فورم
نواز اور زرداری کے علاوہ کون بن سکتا ہے
وہ بھی جایز طریقے سے ;)
 

Atif

Chief Minister (5k+ posts)
:lol: :lol: :lol:

خانصاحب!! اگرچہ آپ کا آرٹیکل مزاح اور طنز کی تمام شرائط پر پورا اترتا ہے لیکن یقین رکھیں پچھلے تھریڈ میں خود پر گلی کے آوارہ کتوں کی جائز تہمت لگوا کر انقلابی ایسے سہمے ہوئے ہیں کہ اول تو یہاں کمنٹ کرنے کی غلطی نہیں کریں گے اور کیے بھی تو آپ کو مغلظات بکنے کیلئے اپنے گلے پھاڑیں گے۔ اس کے بعد اس آرٹیکل میں کوئی معیوب بات نہ پاکر وہ روتے روتے ایڈمنز کے پاس جاکر آپکی شکائیت لگائیں گے کہ " اکبر نام لیتا ہے (ہمارے) خدا کا اس مردانے میں"۔ اور اس شکائیت کے بعد آپکا تھریڈ اس فورم کی ان گہرائیوں میں پھینک دیا جائے گا جہاں جہانگیر ترین یا اس کے زرخرید پٹھووں کی اس پر نظر نہ پڑ سکے۔

خوش رہیے اور لکھتے رہیے، ایسی تحاریر اس وقت تخلیق کرنا فرض ہے جب عوام کو ایک مداری اپنا سرکس لگا کر نان ایشوز کی سیاست میں الجھا رہا ہے۔
 

Atif

Chief Minister (5k+ posts)

ویسے خان صاحب یقین مانیں میرا آج پورا پروگرام تھا کہ عمران خان سے اپنی عقیدت کا اظہار اپنے انداز میں یہاں ایک تھریڈ لگا کر کروں لیکن آپکے تھریڈ نے قوتِ گویائی ہی گویا چھین لی۔ کل اگر موقع اور وقت دستیاب ہوا تو ایسے انقلابی کتوروں کی دُم مروڑوں گا جو یہاں سب کو کاٹتے پھررہے ہیں۔
 

FaisalKh

Chief Minister (5k+ posts)
نان ایشوز کی سیاست میں الجھا رہا ہے۔


عاطف بھائی چلو اس بات کو بھول جاتے ہیں کہ یہ بات عمران خان یا تحریک انصاف کی طرف سے اٹھائی جا
(رہی ہے. اگر آپ ہوتے تو آپ کیا کرتے؟(یہ ایک سنجیدہ سوال ہے



اور آپ اسے نان ایشو که رہے ہیں یعنی اربوں کا پیسہ لوٹ کر لے گئے اور یہ نان ایشو ہے؟ اگر یہ نان ایشو ہے تو پھر آپ کی نظر میں پاکستان کے ایشوز اور کیا ہیں اور ان پر کتنا کام ہو رہا ہے


آپ تحریک انصاف سے نالاں ہیں تو آپ کا شکریہ لیکن آپ سے ایک درخواست کرونگا کہ ہر چیز کو عمران خان سے بغض یا اسکی مخالفت میں نہ دیکھیں یہ سراسر قومی مسئلہ ہے اور یہ تحریک انصاف نے نہیں اٹھایا یہ شریفوں کی کارستانیاں ہیں پاکستانیوں کے ساتھ واقعی بہت برا ہو رہا ہے اور یہ آپ جیسوں سے زیادہ اور کون جان سکتا ہے
 

hmkhan

Senator (1k+ posts)

ویسے خان صاحب یقین مانیں میرا آج پورا پروگرام تھا کہ عمران خان سے اپنی عقیدت کا اظہار اپنے انداز میں یہاں ایک تھریڈ لگا کر کروں لیکن آپکے تھریڈ نے قوتِ گویائی ہی گویا چھین لی۔ کل اگر موقع اور وقت دستیاب ہوا تو ایسے انقلابی کتوروں کی دُم مروڑوں گا جو یہاں سب کو کاٹتے پھررہے ہیں۔


عاطف صاحب ! پسندیدگی کا شکریہ
عاطف بھائی آپ کو قسم ہے سچ،سچ بتائیے میرے اس تھریڈ میں کسی قسم کی گالی گلوچ ذو معنی اور غیر اخلاقی الفاظ کا شائیبہ تک بھی ہے؟ پوچھ اس لئے رہا ہوں کہ کل ہی ایک نووارد موڈریٹر صاحب نے میرے گزشتہ تھریڈ پر یہ تہمت لگا ئی تھی اللہ ان کا بھلا کرے میں ان کی فہم وفراست کی بلندی کے لئے دعاء گو ہوں


 

FaisalKh

Chief Minister (5k+ posts)

عاطف صاحب ! پسندیدگی کا شکریہ
عاطف بھائی آپ کو قسم ہے سچ،سچ بتائیے میرے اس تھریڈ میں کسی قسم کی گالی گلوچ ذو معنی اور غیر اخلاقی الفاظ کا شائیبہ تک بھی ہے؟ پوچھ اس لئے رہا ہوں کہ کل ہی ایک نووارد موڈریٹر صاحب نے میرے گزشتہ تھریڈ پر یہ تہمت لگا ئی تھی اللہ ان کا بھلا کرے میں ان کی فہم وفراست کی بلندی کے لئے دعاء گو ہوں


ایچ ایم خان صاحب بہت ہی خوبصورت تحریر ہے طنز و مزاح سے بھرپور اس میں کچھ بھی ایسا ویسا نہیں ہے اور شاید میری یہ پوسٹ پڑھنے کے بعد کچھ لوگوں کو بھی عقل اے گی امید کرتا ہوں اور گالیاں وغیرہ نہیں دیں گے


ہاں میرے انٹرسٹ کی جو لائن آپ کی پوسٹ میں ہے وہ ہے "کچھ نہیں ہوگا" اسکے جواب میں آپ کو میں یہ کالم پوسٹ کرتا ہوں آپ اسے پڑھیں اور پھر سوچیں کہ کبھی نہ کبھی تو الله کی پکڑ ان پر بھی ہوگی انشاء الله


جس طرح خوبصورت تحریر آپ لکھتے ہیں میں امید کرتا ہوں کہ ان ملک کو لوٹنے والوں کے خلاف بھی کوئی تحریر لکھیں گے یہ بھی ایک جہاد ہے

http://www.siasat.pk/forum/showthread.php?440530-Hona-to-kuch-bhi-nahi
 

Zinda_Rood

Minister (2k+ posts)

آپ نے اچھا لکھا لیکن ایک بہت بنیادی غلطی کر گئے، عمران خان کا ریکارڈ ہے کہ وہ کبھی بھی کسی بھی سوال کے جواب میں تاخیر نہیں کرتا، نہ ہی گڑبڑاتا ہے، اگر آپ نے یہ تحریر پرچی میاں کے نام سے لکھی ہوتی تو زیادہ حقیقی معلوم ہوتی۔

 

Atif

Chief Minister (5k+ posts)


عاطف بھائی چلو اس بات کو بھول جاتے ہیں کہ یہ بات عمران خان یا تحریک انصاف کی طرف سے اٹھائی جا
(رہی ہے. اگر آپ ہوتے تو آپ کیا کرتے؟(یہ ایک سنجیدہ سوال ہے



اور آپ اسے نان ایشو که رہے ہیں یعنی اربوں کا پیسہ لوٹ کر لے گئے اور یہ نان ایشو ہے؟ اگر یہ نان ایشو ہے تو پھر آپ کی نظر میں پاکستان کے ایشوز اور کیا ہیں اور ان پر کتنا کام ہو رہا ہے


آپ تحریک انصاف سے نالاں ہیں تو آپ کا شکریہ لیکن آپ سے ایک درخواست کرونگا کہ ہر چیز کو عمران خان سے بغض یا اسکی مخالفت میں نہ دیکھیں یہ سراسر قومی مسئلہ ہے اور یہ تحریک انصاف نے نہیں اٹھایا یہ شریفوں کی کارستانیاں ہیں پاکستانیوں کے ساتھ واقعی بہت برا ہو رہا ہے اور یہ آپ جیسوں سے زیادہ اور کون جان سکتا ہے

خان بھائی!! یقین مانیں کہ آپ سے میں ڈر سا گیا ہوں کیونکہ جو کچھ آپ نے ایک دودن پہلے مذاق مذاق میں کہا وہ اس فورم کے کسی ممبر نے کبھی محسوس نہیں کیا آپ ایک دلنشیں انسان ہونے کے علاوہ حقیقتا" ایک خطرناک انسان بھی ہیں۔

آپ کی پوسٹ سے متعلق پہلے تو ایک وضاحت ضروری ہے کہ آپ کبھی مجھے شریفوں کی حمائیت کرتے نہیں پائیں گے کیونکہ شائید اس فورم پر مجھ سے زیادہ ان کے بارے میں کوئی جان نہیں سکتا۔ سرکاری ہونے کا ایک نقصان یہ بھی ہے کہ خفیہ اور مصدقہ اطلاعات حاصل ہونے کے باوجود آپ انہیں افشا نہیں کرسکتے۔ پانامہ لیکس کے حوالے سے یہ تھریڈ ہے ہی نہیں تو کیا موقف دوں بہرحال اتنا کہنا چاہوں گا کہ بھیڑئیے سے آپ خون پینے کے علاوہ اور کیا توقع رکھ سکتے ہیں؟؟
اب آتے ہیں کہ عمران کو کیا کرنا چاہیے؟؟ کیا آپ جیسے ذی الشعور ممبر کے خیال میں عمران خان کو ان ڈھائی سالوں میں میرے جیسے عام عوام جو عمران کی شکل میں اپنا نجات دہندہ دیکھتے تھے کی خواہشات کو پسِ پشت ڈال کر اپنی طاقتیں دھاندلی جیسے ایشوز پر ضائع کرنا چاہییں تھیں۔ یہ استعفے کی باتیں، شریفوں کی کرپشن، مخالفت برائے مخالفت جیسی مکروہات پر مبنی مہمات کیا ہمارے لئے پرانی نہیں تھیں؟؟ میرا خیال تھا کہ عمران کے پی کے میں حکومت ملنے کے بعد نوے دن کے بجائے ایک ڈیڑھ سال میں اسے ایک مثالی صوبہ بنادے گا اور پھر مہنگائی، کرپشن، اقرباء پروری، ناانصافی کے خلاف مہم چلائے گا یا دھرنا دے گا جس میں یہ خاکسار بھی اپنے لاؤ لشکر سمیت شرکت کرے گا۔ لیکن یہ مہم کس لئے چلی؟؟ دھاندلی جیسا ایشو اٹھانے کیلئے جس پر عمران کو خود کہنا پڑا کہ پینتیس پینچر ایک سیاسی داو تھا۔ سب کے ساتھ دھرنے میں بیٹھوں گا جو وہ کھائیں گے وہ کھاوں گا جیسے بیانات کے بعد اپنے محل میں جاکر آرام کرنا اور کنٹینر میں شادی کی پلاننگ اور ریہرسل کرنا کیا ایسے عوامل نہیں کہ کسی عقل والے انسان کا دل کھٹا کردیں؟؟

بات شائید لمبی ہوگئی اور تلخ بھی اسلئے اسے بڑے بھائی کا بلڈ پریشر ہائی سمجھ کر درگزر کیجئے گا، آپکی ناراضگی قابل برداشت نہیں کیونکہ آپ پھر مجھ پر بلاوجہ بہت ہنستے ہیں۔
(bigsmile)
 

FaisalKh

Chief Minister (5k+ posts)
جنہوں نے عمران خان کی تقریر نہیں سنی میں انہیں دعوت دیتا ہوں کہ کچھ بھی کہنے سے پہلے وہ ضرور سنیں عاطف بھائی خاص طور سے آپ ضرور وہ سنیں اور پھر آپ یہاں آکر اس پر کھل کر تنقید کریں جو اس سے تقریر میں غلط کہا ہو

میں نے اسکی پوری تقریر سنی اور میں نے کچھ بھی غلط نہیں سنا سب وہی باتیں ہیں جو شریف لوگ پہلے ہی قبول کر چکے ہیں

پاکستان کے تمام فیصلے سڑکوں پر ہی ہوتے ہیں مشرف کے جانے سے لیکر افتخار چودھری کی بحالی تک اگر پاکستانی لوگوں کا یہی مزاج ہے تو اس میں تحریک انصاف کا کیا قصور؟


جب جمہوریت کے نام پر لٹیرے اور آمر حکومت سے چمٹے پڑے ہوں تو پھر انکے خلاف احتجاج کے علاوہ اور کیا راستہ رہ جاتا ہے؟
 

FaisalKh

Chief Minister (5k+ posts)

خان بھائی!! یقین مانیں کہ آپ سے میں ڈر سا گیا ہوں کیونکہ جو کچھ آپ نے ایک دودن پہلے مذاق مذاق میں کہا وہ اس فورم کے کسی ممبر نے کبھی محسوس نہیں کیا آپ ایک دلنشیں انسان ہونے کے علاوہ حقیقتا" ایک خطرناک انسان بھی ہیں۔

آپ کی پوسٹ سے متعلق پہلے تو ایک وضاحت ضروری ہے کہ آپ کبھی مجھے شریفوں کی حمائیت کرتے نہیں پائیں گے کیونکہ شائید اس فورم پر مجھ سے زیادہ ان کے بارے میں کوئی جان نہیں سکتا۔ سرکاری ہونے کا ایک نقصان یہ بھی ہے کہ خفیہ اور مصدقہ اطلاعات حاصل ہونے کے باوجود آپ انہیں افشا نہیں کرسکتے۔ پانامہ لیکس کے حوالے سے یہ تھریڈ ہے ہی نہیں تو کیا موقف دوں بہرحال اتنا کہنا چاہوں گا کہ بھیڑئیے سے آپ خون پینے کے علاوہ اور کیا توقع رکھ سکتے ہیں؟؟
اب آتے ہیں کہ عمران کو کیا کرنا چاہیے؟؟ کیا آپ جیسے ذی الشعور ممبر کے خیال میں عمران خان کو ان ڈھائی سالوں میں میرے جیسے عام عوام جو عمران کی شکل میں اپنا نجات دہندہ دیکھتے تھے کی خواہشات کو پسِ پشت ڈال کر اپنی طاقتیں دھاندلی جیسے ایشوز پر ضائع کرنا چاہییں تھیں۔ یہ استعفے کی باتیں، شریفوں کی کرپشن، مخالفت برائے مخالفت جیسی مکروہات پر مبنی مہمات کیا ہمارے لئے پرانی نہیں تھیں؟؟ میرا خیال تھا کہ عمران کے پی کے میں حکومت ملنے کے بعد نوے دن کے بجائے ایک ڈیڑھ سال میں اسے ایک مثالی صوبہ بنادے گا اور پھر مہنگائی، کرپشن، اقرباء پروری، ناانصافی کے خلاف مہم چلائے گا یا دھرنا دے گا جس میں یہ خاکسار بھی اپنے لاؤ لشکر سمیت شرکت کرے گا۔ لیکن یہ مہم کس لئے چلی؟؟ دھاندلی جیسا ایشو اٹھانے کیلئے جس پر عمران کو خود کہنا پڑا کہ پینتیس پینچر ایک سیاسی داو تھا۔ سب کے ساتھ دھرنے میں بیٹھوں گا جو وہ کھائیں گے وہ کھاوں گا جیسے بیانات کے بعد اپنے محل میں جاکر آرام کرنا اور کنٹینر میں شادی کی پلاننگ اور ریہرسل کرنا کیا ایسے عوامل نہیں کہ کسی عقل والے انسان کا دل کھٹا کردیں؟؟

بات شائید لمبی ہوگئی اور تلخ بھی اسلئے اسے بڑے بھائی کا بلڈ پریشر ہائی سمجھ کر درگزر کیجئے گا، آپکی ناراضگی قابل برداشت نہیں کیونکہ آپ پھر مجھ پر بلاوجہ بہت ہنستے ہیں۔
(bigsmile)


نہیں آپ کی بات میں کوئی بھی تلخی مجھے محسوس نہیں ہوئ مجھے خوشی ہوتی ہے کہ جسے الله نے قلم کی طاقت دی ہے وہ اس کا صحیح استعمال کرتا ہے


دھرنے والے معاملے پر میں اور آپ کئی بار بحث کر چکے ہیں میں صرف اتنا کہونگا کہ وہ ایک صحیح قدم تھا جو صحیح سمت میں جا رہا تھا لیکن بدقسمتی کہ خان صاحب کچھ مصلحتوں اور سازشوں کا شکار ہو گئے آخر انسان ہی ہیں غلطیاں ہو جاتی ہیں آپ انکے منہ سے ایک دن ضرور سنیں گے کہ جو غلطیاں انہوں نے کی اس پر معافی بھی مانگ لیں گے مشرف والے واقعے کی طرح


آپ میری اس بات سے ضرور اتفاق کریں گے کہ اگر نواز شریف دھاندلی والے واقعے پر بھی عدالتی کمیشن بنانے کا حکم دے ددیتا تو دھرنے کی نوبت ہی نہ آتی. اور دوسرا میں آپ کو پہلے بھی بتا چکا ہوں اور پھر کہونگا کہ کے پی کے میں پچھلی حکومت کی نسبت بہت اچھے کام ہوئے ہیں آپ سرکاری بندے ہو آپ کو شائد اور بھی علم ہو میں خود وہاں موجود نہیں لیکن میری فیملی وہیں ہے اور میں اس سے پوچھتا رہتا ہوں لیکن آپ کو یہ بات بھی مد نظر رکھنی چاہیے کہ یہ سارے معاملات ٣ سالوں میں کہاں حل ہو سکتے ہیں


عمران خان کی اس تقریر کے حوالے سے میں آپ کو احتیاطً یہ بات کرنا چاہونگا کہ عمران خان نے سب سے زیادہ زور اس بات پر دیا ہے کہ ایک اعلیٰ سطح کا کمیشن بنا کر اس معاملے کی تحقیقات کروائی جائیں اور اگر پھر بھی حکومت نے بات نہ مانی تو پھر احتجاج ہوگا اب آپ ہی بتائیں اس میں غلط کیا ہے؟ اگر پاکستان میں جمہوریت ہے تو پھر جمہوریت میں تو احتجاج کرنا عوام کا حق ہوتا ہے؟


اور میں نے آپ کو کبھی بھی نون کا سپورٹر نہیں سمجھا میں ٤ ٥ سالوں سے اس فورم کا ممبر ہوں بہت ساروں کو جانتا ہوں میں صرف یہی کہونگا کہ عمران خان بھی انسان اور تحریک انصاف بھی انسانوں کی پارٹی ہے لہٰذا یہ ذہن میں رکھنا چاہیے کہ ان سے بھی غلطیاں ہو سکتی ہیں لیکن یہ بھی سوچنا چاہیے کہ دوسروں کی بڑی بڑی غلطیاں چھوڑ کر صرف تحریک انصاف کی چھوٹی چوٹی نادانیوں پر ان کا میڈیا ٹرائل کرنا کوئی اچھی بات نہیں
 

arafay

Chief Minister (5k+ posts)
filhal tu lagta ha danyal aziz doorain daal raha ha mariam ke gird. mere khayal ye crore pati ban jayega.
 

handsome.ebi

Chief Minister (5k+ posts)

ویسے خان صاحب یقین مانیں میرا آج پورا پروگرام تھا کہ عمران خان سے اپنی عقیدت کا اظہار اپنے انداز میں یہاں ایک تھریڈ لگا کر کروں لیکن آپکے تھریڈ نے قوتِ گویائی ہی گویا چھین لی۔ کل اگر موقع اور وقت دستیاب ہوا تو ایسے انقلابی کتوروں کی دُم مروڑوں گا جو یہاں سب کو کاٹتے پھررہے ہیں۔


آپ جسطرح پی ٹی آئی پر برس رہیں ہیں اور اسکے حامیوں کو بطور مجموئی برے الفاظ سے نواز رے ہیں جیسے پاکستان کا صرف یہی ایک مسلہ ہے باقی تو راوی چین ہی چین لکھتا ہے آپکو بس اتنی سی یادہانی کروانا چاہتا ہو کے یہ وہی پی ٹی آئی ہ جسے آپ ووٹ کر چکے ہیں اور وہی خان ہے جس کی تعریفوں میں آپ کبھی زمین آسمان کے قلابے ملاتے تھے اور آج تمام برائیوں کی جڑ اسے قرار دے رے ہیں ہم سب سیاست دانو ں کے یو ٹرن کی بات کرتے ہیں آپ اپنے اس اتنے بڑے یو ٹرن پر کیا کہینگے کے آخر ایسی کونسی انہونی ہوگئی جسکی وجہ سے آپکی انتہا کی محبت شدید نفرت پر بدل گئی - یا تو پھر آپ اس بات کو تسلیم کریں کے آپکی لوگوں کو پرکھنے کی حس نہایت بری ہے -
 

handsome.ebi

Chief Minister (5k+ posts)


نہیں آپ کی بات میں کوئی بھی تلخی مجھے محسوس نہیں ہوئ مجھے خوشی ہوتی ہے کہ جسے الله نے قلم کی طاقت دی ہے وہ اس کا صحیح استعمال کرتا ہے


دھرنے والے معاملے پر میں اور آپ کئی بار بحث کر چکے ہیں میں صرف اتنا کہونگا کہ وہ ایک صحیح قدم تھا جو صحیح سمت میں جا رہا تھا لیکن بدقسمتی کہ خان صاحب کچھ مصلحتوں اور سازشوں کا شکار ہو گئے آخر انسان ہی ہیں غلطیاں ہو جاتی ہیں آپ انکے منہ سے ایک دن ضرور سنیں گے کہ جو غلطیاں انہوں نے کی اس پر معافی بھی مانگ لیں گے مشرف والے واقعے کی طرح


آپ میری اس بات سے ضرور اتفاق کریں گے کہ اگر نواز شریف دھاندلی والے واقعے پر بھی عدالتی کمیشن بنانے کا حکم دے ددیتا تو دھرنے کی نوبت ہی نہ آتی. اور دوسرا میں آپ کو پہلے بھی بتا چکا ہوں اور پھر کہونگا کہ کے پی کے میں پچھلی حکومت کی نسبت بہت اچھے کام ہوئے ہیں آپ سرکاری بندے ہو آپ کو شائد اور بھی علم ہو میں خود وہاں موجود نہیں لیکن میری فیملی وہیں ہے اور میں اس سے پوچھتا رہتا ہوں لیکن آپ کو یہ بات بھی مد نظر رکھنی چاہیے کہ یہ سارے معاملات ٣ سالوں میں کہاں حل ہو سکتے ہیں


عمران خان کی اس تقریر کے حوالے سے میں آپ کو احتیاطً یہ بات کرنا چاہونگا کہ عمران خان نے سب سے زیادہ زور اس بات پر دیا ہے کہ ایک اعلیٰ سطح کا کمیشن بنا کر اس معاملے کی تحقیقات کروائی جائیں اور اگر پھر بھی حکومت نے بات نہ مانی تو پھر احتجاج ہوگا اب آپ ہی بتائیں اس میں غلط کیا ہے؟ اگر پاکستان میں جمہوریت ہے تو پھر جمہوریت میں تو احتجاج کرنا عوام کا حق ہوتا ہے؟


اور میں نے آپ کو کبھی بھی نون کا سپورٹر نہیں سمجھا میں ٤ ٥ سالوں سے اس فورم کا ممبر ہوں بہت ساروں کو جانتا ہوں میں صرف یہی کہونگا کہ عمران خان بھی انسان اور تحریک انصاف بھی انسانوں کی پارٹی ہے لہٰذا یہ ذہن میں رکھنا چاہیے کہ ان سے بھی غلطیاں ہو سکتی ہیں لیکن یہ بھی سوچنا چاہیے کہ دوسروں کی بڑی بڑی غلطیاں چھوڑ کر صرف تحریک انصاف کی چھوٹی چوٹی نادانیوں پر ان کا میڈیا ٹرائل کرنا کوئی اچھی بات نہیں


میرے خیال میں پی ٹی آئی سے عاطف کی نفرت کی وجہ اسکی پولیسیز سے زیادہ اسکے حامیوں کا رویہ ہے - چند انسافینز واقعی میں پی ٹی آئی کے نام پر بدنما داغ ہیں اور ہمیں انکے خلاف بولنا چاہیے - پر یہ کہاں کا انصاف کے ایک جماعت کے چند حامیوں کی وجہ سے اسے قابل نفرت بنا دیا جائے
باقی پی ٹی آئی کوئی فرشتوں کی جماعت نہی اور خان کی سیاسی زندگی بھی غلطیوں سے بھری پڑ ی ہے اور ہم نے اسے ان غلطیوں پر تنقید کا نشانہ بھی بنایا ہے اس سب کے باوجود وہ ان فیملی مافیاز سے ہزار گنا بہتر آپشن ہے
 

Atif

Chief Minister (5k+ posts)


نہیں آپ کی بات میں کوئی بھی تلخی مجھے محسوس نہیں ہوئ مجھے خوشی ہوتی ہے کہ جسے الله نے قلم کی طاقت دی ہے وہ اس کا صحیح استعمال کرتا ہے


دھرنے والے معاملے پر میں اور آپ کئی بار بحث کر چکے ہیں میں صرف اتنا کہونگا کہ وہ ایک صحیح قدم تھا جو صحیح سمت میں جا رہا تھا لیکن بدقسمتی کہ خان صاحب کچھ مصلحتوں اور سازشوں کا شکار ہو گئے آخر انسان ہی ہیں غلطیاں ہو جاتی ہیں آپ انکے منہ سے ایک دن ضرور سنیں گے کہ جو غلطیاں انہوں نے کی اس پر معافی بھی مانگ لیں گے مشرف والے واقعے کی طرح


آپ میری اس بات سے ضرور اتفاق کریں گے کہ اگر نواز شریف دھاندلی والے واقعے پر بھی عدالتی کمیشن بنانے کا حکم دے ددیتا تو دھرنے کی نوبت ہی نہ آتی. اور دوسرا میں آپ کو پہلے بھی بتا چکا ہوں اور پھر کہونگا کہ کے پی کے میں پچھلی حکومت کی نسبت بہت اچھے کام ہوئے ہیں آپ سرکاری بندے ہو آپ کو شائد اور بھی علم ہو میں خود وہاں موجود نہیں لیکن میری فیملی وہیں ہے اور میں اس سے پوچھتا رہتا ہوں لیکن آپ کو یہ بات بھی مد نظر رکھنی چاہیے کہ یہ سارے معاملات ٣ سالوں میں کہاں حل ہو سکتے ہیں


عمران خان کی اس تقریر کے حوالے سے میں آپ کو احتیاطً یہ بات کرنا چاہونگا کہ عمران خان نے سب سے زیادہ زور اس بات پر دیا ہے کہ ایک اعلیٰ سطح کا کمیشن بنا کر اس معاملے کی تحقیقات کروائی جائیں اور اگر پھر بھی حکومت نے بات نہ مانی تو پھر احتجاج ہوگا اب آپ ہی بتائیں اس میں غلط کیا ہے؟ اگر پاکستان میں جمہوریت ہے تو پھر جمہوریت میں تو احتجاج کرنا عوام کا حق ہوتا ہے؟


اور میں نے آپ کو کبھی بھی نون کا سپورٹر نہیں سمجھا میں ٤ ٥ سالوں سے اس فورم کا ممبر ہوں بہت ساروں کو جانتا ہوں میں صرف یہی کہونگا کہ عمران خان بھی انسان اور تحریک انصاف بھی انسانوں کی پارٹی ہے لہٰذا یہ ذہن میں رکھنا چاہیے کہ ان سے بھی غلطیاں ہو سکتی ہیں لیکن یہ بھی سوچنا چاہیے کہ دوسروں کی بڑی بڑی غلطیاں چھوڑ کر صرف تحریک انصاف کی چھوٹی چوٹی نادانیوں پر ان کا میڈیا ٹرائل کرنا کوئی اچھی بات نہیں

خان بھائی!! آپ میرے اُن دوستوں میں شمار ہوتے ہیں جو ایکبار کہہ دیں کہ آج کے بعد پی ٹی آئی کی حمائیت میں لکھنا ہے تو میں یہ ناگوار فریضہ بھی انجام دوںگا۔
جہاں تک عمران کی معافی کا تعلق ہے تو کیا نواز یا زرداری اپنی حرامزادگیوں پر ہم سے معافی مانگ لیں تو کیا ہم انہیں معاف کردیں گے؟؟ عمران نے امیدوں کا خون کیا ہے جو مالی کرپشن سے زیادہ جاں لیوا جرم ہے۔

شائید میں غلط ہوں لیکن مجھے لگتا ہے نواز شریف نے دھاندلی کے ایشو پر کمیشن کا علان دھرنے سے پہلے ہی کردیا تھا لیکن خان صاحب کو جس انگلی نے فتح کی یقین دھانی کروائی تھی اس کے بعد وہ کسی کمیشن وغیرہ کو خاطر میں نہیں لارہے تھے۔
آپکی دوسری رائے کا احترام واجب، بس عرض یہ ہے کہ عمران کی کارکردگی کا موازنہ ہمیں پرانی حکومتوں سے نہیں کرنا بلکہ اسے ہم نے انقلاب کے طور پر سُنا، پڑھا اور جانا تھا، جتنی اصلاحات کے پی کے میں ہوئیں ہیں بطور مبصر اور جائزہ کار وہاں کا دورہ کرنے کے بعد آپکو بتاتا چلوں کہ بلوچستان اس معاملے میں عمران کی حکومت سے آگے ہے لیکن یہاں جہانگیر ترین ٹائپ سرمایہ دار اور پی ٹی آئی کے سرکاری بھونپووں کا وجود نہیں جو بغلیں بجا بجا کر اپنی کارکردگی کے اعلان کرتے پھریں، ترقی کے حوالے سے میں آپکو یہاں کے ایک ممبر ماسٹر جی کے تھریڈز پڑھنے کی دعوت دوں گا جو وہ پکے ثبوت کے ساتھ یہاں لگاتے ہیں کہ وہاں کیا حال ہے۔
اور ابھی عمران کا مطالبہ ایک اعلیٰ سطح کے کمیشن کا ہے لیکن آپ خود پتائیے کہ اگر فیصلہ شریفوں کی حمائیت میں آیا یا یہ کمیشن بھی اپنے پیشرو کمیشنز کی طرح انصاف مکمل فراہم نہ کرسکا تو عمران کے اس مطالبے کی کیا وقعت رہ جانی ہے۔ کرپشن وہ ایشو ہے جس پر میں عمران خان کا سپورٹ بنا تھا جب کوئی بھی اس کی حمائیت نہیں کرتا تھا لیکن مجھے اس شخص میں سپارک نظر آتا تھا۔ پھر ہوا یوں کہ اصل ایشوز کو چھوڑ کر عوام کو دھاندلی اور چار حلقوں جیسے ایشوز میں الجھا دیا گیا کہ وہ مہنگائی، کرپشن اور ناانصافی جیسے ناسوروں کی بالکل بھلا ہی بیٹھے۔

آخری بات یہ کہ پی ٹی آئی کی چھوٹی چھوٹی باتوں پر تنقید اسلئے کی جاتی ہے کہ یہ پارٹی بہت طمطراق سے میدان میں اتری تھی کہ پاکستان کی حالت بدل دے گی اور چوروں سے پیچھا چھڑوائے گی لیکن اس کی ترجیحات میں اب درخت لگانا، کنٹینروں پر چڑھ کر گالیاں دینا، ٹاک شوز میں بکواسنا اور ہر میٹرو پر تنقید جیسے کام رہ گئے ہیں۔
 

Atif

Chief Minister (5k+ posts)

آپ جسطرح پی ٹی آئی پر برس رہیں ہیں اور اسکے حامیوں کو بطور مجموئی برے الفاظ سے نواز رے ہیں جیسے پاکستان کا صرف یہی ایک مسلہ ہے باقی تو راوی چین ہی چین لکھتا ہے آپکو بس اتنی سی یادہانی کروانا چاہتا ہو کے یہ وہی پی ٹی آئی ہ جسے آپ ووٹ کر چکے ہیں اور وہی خان ہے جس کی تعریفوں میں آپ کبھی زمین آسمان کے قلابے ملاتے تھے اور آج تمام برائیوں کی جڑ اسے قرار دے رے ہیں ہم سب سیاست دانو ں کے یو ٹرن کی بات کرتے ہیں آپ اپنے اس اتنے بڑے یو ٹرن پر کیا کہینگے کے آخر ایسی کونسی انہونی ہوگئی جسکی وجہ سے آپکی انتہا کی محبت شدید نفرت پر بدل گئی - یا تو پھر آپ اس بات کو تسلیم کریں کے آپکی لوگوں کو پرکھنے کی حس نہایت بری ہے -

ہینڈسم بھائی!! خوش آمدید۔ بہت عرصے سے آپ غائب ہو اور کئی بار سوچا آپ سے احوال کروں لیکن ذرا شرمندگی سی تھی کہ بڑے بھائیوں کی طرح میرا دل بڑا نہیں اور آپ سے تلخی کی نوبت آئی۔ معذرت۔

دوسری بات یہ کہ دنیا ادھر سے ادھر ہوجائے ووٹ پھر بھی پی ٹی آئی کا ہے اس میں کوئی شک کی گنجائش ہی نہیں، اور آپ جانتے ہو میں اکھڑ ہوں لیکن جھوٹا نہیں۔ آپ میری عمران پر تنقید کو اسکے بڑے بڑے کان کھینچ کر راہ راست پر لانے کی کوشش سمجھا کرو تو آپکو مجھ سے اختلاف نہیں ہوگا۔

باقی آپکی بات ٹھیک ہے کہ عمران کی طرح مجھ میں بھی لوگوں کو پرکھنے کی حس شرمناک حد تک بری ہے ایسا نہ ہوتا تو میں بھی نواز کی طرح کوئی قومی لیڈر ہوتا۔ اور ایک ضروری بات آپ کو بتاتا چلوں کہ جب میں پھٹکاری یا انقلابی وغیرہ کے القاب استعمال کرتا ہوں تو ان سے میری مراد کم ظرف اور کم نسل قسم کے وہ پی ٹی آئی سپورٹر ہیں جو تھڑوں سےاٹھ کر اس فورم پر مخالفین کو گالیاں دینے آتے ہیں، بندہ پی ٹی آئی کے قابل عزت دوستوں کی شان میں گستاخی کا سوچ بھی نہیں سکتا بلکہ اگر آپ حسب عادت تفتیش فرمائیں تو میرے احباب میں یہاں زیادہ تر پی ٹی آئی کے سنجیدہ ممبران ہیں۔
 

hmkhan

Senator (1k+ posts)
ایچ ایم خان صاحب بہت ہی خوبصورت تحریر ہے طنز و مزاح سے بھرپور اس میں کچھ بھی ایسا ویسا نہیں ہے اور شاید میری یہ پوسٹ پڑھنے کے بعد کچھ لوگوں کو بھی عقل اے گی امید کرتا ہوں اور گالیاں وغیرہ نہیں دیں گے


ہاں میرے انٹرسٹ کی جو لائن آپ کی پوسٹ میں ہے وہ ہے "کچھ نہیں ہوگا" اسکے جواب میں آپ کو میں یہ کالم پوسٹ کرتا ہوں آپ اسے پڑھیں اور پھر سوچیں کہ کبھی نہ کبھی تو الله کی پکڑ ان پر بھی ہوگی انشاء الله


جس طرح خوبصورت تحریر آپ لکھتے ہیں میں امید کرتا ہوں کہ ان ملک کو لوٹنے والوں کے خلاف بھی کوئی تحریر لکھیں گے یہ بھی ایک جہاد ہے

http://www.siasat.pk/forum/showthread.php?440530-Hona-to-kuch-bhi-nahi


یقینا" مجھ پر یہ ایک قرض ہے جو میں جلد ہی ادا کرنے کی کوشش کروں گا آپ کا اس طرف توجہ دلانے کا شکریہ

 

Jack Sparrow

Minister (2k+ posts)

خان بھائی!! آپ میرے اُن دوستوں میں شمار ہوتے ہیں جو ایکبار کہہ دیں کہ آج کے بعد پی ٹی آئی کی حمائیت میں لکھنا ہے تو میں یہ ناگوار فریضہ بھی انجام دوںگا۔
جہاں تک عمران کی معافی کا تعلق ہے تو کیا نواز یا زرداری اپنی حرامزادگیوں پر ہم سے معافی مانگ لیں تو کیا ہم انہیں معاف کردیں گے؟؟ عمران نے امیدوں کا خون کیا ہے جو مالی کرپشن سے زیادہ جاں لیوا جرم ہے۔

شائید میں غلط ہوں لیکن مجھے لگتا ہے نواز شریف نے دھاندلی کے ایشو پر کمیشن کا علان دھرنے سے پہلے ہی کردیا تھا لیکن خان صاحب کو جس انگلی نے فتح کی یقین دھانی کروائی تھی اس کے بعد وہ کسی کمیشن وغیرہ کو خاطر میں نہیں لارہے تھے۔
آپکی دوسری رائے کا احترام واجب، بس عرض یہ ہے کہ عمران کی کارکردگی کا موازنہ ہمیں پرانی حکومتوں سے نہیں کرنا بلکہ اسے ہم نے انقلاب کے طور پر سُنا، پڑھا اور جانا تھا، جتنی اصلاحات کے پی کے میں ہوئیں ہیں بطور مبصر اور جائزہ کار وہاں کا دورہ کرنے کے بعد آپکو بتاتا چلوں کہ بلوچستان اس معاملے میں عمران کی حکومت سے آگے ہے لیکن یہاں جہانگیر ترین ٹائپ سرمایہ دار اور پی ٹی آئی کے سرکاری بھونپووں کا وجود نہیں جو بغلیں بجا بجا کر اپنی کارکردگی کے اعلان کرتے پھریں، ترقی کے حوالے سے میں آپکو یہاں کے ایک ممبر ماسٹر جی کے تھریڈز پڑھنے کی دعوت دوں گا جو وہ پکے ثبوت کے ساتھ یہاں لگاتے ہیں کہ وہاں کیا حال ہے۔
اور ابھی عمران کا مطالبہ ایک اعلیٰ سطح کے کمیشن کا ہے لیکن آپ خود پتائیے کہ اگر فیصلہ شریفوں کی حمائیت میں آیا یا یہ کمیشن بھی اپنے پیشرو کمیشنز کی طرح انصاف مکمل فراہم نہ کرسکا تو عمران کے اس مطالبے کی کیا وقعت رہ جانی ہے۔ کرپشن وہ ایشو ہے جس پر میں عمران خان کا سپورٹ بنا تھا جب کوئی بھی اس کی حمائیت نہیں کرتا تھا لیکن مجھے اس شخص میں سپارک نظر آتا تھا۔ پھر ہوا یوں کہ اصل ایشوز کو چھوڑ کر عوام کو دھاندلی اور چار حلقوں جیسے ایشوز میں الجھا دیا گیا کہ وہ مہنگائی، کرپشن اور ناانصافی جیسے ناسوروں کی بالکل بھلا ہی بیٹھے۔

آخری بات یہ کہ پی ٹی آئی کی چھوٹی چھوٹی باتوں پر تنقید اسلئے کی جاتی ہے کہ یہ پارٹی بہت طمطراق سے میدان میں اتری تھی کہ پاکستان کی حالت بدل دے گی اور چوروں سے پیچھا چھڑوائے گی لیکن اس کی ترجیحات میں اب درخت لگانا، کنٹینروں پر چڑھ کر گالیاں دینا، ٹاک شوز میں بکواسنا اور ہر میٹرو پر تنقید جیسے کام رہ گئے ہیں۔

عاطف صاحب میری خواہش ہے کہ آپ تفصیل سے بلوچستان کے ماضی اور حال کے بارے میں کچھ لکھیں اور تھریڈ بنائیں. بلوچستان کے حالات میں کیا تبدیلیاں اور بدلاؤ آیا ہے؟ پہلے کیا حالات تھے اور اب کیا حالات ہیں؟ ایک عام بلوچی پہلے کیا سوچتا تھا اور اب اس کی کیا سوچ ہے؟
آپ کی تھریڈ کا انتظار رہے گا
 

hmkhan

Senator (1k+ posts)

عاطف صاحب میری خواہش ہے کہ آپ تفصیل سے بلوچستان کے ماضی اور حال کے بارے میں کچھ لکھیں اور تھریڈ بنائیں. بلوچستان کے حالات میں کیا تبدیلیاں اور بدلاؤ آیا ہے؟ پہلے کیا حالات تھے اور اب کیا حالات ہیں؟ ایک عام بلوچی پہلے کیا سوچتا تھا اور اب اس کی کیا سوچ ہے؟
آپ کی تھریڈ کا انتظار رہے گا


میری بھی عاطف صاحب سے یہی درخواست ہے

 

Back
Top